MAMBO UWANJANI

KOCHA wa muda wa timu ya Taifa ya Zambia, George Lwandamina, amesema awali alikuwa na wasiwasi kuhusu Albert Kangwanda alipokwenda Yanga, lakini kiwango alichoonyesha tangu ajiunge na mabingwa hao wa Tanzania kimemfanya abadili mtazamo wake. Lwandamina, ambaye pia anafanya kazi na Kangwanda katika kikosi cha Chipolopolo, amesema historia ya wachezaji waliowahi kucheza Yanga ilimfanya kuwa na hofu kama kiungo huyo angeweza kukabiliana na presha ya klabu hiyo. Amesema pamoja na Kangwanda kuanza kuonyesha uwezo wake, bado anatakiwa kuongeza juhudi zaidi ili kuendelea kupata nafasi ya kuaminiwa na mashabiki wa Yanga. “Kwa kiwango chake cha sasa nimemwambia anatakiwa kuongeza juhudi zaidi, kwa sababu kama amekubalika na mashabiki wa Yanga basi ataweza kufanikiwa kirahisi zaidi,” amesema. Kangwanda alijiunga na Yanga Julai mwaka huu akitokea Red Arrows ya Zambia, ambako alikuwa ametoka kuwa na msimu bora wa 2025/26 akiwa na mabao 17 na asisti tisa katika mashindano yote. Lwandamina amesema a...

"Bodi ya Ligi wametuandikia wizara kwamba wanataka uwanja [wa Uhuru] ambao mechi itafanyika [Simba vs Yanga], siku moja kabla ya mechi uwanja usitumike na timu yoyote.". Lakini kanuni mpya zinamtaka timu mgeni hataruhusiwa kuutumia uwanja siku moja kabla ya mchezo, lakini kwanini katika mchezo huu mpaka mwenyeji wa mchezo nae anakataliwa kufanya mazoezi wakati yeye ndie mwenyeji.

Bao pekee lililofungwa na Herbert Charles Lukindo katika dakika ya 10 limeiwezesha timu ya Namungo FC ya mkoani Lindi kuibuka na ushindi wa bao 1-0 dhidi ya TRA United ya mkoani Tabora. Mchezo huo wa Ligi Kuu bara uliochezwa uwanja wa Majaliwa uliopo Ruangwa, umeifanya kukwea nafasi ya 9 baada ya kufikisha pointi 9 ikiwatoa Geita Gold waliokuwa nafasi hiyo kwa muda mrefu. Namungo inayonolewa na Juma Mgunda wakati TRA United inanolewa na kocha wa zamani wa timu ya taifa, Taifa Stars, Hemed Morocco.

Msanii Dudu Baya amesema usiku wa kuamkia leo alipigiwa simu na Mkuu wa Polisi akimtaka afike kituoni majira ya saa 2:00 asubuhi hadi saa 3:00. Dudu Baya amesema alimweleza kuwa hataweza kufika muda huo na badala yake akaomba afike majira ya saa 6:00 au saa 7:00 mchana. Pia amesema alimuuliza Mkuu huyo wa Polisi sababu ya kuitwa kwake na nani aliyetoa maelekezo hayo. Kwa mujibu wa Dudu Baya, alielezwa kuwa wito huo umetolewa kwa maelekezo ya Waziri wa Mambo ya Ndani, Mheshimiwa Innocent Bashungwa. Hata hivyo, Dudu Baya amesema hajui kosa alilolifanya hadi kuitwa polisi, akisisitiza kuwa yeye ni raia mwema. Aidha, amesema kwa sasa ana hofu kuhusu usalama wake, akidai kuwa anawindwa kuwekewa sumu. Amesema hali hiyo ndiyo iliyomfanya kuahirisha show yake ya Tanga, huku akifikiria kujiondoa pia kwenye shughuli za kusherehekea miaka 30 ya Bongo Fleva ili ajitenge na kukaa ndani kwa ajili ya usalama wake. Dudu Baya: "Kwa sasa mimi nawindwa kuwekewa sumu, ndiyo maana show ya Tanga nimea...

