MAMBO UWANJANI

Na Prince Hoza. Dar es Salaam Simba SC inatarajia kushuka dimbani jioni ya leo kucheza na Mwadui FC kutoka Shinyanga katika Uwanja wa Uhuru jijini Dar es Salaam mchezo wa Ligi Kuu ya Vodacom Tanzania Bara. Mchezo huo unatarajiwa kuwa mkali na wa kusisimua kutokana na timu zote kuhitaji pointi tatu muhimu, Simba wao wana pointi nne na wanahitaji ushindi ili kuisogelea Mtibwa Sugar inayoongoza ligi hiyo ikiwa na pointi tisa. Mwadui nao ambao wana pointi tatu wanahitaji ushindi ili kufikisha pointi sita, Simba inaingia uwanjani ikiwa na pengo la kiungo wake wa kimataifa, Haruna Niyonzima raia wa Rwanda ambaye ameumia, lakini Mganda Emmanuel Okwi ataongoza mashambulizi. Mbeya City nayo itacheza na Njombe Mji katika muendelezo huo wa Ligi Kuu Bara, mchezo huo utafanyika katika uwanja wa Sokoine mjini Mbeya Wachezaji wa Simba leo jioni wanacheza na Mwadui

Na Exipeditor Mataruma. Songea Mabingwa watetezi wa Ligi Kuu ya Vodacom Tanzania Bara, Yanga SC jioni ya leo imeshindwa kuondoka na pointi zote tatu baada ya kulazimishwa sare na wenyeji Majimaji katika Uwanja wa Majimaji mjini Songea. Timu hizo hadi zinaenda mapumziko zilikuwa hazijafungana hata bao, kipindi cha pili Majimaji walipata bao la uongozi lililofungwa na mshambulizi wake Peter Mapunda lakini Yanga wakachomoa kupitia Donald Ngoma na kuzifanya timu hizo kugawana pointi moja moja. Hata hivyo timu zote zitajilaumu zenyewe kwa kukosa mabao mengi ya wazi, Kwa matokeo hayo Yanga imefikisha pointi tano na ikiwa imeambulia pointi nne kutoka Nyanda za juu Kusini, baada ya kuilaza Njombe Mji FC bao 1-0. Wakati huo huo winga wa Yanga, Emmanuel Martin aliumizwa vibaya baada ya kupigwa kiwiko na mchezaji wa Majimaji, winga huyo alipelekwa hospitali haraka kutibiwa Donald Ngoma ameisawazishia Yanga bao

Na Ikram Khamees. Morogoro Ligi Kuu ya Vodacom Tanzania Bara imeendelea leo kwa kupigwa mechi tano ambapo Mtibwa Sugar imezidi kupaa kileleni baada ya kuichakaza Mbao FC ya Mwanza bao 1-0 katika Uwanja wa Manungu Complex mjini Morogoro. Goli pwkee la Mtibwa Sugar lilifungwa na Kevin Sabato "Kiduku", kwa matokeo hayo Mtibwa imefikisha pointi tisa ikikamata uongozi na hakuna timu itakayoweza kuipoka nafasi hiyo kwa juma hili hata kama Simba kesho ikiifunga Mwadui. Matokeo yote kwa ujumla haya hapa. Majimaji 1 Yanga 1. (Majimaji Stadium), Lipuli 0 Ruvu 0, (Samora Stadium),  Prisons 0 Ndanda 0. (Sokoine Stadium), Mtibwa 2, Mbao FC, 1. (Manungu Complex) na Stand 0,  Singida United 1, (Kambarage). Mtibwa Sugar inaongoza Ligi Kuu Bara

