MAMBO UWANJANI

Bondia maarufu wa zamani, Mike Tyson, amezua gumzo baada ya kuonekana akiandamana na Rais wa Marekani, Donald Trump, katika safari iliyohusisha helikopta ya urais, Marine One, na ndege ya Air Force One. Tyson alionekana akitembea na Trump katika bustani ya Ikulu ya Marekani kabla ya kupanda Marine One kuelekea kituo cha kijeshi cha Joint Base Andrews. Baadaye, walipanda Air Force One kuelekea Syracuse, New York, kwa mkutano wa kisiasa. Kabla ya safari hiyo, Trump alimtambulisha Tyson kwa waandishi wa habari huku akitania kwamba hatapigana naye siku hiyo, akieleza kuwa wamekuwa marafiki kwa muda mrefu. Urafiki wao ulianza miaka ya 1980, wakati Trump alipohusika katika kuandaa mapambano ya ndondi ya Tyson huko Atlantic City.

Tukubali wazee zama zimebadilika.. Kwanza tuheshimu hii Simba ni bora kila idara, ngumu sana kukabiliana nayo ukiwa na wachezaji wa kupepea. Kwanza Simba walicheza kama wanacheza na Timu ya daraja la pili.. Walitawala kila engo, walicheza kwa swaga zote wakijua kuwa hawa wetu muda wowote tunawagonga na ndicho kilicho tokea. Wana Yanga tukubali kocha hatuna lakini pia aina ya sajili zetu miaka hii miwili zimekua sajili za kubahatisha sana. Hii Yanga ya mwaka huu na ile ya mwaka Jana.. Hii ni mbovu inakocha mbovu.. Ile Yanga ya mwaka Jana ilikuwa nzuri ila ilikosa misingi ya makocha waliopita. Upepo umebadilika sana..

"Simba wameshinda kwa sababu walipambana sana, walibakia mchezoni licha ya kutanguliwa goli. Nilimtoa Mudathir baada kuona ameshindwa kumdhibiti Neo Maema nikaona ni sawa nibaki na Ngoma ambaye alikuwa anakimbia maeneo mengi uwanjani" "Simba walikamata eneo lote la Midfield haswa baada ya kutoka Duke, Simaanishi kwamba Ngoma alicheza vibaya lakini Simba walituzidi sana katika eneo la kiungo ndipo waliweza kurudisha goli na kuumaliza mchezo" - Manqoba Mngqithi jana baada ya mchezo wa Kariakoo derby dhidi ya Simba!

Mfanyabiashara na Mwekezaji wa Klabu ya Simba SC, Mohammed Dewji maarufu kama Mo Dewji ameipongeza timu hiyo kufuatia ushindi wa mabao 2-1 dhidi ya Yanga SC, katika mchezo wa Ligi Kuu Tanzania Bara uliochezwa leo Oktoba 10, 2026, kwenye Uwanja wa Uhuru, Dar es salaam. Kupitia ukurasa wake wa Instagram, Mo Dewji ameandika, “Pongezi kwa Wachezaji, Benchi la Ufundi, Viongozi, na Mashabiki wote wa Simba SC kwa matokeo mazuri.” “Hongereni sana, Wanasimba wote! Hii ndiyo Simba tunayoitaka!”

Kocha Mkuu wa Yanga SC, Manqoba Mngqithi, ameweka wazi kuwa majeraha aliyoyapata kiungo wa kimataifa wa Kenya, Duke Abuya, katika kipindi cha kwanza ndiyo yaliyokuwa nukta ya mabadiliko (turning point) iliyopelekea kupoteza mchezo wa Dabi ya Kariakoo dhidi ya Simba SC. ​Abuya alilazimika kutolewa uwanjani mapema katika dakika ya 25 kufuatia kupata jeraha kwenye mguu wake wa kushoto wakati Yanga ikiwa mbele kwa bao 1-0, kabla ya Simba SC kupambana na kupindua meza na kuibuka na ushindi wao wa kwanza wa ligi kuu dhidi ya watani zao tangu mwaka 2023. ​"Kwa bahati mbaya tulimkosa Duke na nafikiri hapo ndipo mchezo ulipobadilika. Yeye ni mchezaji muhimu sana katika timu yetu," alisema Mngqithi kupitia Eleven Eleven TV. ​"Kwa maoni yangu, mchezo ulipotelea kwenye ule mabadiliko ya Duke kwa sababu safu yetu ya kiungo ilikuwa imara sana. Timu ilikuwa ikicheza vizuri mno, lakini kwa bahati mbaya unapomkosa mchezaji nguzo mapema hivi kwenye mchezo, inabidi ujitoe kwa kiwango kikub...

Mwanasheria wa zamani wa Yanga SC, Simon Patrick, amesema klabu hiyo imepiga hatua kubwa katika uongozi, kikosi na mashabiki, lakini bado inahitaji kuboresha eneo la makocha. Baada ya Yanga kupoteza kwa mabao 2-1 dhidi ya Simba SC, Patrick amewashauri viongozi wa klabu hiyo kusajili kocha mwenye uzoefu na rekodi nzuri ya mafanikio, hasa katika mashindano ya CAF Champions League. "Mwalimu wa sekondari hawezi kufundisha chuo kikuu,” Simon Patrick

Meneja wa Habari na Mawasiliano wa Yanga, Ali Kamwe, ameandika katika ukurasa wake wa Instagram kuwa taarifa ya awali kutoka kwa daktari wa timu hiyo, Moses Etutu, inaeleza kuwa kiungo Duke Abuya ameumia sehemu ya nyama za paja. Abuya alipata jeraha hilo baada ya kuchezewa rafu ambayo Yanga imeielezea kuwa mbaya sana na Libasse Gueye, katika mchezo wa Ligi Kuu ya Tanzania Bara kati ya Yanga na Simba uliochezwa jana kwenye Uwanja wa Uhuru majira ya saa 1 usiku.