“Inasikitisha sana inaumiza mno kuona wenzetu wapo kimya kama vile hakuna kinacho endelea siku ya hivi karibuni, wanacho kifanya watani wetu sio kitu Kizuri. Unajua Dabi ni mechi kubwa, mechi yenye hadhi ya juu. Dabi yetu ni kivutio Kizuri sana, ilibidi tuitunze kwa wivu mkubwa. Miaka ya nyuma wiki ya Dabi huwa ya moto sana, tambo mbali mbali mtaani. Kila upande kujinasibu kushinda mchezo, lakini sasa hayo mambo hayapo tena. Yani watani zetu wamekaa kimya kama wanaenda kucheza na Timu ndogo ndogo hivi.. Wanacho fanya ni roho mbaya tu labda wanadhani wakiongea basi watatupa faida sisi watu kujaa uwanjani.. Hilo kwetu sio inshu, mashabiki watakuja kuunga mkono timu yao. Hata mashabiki wao wasipo kuja uwanjani, Uwanja utajazwa na Wana Simba pekee hakuna shida yoyote. Acheni waendelee kukaa kimya, zamu yao ikifika na sisi tutakaa kimya” AHMED ALI.. Msemaji wa Simba Sc.

Wizara ya Habari, Utamaduni, Sanaa na Michezo imesema Uwanja wa Uhuru hautatumika kwa mazoezi ya Simba wala Yanga kuelekea mchezo wa Dabi unaotarajiwa kufanyika Oktoba 10, 2026. Katika taarifa iliyotolewa leo, Oktoba 7, 2026, Wizara imesema hatua hiyo inalenga kuzingatia kanuni na taratibu zilizowekwa na Bodi ya Ligi kuhusu matumizi ya viwanja vya mashindano, hususan masuala yanayohusu mazoezi ya timu. Wizara imesisitiza kuwa hakuna timu yoyote kati ya Simba na Yanga itakayoruhusiwa kutumia Uwanja wa Uhuru kwa mazoezi kabla ya mchezo huo, kwa kuzingatia matakwa ya kanuni za mashindano ya Ligi. Aidha, Wizara imewataka wadau, Mashabiki wa Simba na Yanga pamoja na Watanzania kwa ujumla kuzingatia utulivu, amani na taratibu zilizowekwa kuelekea mchezo huo unaosubiriwa kwa hamu.

Kocha Mkuu wa Harambee Stars ya Kenya, Benni McCarthy, amesema kushinda Kombe la Mataifa ya Afrika (AFCON) 2027 ni Jambo ambalo kwa sasa haiwezekani kwa Taifa hilo kutokana na ubora wa kikosi na rasilimali walizonazo. McCarthy amesema hata kama angepewa mamilioni ya dola ili kuiwezesha Kenya kushinda AFCON, bado timu hiyo haina nguvu na rasilimali za kutosha kushindana kwa kiwango sawa na mataifa yenye nguvu barani Afrika kama Morocco, Misri, Senegal na Ivory Coast. Kocha huyo amesema lengo la kwanza kwa Kenya katika AFCON 2027, ambayo itafanyika kwa pamoja Tanzania, Kenya na Uganda, linapaswa kuwa kuvuka hatua ya makundi na kufikia hatua ya robo fainali au nusu fainali, huku ushindani wa ubingwa ukiwa ni mpango wa muda mrefu. McCarthy amesema Kenya inaweza kuhitaji hadi miaka 10 ya maendeleo kabla ya kuwa na uwezo wa kushindania ubingwa wa AFCON, akisisitiza kuwa kizazi kipya cha wachezaji wanaocheza nje ya nchi kinaweza kuwa msingi wa mafanikio hayo ya baadaye.