MAMBO UWANJANI

Na Ikram Khamees. Morogoro Ligi Kuu ya Vodacom Tanzania Bara leo inaendelea tena kwa Mtibwa Sugar kuikaribisha Yanga SC katika uwanja wa Jamhuri mjini Morogoro mishale ya saa 10:00. Mchezo huo umekuwa gumzo kutokana na historia ya vilabu hivyo viwili kutambiana kila zinapokutana, Yanga ina rekodi nzuri ya kuifunga Mtibwa hasa ikicheza Uwanja wa Taifa Dar es Salaam. Mtibwa nao wamekuwa na rekodi nzuri wanapokutana na Yanga katika uwanja wa Jamhuri, lakini msimu uliopita Yanga iljvunja mwiko kwa kuilaza Mtibwa mabao 2-0 kwenye uwanja huo huo wa Jamhuri. Kikosi cha Yanga kitaingia na taadhali hasa wakiangalia ushindani uliopo sasa, Yanga ikishinda mchezo huo itakaa kileleni na kuiangusha Simba inayoongoza kwa pointi 55, Yanga inajivunia straika wake Obrey Chirwa ambaye anacheza leo kufuatia kufutwa kwa kadi nyekundu aliyoonyeshwa na mwamuzi Ahmad Simba dhidi ya Ruvu Shooting Jumatano iliyopita

Wezi wanaaminika kuvunja na kuingia katika nyumba ya aliyekuwa nahodha wa timu ya taifa ya Uingereza John Terry wakati akiwa katika likizo ya kifamilia. Maafisa wa polisi wa Surrey walithibirisha kwamba nyumba iliyopo Oxshott ilivunjwa wikiendi iliyopita, John Terry ameripotiwa kuishi katika nyumba ya vyumba saba nchini humo. Msemaji wa kituo hicho cha polisi wa Surrey amesema kuwa "Tunaweza kuthibitisha kuwa wizi ulifanyika katika nyumba moja iliyopo Moles Hill, Oxshott usiku wa tarehe 25 na 26 mwezi Februali mwaka huu", alisema msemaji wa polisi. Wezi hao wanadaiwa kuvunja na kuingia katika nyumba hiyo na kuiba viru vyenye thamani wakati ambapo mchezaji huyo wa Chelsea mwenye umri wa miaka 36 alikuwa ameenda likizo na watu wa familia akiwemo mkewe Toni kulingana na ripoti za gazeti la The Sun

Na Paskal Beatus. Dar es Salaam Vinara wa Ligi Kuu Bara, Simba SC jioni ya leo imenusurika kipigo toka kwa 'Wagonga nyundo' wa Mbeya City baada ya kulazimisha sare ya kufungana mabao 2-2 katika mchezo wa Ligi Kuu ya Vodacom Tanzania Bara uliofanyika Uwanja wa Taifa Dar es Salaam. Ikicheza vizuri na kwa maelewano makubwa, vijana wa Mbeya City waliandika bao la kwanza lililofungwa na Betram Nchimbi ambaye leo alicheza vizuri, hadi mapumziko Mbeya City walikuwa mbele, Kipindi cha pili Simba walikuja na moto na kufanikiwa kusawazisha bao lililofungwa na Ibrahim Ajibu kwa mkwaju wa adhabu ndogo. Mbeya City walipata bao la pili lililofungwa tena na yuleyule Betram Nchimbi ambalo lilikaribia kuwa la ushindi kabla ya Shiza Kichuya kuisawazishia Simba kwa mkwaju wa penalti, kwa matokeo hayo Simba imefikisha pointi 55 ikicheza mechi 24 wakati Yanga ikiendelea kushika nafasi ya pili kwa pointi zake 52 mechi 23 na kesho inacheza na Mtibwa Sugar uwanja wa Jamhuri mjini Morogoro

Na Mwandishi Wetu. Dar es Salaam Kiungo mshambuliaji wa kimataifa wa Yanga SC, Obrey Chirwa raia wa Zambia hatimaye ameachiwa huru baada ya Kamati ya masaa 72 ya Shirikisho la mpira wa Miguu nchini (TFF) kukutana leo na kufuta adhabu ya kadi nyekundu aliyoonyeshwa na mwamuzi Ahmad Simba katika mchezo wa Ligi Kuu ya Vodacom Tanzania Bara dhidi ya Ruvu Shooting. Mchezo huo ulifanyika Uwanja wa Taifa Dar es Salaam na Yanga kushinda kwa mabao 2-0 yaliyofungwa na Simon Msuva kwa penalti na Emmanuel Martin, Simba alilikataa bao la wazi la Yanga lililofungwa na Obrey Chirwa kwa kichwa baada ya kuruka juu na kuunganisha kimiani. Lakini mwamuzi alikataa bao hilo na kumuonyesha kadi ya njano Chirwa iliyomfanya atolewe nje ya uwanja, goli hilo halikuwa na shaka yoyote kwani hata kipa wa Ruvu Shooting alikiri ni bao halali, Leo kamati ya masaa 72 imeifuta kadi hiyo na inamfanya Chirwa arejee uwanjani katika mchezo ujao dhidi ya Mtibwa Sugar kesho kwenye uwanja wa Jamhuri mjini Morogoro

