MAMBO UWANJANI

Na Prince Hoza Uongozi wa mabingwa wa soka nchini, Yanga SC, umeiandikia barua ZFA kutaka kuutumia uwanja wa Amaan, Zanzibar kama uwanja wake wa nyumbani baada ya serikali kuzipiga stop Simba na Yanga kutumia uwanja wa Taifa uliopo jijini Dar es Salaam. Kwa mujibu wa kaimu katibu mkuu wa Yanga, Baraka Deusdetit ameiambia Mambo Uwanjani kuwa Yanga wameamua kuiomba ZFA kuutumia uwanja wa Amaan kama uwanja wa nyumbani. Yanga na Simba zilitakiwa na Bodi ya Ligi kuchagua uwanja wa kuutumia katika mechi zake za Ligi kuu bara, endapo Yanga itakubaliwa kuutumia uwanja wa Amaan, timu zote itakazokutana na Yanga katika Ligi kuu bara zitalazimika kupanda boti kwenda visiwani Zanzibar

Na Prince Hoza Straika la Kirundi Amissi Tambwe ameweka bonge la rekodi licha kwamba mashabiki wa soka hasa wa Simba wanachonga sana juu ya bao lake alilolifunga kwenye mechi ya watani iliyopigwa mwishoni mwa juma lililopita. Tambwe inadaiwa aliuseti mpira kwa mkono kisha kauweka mguuni kwake na kufumua shuti lililojaa wavuni na kuipa Yanga bao la uongozi lililodumu hadi dakika ya 87 Simba wakikpmboa kupitia Shiza Kichuya aliyepiga kona iliyoingia yenyewe wavuni. Tambwe ameweka rekodi ya aina yake ya kuwa mchezaji wa kwanza kufunga mabao matatu mfululizo kwenye mechi za watani, Tambwe alifunga bao moja, Yanga ikishinda mabao 2-0 moja likifungwa na Malimi Busungu mchezo wa kwanza wa Ligi kuu bara msimu uliopita, pia akafunga moja lingine katika mchezo wa marudiano wa Ligi kuu bara, Yanga ikishinda mabao 2-0, moja likifungwa na Donald Ngoma

Na Ikram Khamees, Dar es Salaam Winga Shiza Ramadhan Kichuya, aneinusuru Simba kulala mbele ya mtani wake Yanga SC, baada ya kuisawazishia bao lililowafanya watani hao kutoka sare ya bao 1-1 katika mechi ya Ligi kuu Tanzania bara iliyopigwa uwanja wa Taifa jijini Dar es Salaam. Licha ya vurugu za hapa na pale zilizopelekea askari wa kutuliza ghasia FFU kupiga mabomu kuwatuliza mashabiki wa Simba waliokuwa waking' oa viti hasa baada ya timu yao kufungwa bao la kwanza lililofungwa na Amissi Tambwe raia wa Burundi. Tambwe alifunga bao hilo lililodaiwa kuwa la mkono lakini mwamuzi Martin Saanya alilikubali, ndipo nahodha wa Simba Jonas Mkude alipomshambulia mwamuzi huyo kwa matusi na kutolewa nje kwa kadi nyekundu. Hadi timu hizo zinaenda kupumzika Yanga walikuwa vinara, kipindi cha pili kilionekana kuwa cha Simba kwani waliweza kutawala eneo lote la katikati na kufanikiwa kisawazisha bao kupitia kwa Kichuya aliyekwenda kuchonga kona iliyoingia yenyewe wavuni, Simba bado wanaendele...

