MAMBO UWANJANI

Na Exipeditor Mataruma. Mbeya Mabingwa wa kombe la Mapinduzi, Azam Fc leo inashuka uwanja wa kumbukumbu ya Sokoine mjini Mbeya kuumana na wenyeji wanajeshi wa magereza Tanzania Prisons mchezo wa Ligi Kuu ya Vodacom Tanzania Bara. Azam Fc ambayo Alhamis iliyopita ililazimishwa sare ya kufungana bao 1-1 na Majimaji Fc uwanja wa Majimaji mjini Songea, inahitaji ushindi katika mchezo wa leo ili iweze kuishusha kileleni Simba kwani mpaka sasa ina pointi 27 na ikishinda itakuwa na 30. Lakini siyo kazi rahisi kuishinda timu hiyo inayokamata nafasi ya sita ikiwa na pointi 21 kwani timu hiyo ina kumbukumbu ya ushindi wa mabao 3-2 dhidi ya Mbeya City  uwanja wa Sokoine, Mbeya. Mechi nyingine zitakazopigwa leo ni Mbao Fc na Stand United, CCM Kirumba Mwanza, Mtibwa Sugar na Njombe Mji, Manungu Complex , Morogoro na Mwadui Fc na Ndanda Fc, Mwadui Complex, Shinyanga Azam Fc inacheza na Prisons leo

Na Exipeditor Mataruma. Mbeya Timu ya Lipuli Fc ya Iringa jioni ya leo imeikaba koo Mbeya City baada ya kuilazimisha sare tasa 0-0 mchezo wa Ligi Kuu ya Vodacom Tanzania Bara katika uwanja wa Sokoine jijini Mbeya. Vijana wa Mbeya City ambao sasa ni kama yatima baada ya kutemwa na wamiliki wake Halmashauri ya jiji la Mbeya MCC, imejikuta ikishindwa kupata ushindi nyumbani. Kwa matokeo hayo Mbeya City imefikisha pointi 13 na mechi 13 huku Lipuli ikifikisha pointi 15 na mechi 13, ligi hiyo itaendelea tena kesho kwa mechi nne, Mbao Fc itaialika Stand United, CCM Kirumba, Mtibwa Sugar na Njombe Mji, Manungu Complex Prisons na Azam Fc, Azam Complex, Chamazi na Mwadui itaumana na Ndanda Fc, Mwadui Complex, Shinyanga Lipuli Fc imeibana koo Mbeya City

Na Saida Salum. Dar es Salaam Klabu ya Simba imemtambulisha rasmi Mfaransa, Pierre Lechantre kuwa kocha wake mkuu akichukua mikoba ya Mcameroon, Joseph Omog. Lechantre amefurahi kujiunga na Wekundu hao wa Msimbazi na ameahidi kushirikiana vema na kocha msaidizi Mrundi, Masoud Djuma. Aidha Mfaransa huyo amekisifu kikosi cha Simba kwa ushindi mkubwa ilioupata jana dhidi ya Singida United katika uwanja wa Taifa Dar es Salaam, Lechantre ataanza kazi mara moja baada ya kukamilisha taratibu za uhamiaji Pia Simba imemtambulisha kocha wa viungo, Mohamed Aymen Hbibi raia wa Morocco Pierre Lechantre (Wa pili kushoto) ametambulishwa leo kuwa kocha mkuu wa Simba

Na Ikram Khamees. Dar es Salaam Mwenyekiti wa zamani wa vinara wa Ligi Kuu ya Vodacom Tanzania Bara, Simba Sc, Hassan Dalali "Field Marshal" ameamua kuzunguka karibu mikoa saba nchini kuwahamasisha Wapenzi na mashabiki wa timu hiyo kuisapoti kwa nguvu zao ili kutwaa ubingwa wa Ligi Kuu Bara. Akizungumza jana mara baada ya Simba kuibugiza Singida United mabao 4-0, Dalali amesema anajisikia furaha kwa ushindi huo na anawataka Wanasimba kuungana kuhakikisha Simba inachukua ubingwa wa Bara. Simba ina kiu ya ubingwa baada ya kucheza misimu mitano pasipo kupata ubingwa huku watani zake Yanga na Azam wakipokezana utawala wa soka, lakini msimu huu amedai iwe isiwe lazima wachukue ubingwa. Simba inaongoza Ligi ikiwa na pointi 29 ikicheza mechi 13 ikifuatiwa na Azam Fc yenye pointi 27, mahasimu wao Yanga wenyewe wameachwa mbali kwani wana pointi 22 wakishika nafasi ya tano Mikoa ambayo ametaja kwenda ni Morogoro, Tanga, Mwanza, Dodoma, Mbeya, Iringa, Songea, Kagera na Zanzibar. ...

