MAMBO UWANJANI

Na Salum Fikiri. Dar es Salaam Klabu bingwa ya soka Tanzania Bara, Yanga Sc, leo imezuiwa kufanya mazoezi katika uwanja wa Taifa jijini Dar es Salaam tayari kabisa kujiandaa na mchezo wao wa Ligi ya mabingwa barani Afrika. Yanga itacheza na St Louis wa Shelisheli Jumamosi ijayo kwenye uwanja huo wa Taifa lakini ikiwa katika maandalizi yake kama zimemavyo sheria za mashindano mwenyeji hupata wasaa wa kufanya mazoezi katika uwanja husika kabla ya kuwapisha wageni wao siku moja kabla ya mchezo imejikuta ikizuiwa. Nsajigwa Gordon ambaye ni meneja wa uwanja huo ameizuia Yanga isifanye mazoezi katika uwanja huo kwa madai kuwa bado uwanja huo haukidhi viwango vya timu kufanyia mazoezi hapo isipokuwa kuna ruhusa ya mechi, lakini hata hivyo St Louis wameruhusiwa kuutumia kwa kesho wakati Yanga wakalazimika kwenda kukodi uwanja mwingine kufanya mazoezi yao. Ikumbukwe kuwa Yanga ni wawakilishi wa Tanzania kwenye michuano ya kimataifa, na kwa kitendo cha kuwanyima uwanja kinachukuliwa kama cha...

Na Ikram Khamees. Dar es Salaam Kiungo wa kimataifa wa Simba Sc raia wa Rwanda, Haruna Niyonzima anatarajia kupelekwa nchini India keshokutwa kwa ajili ya kufanyiwa upasuaji wa goti linalomsumbua. Niyonzima anasumbuliwa na goti na amekosekana uwanjani kwa muda mrefu na kuzua mshangao, Mkuu wa kitengo cha habari na mawasiliano wa Simba Sc, Haji Manara amesema watampeleka India akafanyiwe matibabu. Niyonzima alisajiliwa na Simba mwanzoni mwa msimu huu akitokea kwa mahasimu wao Yanga, ameshindwa kuitumikia Simba baada ya kuumia goti lakini atarejea endapo atafanyiwa matibabu Haruna Niyonzima anaenda kutibiwa India

Na Saida Salum. Dar es Salaam Yanga Sc itasafiri tena hadi mjini Songea mkoani Ruvuma kwa ajili ya mchezo wa hatua ya 16 Bora ya michuano ya Azam Federation Cup (ASFC) dhidi ya wenyeji Majimaji katika droo iliyopangwa leo kwenye studio za Azam Tv zilizopo Tabata Dar es Salaam. Mechi zote za hatua ya 16 Bora ya michuano hiyo ya Shirikisho la soka Tanzania (TFF) zitafanyika kati ya Februali 22 na 25 mwaka huu na mbali ya Yanga kwenda Songea, vigogo wengine AzamnFc watamenyana na KMC ya Kinondoni mjini Dar es Salaam. Wakati mkoa wa Shinyanga utahodhi mechi mbili mfululizo, ya kwanza ni Stand United na Dodoma Fc na baadaye Buseresere na Mtibwa Sugar uwanja wa Kahama. Mechi nyingine za hatua hiyo ni JKT Tanzania na Ndanda Fc uwanja wa Mbweni Dar es Salaam, Kiluvya United na Tanzania Prisons, uwanja wa Filbert Bayi mjini Kibaha, Pwani, Singida United na Polisi Tanzania uwanja wa Namfua mjini Singida na Njombe Mji Fc itaumana na Mbao Fc uwanja wa Sabasaba mjini Njombe. Ikumbukwe Yanga na...

Na Prince Hoza. Dar es Salaam Mkuu wa majeshi ya ulinzi na usalama wa taifa, Generali Venance Mabeyo juzi ameipongeza timu ya Green Warriors kwa kuonesha ushupavu wake kwenye sekta ya michezo. Mabeyo ameisifu Green Warriors timu inayomilikiwa na Jeshi la Wananchi Tanzania kikosi cha Mwenge jijini Dar es Salaam, mkuu huyo wa majeshi ameisifu timu hiyo hasa baada ya kuifunga Simba Sc mabao 4-3 kwa mikwaju ya penalti na kuitoa mashindanoni. Timu hiyo iliiondoa Simba katika mashindano ya Azam Sports Federation Cup na wao kuingia hatua ya 32 bora licha ya kutolewa na Singida United kwa mikwaju ya penalti, kwa mujibu wa Generali Mabeyo, Green Warriors ilionyesha ukomavu kama wanajeshi kwani waliweza kuzikomalia timu kubwa za Simba na Singida United na kuzilazimisha sare kabla ya kupigiana penalti. Green Warriors inayoshiliki Ligi Daraja la pili (SDL) iliibana Simba na kutoka nayo sare ya 1-1 ndani ya dakika 90 uwanja wa Uhuru Dar es Salaam ikifanya hivyo pia kwa Singida United kwa kutoka...