Na Salum Fikiri Jr, Shinyanga Stand United ya Shinyanga jioni ya leo imeibuka na ushindi mbele ya mashabiki wake dhidi ya Yanga SC katika uwanja wa CCM Kambarage kwa bao 1-0 mchezo wa Ligi kuu bara. Kama si bahati Yanga leo wangeweza kubugizwa mabao matatu kwani kikosi cha Stand kimecheza vizuri na kulitia msukomsuko lango la Yanga. Yanga imefungwa bao hilo katika kipindi cha pili baada ya kazi nzuri ya Kevin Sabato, Yanga ililala mbele ya 'Maproo' wake Donald Ngoma raia wa Zimbabwe na Amissi Tambwe wa Burundi huku pia ikiwa na mastaa wake wengine

Na Ikram Khamees, Dar es Salaam Timu ya taifa ya Tanzania chini ya umri wa miaka 17, Serengeti Boys jioni ya leo imeichakaza vibaya timu ya taifa ya Congo Brazaville mabao 3-2 uwanja wa Taifa Dar es Salaam mchezo wa kufuzu fainali za mataifa Afrika. Stars ilitangulia kupata mabao yake katika kipindi cha kwanza yakifungwa mapema kabisa mawili, hadi mapumziko Serengeti ilikuwa mbele, kipindi cha pili Serengeti iliongeza la tatu wakati Congo Brazaville wakajipatia mabao yao mawili. Mabao ya Serengeti Boys yalifungwa na Yohana Oscar Nkomola aliyefunga mawili katika dakika ya 43 na 45 kipindi cha kwanza, bao la tatu lilifungwa na Issa Abdi Makamba. Magoli ya Congo Blazaville yamefungwa na Langa Lasse kwa mkwaju wa penalti baada ya Mbaungou Prastige kuchezewa rafu na Israel Patrick, goli lingine lilifungwa na Bopoumela Chardon katika dakika ya 88 akimalizia krosi ya Ntota Gedeon

Na Salum Fikiri Jr, Shinyanga Mabingwa wa soka Tanzania bara, Yanga SC, jana jioni walicharuka baada ya kuichabanga bila huruma Mwadui ya Shinyanga mabao 2-0 mchezo wa Ligi kuu ya Vodacom Tanzania bara uliopigwa kwenye Uwanja wa CCM Kambarage. Mwadui inayonolewa na Jamhuri Kihwelo "Julio" ilishindwa kabisa kuonyesha makeke yake kama iliyokuwa nayo msimu uliopita baada ya kukubali kipigo hicho mapema kabisa. Mfungaji bora wa msimu uliopita Amissi Joselyin Tambwe akawa wa kwanza kuifungia bao Yanga na hadi mapumziko wakawa mbele kwa bao hilo, kipindi cha pili Yanga wakaongeza bao la pili lililofungwa na Donald Ngoma. Goli hilo lilipatikana katika dakika za mwishoni kabla mpira haujamalizika, matokeo mengine, Tanzania Prisons na Mbeya City zilitoka sare 0-0, Mbao FC ikaichapa Ruvu Shooting 4-1, Ndanda FC ikaifunga Majimaji 2-1. Mechi nyingine Simba ikailaza Azam 1-0, Mtibwa Sugar ikailaza Kagera Sugar 2-0 wakati leo hii Stand United inacheza na JKT Ruvu

Na Saida Salum, Dar es Salaam Simba SC jana jioni ilijiongezea pointi tatu muhimu baada ya kuilaza Azam FC bao 1-0 katika mchezo mkali wa Ligi kuu ya Vodacom Tanzania bara uliochezwa Uwanja wa Uhuru jijini Dar es Salaam. Katika mchezo huo uliokuwa mgumu hasa kutokana na timu zote mbilj kuwa na upinzani mkali kila zinapokutana, hadi mapumziko Simba hawajapata kitu wala Azam inayonolewa na nakocha wa Hispania Zeben Hernanndez na msaidizi wake Jonas Garcia. Azam iliyokuwa na washambuliaji wake John Bocco "Adebayor" na Ronaldo Ya Thomas bado walishindwa kuupenya ukuta wa Simba uliokuwa ukilindwa vema na Method Mwanjali na Novat Lufunga, Shiza Kichuya, Laudit na Ibrahim Ajibu waliongoza safu ya ushambuliaji ya Simba. Lakini katika kipindi cha pili Shiza Ramadhan Kichuya akaipatia Simba bao la ushindi, Simba sasa iko kileleni ikiwa na pointi 13