Na Paskal Beatus. Dar es Salaam Mwanasoka wa zamani wa kimataifa wa England na klabu ya Liverpool, John Barnes amewasili nchini Tanzania na kuendesha kliniki ya soka kwa vijana chini ya umri wa miaka 17. Alipokelewa na wenyeji wake ambao ni Mkuu wa Idara ya Fedha wa benki ya Standard Chartered, Abdulrahaman Said, Mkuu wa Mahusiano na Masoko wa benki hiyo, Juanita Mramba pamoja na Afisa Habari wa TFF, Alfred Lucas kwa ajili ya maadhimisho ya miaka 100 ya benki ya Standard Chartered ambayo ni wadhamini wakuu wa klabu ya Liverpool. Bingwa wa mashindano hayo atapata nafasi ya kwenda nchini Liverpool Uingereza, Timu zilizoingia fainali za mashindano hayo ya kikanda ni Azania Group ya Tanzania, Capital FM ya Kenya na Cocacola ya Uganda.. Barnes ambaye hii ni zaidi ya mara ya tatu anakuja Tanzania kwa shughuri mbalimbali za kijamii, hapa anazungumza na waandishi wa Habari

Na Mrisho Hassan. Dar es Salaam Ukata unaoiandama Klabu bingwa ya soka Tanzania Bara, Yanga umesababisha mkurugenzi wake wa ufundi Mholanzi Hans Van der Pluijm kuondolewa kwenye nafasi yake hiyo na kutakiwa kurejea zake Uholanzi. Akizungumza kwa masikitiko kabisa, Pluijm ambaye alikuwa kocha wa Yanga kwa mara ya kwanza mwaka 2014 akichukua mikoba ya Mholanzi mwenzie Ernie Brandts akiinoa kwa nusu msimu kabla ya kutimkia Saudi Arabia. Pluijm alirejea tena Yanga kama kocha mkuu mwaka 2015 akiipa ubingwa wa Bara mara mbili mfululizo na mataji mengine kama Ngao ya Hisani na kombe la FA, pia akiisaidia Yanga kufuzu nane bora ya kombe la Shirikisho Afrika. Mwaka jana Pluijm akateuliwa kuwa mkurugenzi wa ufundi huku nafasi yake ikichukuliwa na Mzambia George Lwandamina, ukata ulioanza kuikumba Yanga hasa baada ya kushikiliwa kwa akaunti za mwenyekiti wao Yusuf Manji zimesababisha ukosefu wa kuwalipa mishahara wachezaji wa timu hiyo pamoja na watendaji wengine akiwemo Hans Pluijm. Katibu ...

Na Saida Salum. Dar es Salaam Beki wa pembeni wa Yanga, Hassan Ramadhan Kessy amesema hataki kujibizana na Mkuu wa kitengo cha Habari na Mawasiliano wa Simba, Haji Manara na badala yake anamjibu kwa vitendo ndani ya uwanja kama alivyofanya Jumatano iliyopita alipocheza vizuri dhidi ya Ruvu Shooting na kuiongoza Yanga kushinda 2-0 Uwanja wa Taifa Dar es Salaam. Kessy aliitoa kauli hiyo mara baada ya mechi hiyo ya Ligi Kuu ya Vodacom Tanzania Bara, beki huyo alianza kwenye kikosi cha kwanza cha Mzambia George Lwandamina. Beki huyo tangu atue Yanga hakuwa na nafasi ya kucheza katika kikosi cha kwanza cha timu hiyo na mara kadhaa amekuwa akitokea benchi katika timu hiyo. Kessy amesema aliiona na kuisoma post ya Manara kwenye ukurasa wake wa Instagram ambayo ilikuwa ikimdhihaki kutokana na kukas benchi. Kessy alisema baada ya kuisoma hakutaka kumjibu na badala yake slikaa kimya kuhofia majibizano yasiyokuwa na maana na badala yake akili zake alizielekeza kwenye kucheza soka pekee. ...