MAMBO UWANJANI

OBREY CHIRWA: Matunda yake yameanza kuinufaisha Yanga SC. Na Prince Hoza. KATIBU mkuu wa Baraza la wazee la klabu ya Yanga, Ibrahim Akilimali alianza kumponda Obrey Chonda Chirwa akisema si chaguo sahihi kwa Yanga. Yanga iliamua kumsajili Chirwa mwaka jana baada ya kutakiwa kuongeza wachezaji wanne Agosti, ilipofuzu hatua ya makundi kombe la Shirikisho barani Afrika. Beno Kakolanya, Hassan Kessy, Juma Mahadhi na Chirwa ni miongoni mwa wachezaji waliosajiliwa kwa ajili ya kucheza michuano hiyo ya pili kwa ukubwa Afrika kwa vilabu pamoja na kucheza Ligi Kuu ya Vodacom Tanzania Bara. Yanga ilipangwa kwenye kundi la kifo ambalo alikuwemo bingwa mara mbili wa Ligi ya mabingwa Afrika, TP Mazembe ya DRC, katika kundi hilo pia zilikuwemo Mo Bejaia ya Algeria na Medeama ya Ghana. Obrey Chirwa alisajiliwa na Yanga akitokea FC Platinum ya Zimbabwe, timu ambayo walitokea pia Thabani Scara Kamusoko na Donald Dombo Ngoma ambao wote hao ni wachezaji wa Yanga SC. Hivyo ujio wa Chirwa kwenye kik...

Na Saida Salum. Dar es Salaam Kaimu katibu mkuu wa Shirikisho la kandanda nchini, (TFF), Wilfred Kidau amewajia juu watu wanaosambaza taarifa za uongo mitandaoni kuwa utawala wa Rais mpya wa TFF, Wallace Karia umejiongezea posho. Kidau amesema taarifa hizo zinasema, wajumbe wa TFF wanajilipa posho shilingi Milioni moja za Kitanzania kwa mwezi wakati Rais akilipwa Milioni sita na makamu wa Rais akilipwa Milioni tano, amedai si kweli na wanapanga kuwafungulia mashitaka watu wanaoeneza uvumi huo. Ni miezi mitatu tangu Wallace Karia na wenzake waingie madarakani na inadaiwa taarifa zilizosambazwa mitandaoni zinasema, utawala wa Karia umefuta utaratibu ilioukuta wa Jamal Malinzi wa kutojilipa posho Wallace Karia ameanza kuandamwa na kashfa za kifisadi

Na Mrisho Hassan. Dar es Salaam Pambano la ndondi linalosubiriwa kwa hamu na wapenzi wengi wa mchezo huo hapa nchini tambo zimeanza kutoka kwa kila bondia, hatimaye Francis Cheka ameamua kuibuka na kujibu mapigo ya bondia mwenzake Dullah Mbabe ambaye atapanda naye ulingoni Desemba 31 mwaka huu katika uwanja wa Uhuru jijini Dar es Salaam. Cheka amesema atakata ngebe za bondia huyo kwa kumpiga katika raundi ya sita kwa kutumia ngumi yake nzito iitwayo "Mweda", "Nitamshikisha adabu kijana huyo maana anazidi kunipanda, mimi mmakonde sitaki utani na mtu kwahiyo nitamshikisha adabu", amesema Cheka. Desemba 31 mwaka jana wawili hao ilikuwa wazichape lakini Cheka aligomea pambano, ila mwaka huu pambano hilo lina uhakika mkubwa wa kufanyika kutokana na tambo za mabondia wote wawili Francis Cheka ameapa kumshikisha adabu Dullah Mbabe

Na Ikram Khamees. Dar es Salaam Baada ya kufungwa bao 1-0 na Simba nyumbani katika uwanja wa Sokoine mjini Mbeya, wagonga nyundo wa Mbeya City wameapa kuja jijini Dar es Salaam kukomaa na Yanga na ili waweze kujiwekea mazingira mazuri ya kubaki Ligi Kuu ya Vodacom Tanzania bara. Timu hizo zitachuana Jumapili ijayo katika uwanja wa Uhuru jijini Dar es Salaam. Akizungumza kutokea Tanga, meneja wa Mbeya City, Geofrey Katepa ambaye ni mchezaji wa zamani wa Ujenzi Rukwa na Yanga, amesema kikosi chake kitapambana kufa kupona ili mradi kuondoka na pointi katika mchezo huo. Jana Mbeya City ilicheza na Coastal Union mchezo wa kirafiki na kutoka sare ya 2-2 uwanja wa CCM Mkwakwani, Tanga. Mbeya City wamesema watakomaa na Yanga Jumapili

Na Mrisho Hassan. Dar es Salaam Bondia Abdallah Pazzi maarufu Dullah Mbabe, leo ameapa kumdunda bingwa wa zamani wa masumbwi asiyepingika hapa nchini, Francis Cheka katika pambano lao la raundi 12 la kirafiki litakalopigwa katika uwanja wa Uhuru jijini Dar es Salaam wakati wa mkesha wa mwaka mpya. Akizungumza na wana habari asubuhi ya leo, Dullah Mbabe amesema anatamani siku ya pambano ifike ili atimize azma yake ya kumchapa bondia huyo ambaye anaamini kwa sasa kiwango chake kimeshuka, Dullah Mbabe amedai atamvua ufalme wa ndondi siku hiyo. Dullah Mbabe

Na Ikram Khamees. Dar es Salaam Siku moja baada ya Mkuu wa habari na mawasiliano wa klabu ya Simba, Haji Manara kutunukiwa tuzo na aliyekuwa mfadhili wa Simba, Sheikh Rawaih huko Oman. Hatimaye siri imebumbuluka kuwa Sheikh Rawaih ndiye atakayeuziwa Hisa za kuimiliki klabu ya Simba, taarifa za ndani kabisa zinasema katika ziara ya Oman. Manara ameambatana na baadhi ya wajumbe wa kamati ya utendaji wa klabu hiyo kwa maana Mohamed Dewji "Mo" kwishinei. Haji Manara (Kushoto) akipokea tuzo kutoka kwa aliyekuwa mfadhii wa Simba, Sheikh Rawaih

Na Mwandishi Wetu. Dar es Salaam Aliyekuwa mume wa msanii wa filamu nchini, Irene Uwoya na mchezaji wa zamani wa timu ya taifa ya Rwanda, Ndikumana Hamad Katauti (39) amefariki dunia. Chanzo cha kifo chake mpaka sasa hakijajulikana. Ndikumana ambaye amewahi kucheza soka Tanzania akiwa na klabu ya Stand United, amewahi kuwa mume wa muigizaji Irene Uwoya na wana mtoto mmoja. Pole kwa familia na jamaa zake! Na Mwenyezi Mungu amuweke mahala pema peponi. Hamad Ndikumana (Kushoto) amefariki dunia, (Kushoto ni Irene Uwoya)