Hassan Dilunga: Amezaliwa upya. Na Prince Hoza KWA bahati iliyoje Hassan Dilunga amewahi kujiandikia historia yake nzuri katika ulimwwngu wa soka, historia yenyewe ni ya kuichezea klabu kubwa na kongwe hapa nchini Yanga Sc, pia na timu ya taifa, Taifa Stars. Mchezaji mpira hasa wa hapa nchini ili aheshimike sana lazima acheze Yanga au Simba kama ukimalizia soka lako kwingine bila kucheza vilabu hivyo viwili ni sawa na kuoa mke bila kupata mtoto au ni sawa na kutwanga maji kwenye kinu. Simba na Yanga ndio timu zenye mashabiki wengi, kila Mtanzania unayemuona ujue ana mapenzi na Simba au Yanga, mtu akikwambia azipendi kabisa timu hizo ujue huyo anakudanganya na kwa vyovyote atakuwa mwanasiasa. Mwanasiasa pekee ndiye anayeweza kukukatalia jambo kwa maslahi yake binafsi, lakini ukweli anabaki nao moyoni kwake, hivyo ndivyo ilivyo kwa kijana Hassan Dilunga ambaye kwa sasa ni mchezaji wa Mtibwa Sugar ya Turiani mkoani Morogoro. Huu ni msimu wake wa kwanza tangu ajiunge na mabingwa hao ...

Na Mrisho Hassan. Dar es Salaam Simba Sc leo imemtambulisha kocha mpya kwa mashabiki wake kwenye uwanja wa Taifa Dar es Salaam wakati ilipokuwa inacheza na Singida United jioni ya leo ikishinda mabao 4-0. Pierre Lechantre raia wa Ufaransa mwenye rekodi ya kushinda kombe la mataifa Afrika mwaka 2000 akiwa na timu ya taifa ya Cameroon (Indomitable Lions) na kushinda tuzo ya kocha bora wa Afrika mwaka 2001 na pia kocha bora wa Asia mwaka 2002. Lechantre amekuja kumrithi Mcameroon, Joseph Omog ambaye tayari amefutwa kazi, kwa mujibu wa Mkuu wa kitengo cha habari na mawasiliano wa klabu ya Simba, Haji Manara amesema kocha huyo amekuja na kocha wa viungo Mohamed Aymen Hbibi. Hata hivyo Manara amedai Masoud Djuma ambaye ni kocha msaidizi ataendelea na jukumu hilo hilo, Wakati Simba ikimshusha Lechantre imeamua kuachana na Mfaransa mwingine Hubert Velud ambaye ameletwa na mmiliki mtarajiwa wa timu hiyo Mohamed Dewji "Mo" ametoswa na kutelekezwa hotelini Kocha mpya Simba, Pierr...

Na Salum Fikiri Jr. Dar es Salaam Wekundu wa Msimbazi, Simba Sc jioni ya leo imeutumia vema uwanja wa Taifa Dar es Salaam baada ya kuibugiza bila huruma Singida United kwa mabao 4-0 mchezo wa Ligi Kuu ya Vodacom Tanzania Bara. Kwa matokeo hayo, Simba inaendelea kukaa kileleni ikifikisha pointi 29 na mechi 13, Ikicheza vizuri leo mbele ya kocha mpya Mfaransa Pierre Lechantre ambaye anatarajia kuingia mkataba kuinoa Simba. Mabao ya Simba yalifungwa na Shiza Kichuya na Asante Kwasi kipindi cha kwanza na Emmanuel Okwi akafunga mawili kipindi cha pili, vijana wa Singida United wanaonolewa na Mholanzi, Hans Van der Pluijm wameshindwa kucheza lile soka lao walilolicheza kwenye mashindano ya kombe la Mapinduzi. Katika mchezo mwingine wa Ligi Kuu Bara uliofanyika uwanja wa Majimaji mjini Songea kati ya wenyeji Majimaji na Azam Fc na kumalizika kwa sare ya 1-1 huku Azam ikitangulia kwa bao la Joseph Mahundi, Azam sasa inakamata nafasi ya pili ikiwa na pointi 27 Simba imeifunga Singida Uni...