Na Mrisho Hassan. Dar es Salaam Klabu bingwa Afrika mashariki na kati, Azam FC usiku huu imepaa kileleni mwa msimamo wa ligi, baada ya kuilaza Kagera Sugar bao 1-0 katika Uwanja wa Azam Complex uliopo Chamazi nje kidogo ya jiji la Dar es Salaam. Shujaa wa Azam katika mchezo huo alikuwa Mbaraka Yusuf ambaye aliifungia bao pekee la ushindi kipindi cha kwanza dakika 44 akipokea pasi kutoka kwa Yahaya Zayed na kumchambua kipa mkongwe Juma Kaseja. Huo unakuwa mchezo wa pili kwa Kagera Sugar kupoteza huku ikiwa imecheza mechi tatu na pointi moja kibindoni ikiwa ni mwanzo mbaya kwa timu hiyo iliyomaliza katika nafasi ya tatu msimu uliopita. Matokeo hayo yanawafanya Azam kupaa kileleni mwa msimamo wa ligi kwa muda wakiishusha Mtibwa Sugar ambao wanaweza kurejea kileleni endapo watashinda mchezo huo wa kesho. Azam sasa imefikisha pointi saba ikiwaacha nyuma kwa pointi moja Mtibwa wenye pointi sita na Simba ikikamata nafasi ya tatu na pointi zao nne Mbaraka Yusuf, leo ameiua timu y...

Na Salum Fikiri Jr. Dar es Salaam Ligi Kuu ya Vodacom Tanzania bara inaendelea tena kuanzia leo Ijumaa kwa mchezo mmoja kati ya Azam FC na Kagera Sugar utakaofanyika katika Uwanja wa Uhuru jijini Dar es Salaam. Mechi nyingine zitapigwa kesho Jumamosi na Jumapili ambapo pointi tatu muhimu zitawaniwa, kwa ratiba kamili hii hapa. Ruvu Shooting vs Lipuli FC, (Samora) Yanga vs Majimaji, Tanzania (Majimaji), Prisons vs Ndanda FC (Sokoine) Stand United vs Singida United, (Kambarage), Mtibwa Sugar vs Mbao FC (Manungu Complex), Jumapili Simba vs Mwadui (Uhuru Stadium), Njombe Mji vs Mbeya City) Kikosi cha Majimaji ya Songea

Na Exipeditor Mataruma. Songea Klabu bingwa ya soka Tanzania bara, Yanga SC kesho Jumamosi itashuka uwanjani kucheza na Majimaji ya Songea katika Uwanja wa Majimaji mkoani Ruvuma mchezo wa Ligi Kuu ya Vodacom Tanzania Bara. Mabingwa hao wanashuka uwanjani wakiwa na pengo la kiungo wao Mzimbabwe Thabani Scara Kamusoko ambaye ametonesha nyonga mazoezini jana na kushindwa kuendelea na mazoezi. Kamusoko aliumia nyonga katika mchezo wa Ligi Kuu Bara dhidi ya Njombe Mji uliofanyika Jumapili iliyopita katika uwanja wa Sabasaba na Yanga kushinda bao 1-0 goli lililofungwa na Ibrahim Ajibu Thabani Kamusoko huenda akaukosa mchezo wa kesho

Na Ikram Khamees. Dar es Salaam Simba SC inatarajiwa kuikosa huduma ya kiungo wake wa Kinyarwanda, Haruna Niyonzima "Fabregas" Jumapili itakapocheza na Mwadui FC mchezo wa Ligi Kuu ya Vodacom Tanzania Bara. Niyonzima aliumia mazoezi juzi Jumatano hivyo ataukosa mchezo huo, kukosekana kwa kiungo huyo mahiri aliyesajiliwa msimu huu akitokea kwa mahasimu wao Yanga kunaweza kusababisha madhara kwa Simba kutokana na umahiri wake. Niyonzima amekuwa katika kiwango cha juu tangia ajiunge na kikosi hicho, haijajulikana nani atakayeweza kuziba nafasi yake, kocha msaidizi wa Simba, Jackson Mayanja raia wa Uganda amethibitisha Simba kumkosa kiungo huyo, Jumapili Simba itaumana na Mwadui Haruna Niyonzima ataukosa mchezo wa Ligi Kuu dhidi ya Mwadui