Na Saida Salum. Dar es Salaam Simba Sc jioni ya leo imeukaribia kabisa ubingwa wa Ligi Kuu ya Vodacom Tanzania Bara, baada ya kuichapa Azam Fc bao 1-0 katika uwanja wa Taifa jijini Dar es Salaam. Ushindi huo umeifanya Simba ifikishe pointi 41 zikiwaacha mbali wapinzani wake Yanga Sc wenye pointi 34, wanaokamata nafasi ya pili na Azam Fc wenye pointi 33 nafasi ya tatu. Bao pekee lililoipa ushindi Simba lilifungwa na Mganda Emmanuel Okwi kunako dakika ya 36 kipindi cha kwanza baada ya kupokea pasi nzuri ya Asante Kwasi. Simba leo wamecheza vizuri na kulishambulia lango la Azam mara kwa mara, Azam wameshindwa kabisa kuonyesha soka lao kama walivyocheza kwenye kombe la Mapinduzi. Matokeo mengine leo Mwadui Fc imeifunga Mtibwa Sugar mabao 3-1 uwanja wa Mwadui Complex, Shinyanga, Singida United imeilaza Mbao Fc mabao 2-1, CCM Kirumba, Mwanza, wakati Stand United imepokea kichapo cha 3-0 dhidi ya Lipuli Fc uwanja wa Kambarage, Shinyanga na Majimaji Fc imeenda sare 0-0 na Tanzania Prisons...

Na Mrisho Hassan. Dar es Salaam Programu za timu za vijana za Azam FC, chini ya umri wa miaka 11 (U-11) na 13 (U-13) zimeanza rasmi jana baada ya mapumziko ya muda mfupi. Mkuu wa Maendeleo ya Soka la Vijana Azam FC, Tom Legg, anaendelea na zoezi la kuwanoa vijana ili kujenga misingi mizuri ya soka kwa kutengeneza vijana wengi kwa ajili ya manufaa ya baadaye ya Azam FC na Taifa kwa ujumla. Azam Fc imekuwa timu pekee hapa nchini kuendeleza soka la watoto hasa ikianza na watoto wadogo kuanzia miaka 11 na 13 ambao ni bado kabisa, kitendo hicho cha Azam kinapaswa kuigwa na vilabu vingine Watoto wa Azam wakisakata kandanda

Na Shafih Matuwa. Dar es Salaam Anaitwa Iddy Moshi Shaaban maarufu Mnyamwezi mchezaji aliyepata kuvuma miaka ya mwishoni na 90 na mwanzoni mwa 2000. Historia kubwa kwake ni ile ya kupachika mabao mawili peke yake Yanga ikiifunga Simba 2-0 mchezo wa Ligi Kuu Tanzania Bara uwanja wa Taifa (Sasa Uhuru) jijini Dar es Salaam. Mnyamwezi siku hiyo aliacha kula fungate baada ya kufunga ndoa na kwenda kuwapa furaha Wanayanga, baada ya hapo nyota yake ikazidi kung' ara. Haikuwa rahisi Mnyamwezi kucheza Yanga, kwani alikuwa akiichezea Milambo Fc ya Tabora na ndipo viongozi wa Yanga wakati huo Francis Kifukwe na marehemu Frank Mtani walipomfuata na kumpeleka Jangwani. Mnyamwezi alisajiliwa na Yanga mwaka 1998 kwa kitita cha shilingi Milioni 3 za Kitanzania ambapo kwa wakati huo nchi ikiongozwa na Rais Benjamin Mkapa ilikuwa fedha kubwa sana na jamaa aliweza kuwekeza kwenye maisha yake. Inasemekana Mnyamwezi ndiye mchezaji pekee wa Yanga aliyeweza kufunga mabao mawili kwenye mchezo mmoja ...