MAMBO UWANJANI

YANGA wanapambana kuhakikisha wanatimiza matakwa ya kocha mkuu wa kikosi hicho, Sead Ramovic ambaye ameagiza kufanyika maboresho kadhaa katika kipindi hiki cha usajili wa dirisha dogo akitaja maeneo yanayotakiwa kuongezwa nguvu. . Kati ya maeneo hayo ni beki ya kushoto na kulia ambako tayari amesajiliwa Israel Mwenda kwa mkopo akitokea Singida Black Stars. Pia anahitajika beki wa kati, kiungo mkabaji, winga ya kushoto na mshambuliaji. . Katika kuanza na mikakati hiyo, haraka Mabosi wa Yanga wameamua kuhamishia nguvu kwa beki Mzenji, Laurian Makame anayeitumikia Fountain Gate. . Chanzo cha kuaminika kutoka ndani ya Yanga, kimeeleza kuwa viongozi wameweka nguvu Fountain Gate ili kumpata Makame ambaye amekuwa nguzo muhimu ndani ya kikosi hicho kilichoweka ngome yake Manyara ikiutumia Uwanja wa Tanzanite Kwaraa. Laurian Makame

Azam Fc imetangaza kumuongezea mkataba Mlinda lango wao Zubeir Foba wa miaka miwili. Kipa huyo amesaini mkataba wa kusalia Azam Complex hadi mwaka 2027 baada kuridhishwa na mwendndo wake msimu huu, akicheza michezo mitano za mashindano yote na kujikusanyia 'cleansheet' katika mechi zote hizo.

Bondia wa Ngumi za Kulipwa hapa nchini Mfaume Ahmad Said a.k.a 'Mapafu Ya Mbwa' Tarehe 26/12/2024 anatarajia kucheza pambano la Kimataifa kwenye Mapambano ya 'Knockout Ya Mama 2. Mfaume huyu ni bondia kutoka Gym la Naccoz liliopo maeneo ya Mabibo Makutano Dar es Salaam pia ni bingwa wa zamani aliyekuwa akishikilia Mikanda ya WBF African Super Welterweight kg 69 Title na mkanda wa East & Central Africa Super Welterweight kg 69 Title. December 26 Mfaume ataenda kucheza pambano lake la kwanza kwa Mwaka huu baada ya kukaa mda mrefu bila kupigana mara ya Mwisho Mfaume kuonekana Ulingoni ilikuwa Tarehe 30/6/2023 ambapo alicheza dhidi ya bondia Chikondi Makawa raia wa Malawi pambano la Kimataifa la raundi 8 na alishinda kwa matokeo ya Point ya Majaji Wote Watatu. Safari hii atakuwa na kibarua dhidi ya bondia Paulus Shishilven Amavila raia wa Namibia ambapo watacheza pambano la Kimataifa la raundi 8 lililo andaliwa na Mafia Boxing Promotion na litafanyika kwenye Ukumbi wa Super...

Rais wa klabu ya Yanga, Eng. Hersi Said akiwa na Haji Manara kwenye jukwaa moja katika uwanja wa KMC Complex wakifuatilia mchezo kati ya Yanga dhidi ya Tanzania Prisons. Ikumbukwe Haji Manara aliwahi kunukuliwa akisema kuwa hana mawasiliano na Rais wa klabu ya Yanga.

Klabu ya Yanga imepokea barua kutoka TFF ya Kutomtumia mchezaji wao mpya Israel Mwenda (24) kutokana na kutokamalisha malipo ya madeni ya wachezaji wao wa zamani. Yanga bado inapambana kulipa madeni ili kuruhusiwa na FIFA kufanya usajili wa wachezaji wapya.

KMC FC imefanikiwa kuinasa saini ya kiungo Ahmed Pipino ambaye hivi karibuni amefanya vizuri akiwa na timu ya taifa ya vijana chini ya miaka 20 [U20] ‘Ngorongoro Heroes’ ambacho kikifanikiea kutwaa ubingwa wa CECAFA na kufuzu Fainali za AFCON U20 ambazo zitafanyika mwaka ujao. Nyota huyo amekuwa akilelewa na Magnet Youth Sports Organization na mara kadhaa alipata fursa ya kwenda kufanya majaribio nchini Hispani kwenye timu za vijana za Celta Vigo.

Staa wa muziki wa Taarabu Aisha Mashauzi ameweka bayana kuwa anavutiwa zaidi wanaume wenye sura mbaya kwani wengi wao ni wabaya zaidi kitandani. "Sipendi kabisa wanaume wenye baby face napenda wenye sura mbovu maana hata kitandani wanakuwaga heka heka sana"- Aisha Mashauzi