Katibu wa wizara ya utamaduni ashiriki ujenzi wa uwanja wa AFCON, Dodoma

-
Katibu Mkuu wa Wizara ya Habari, Utamaduni, Sanaa na Michezo na Msemaji Mkuu wa Serikali, Gerson Msigwa leo Oktoba 24, 2026 ameshiriki kazi za umwagaji wa zege na uwekaji wa majukwaa ya uwanja mpya wa michezo wa Dodoma unaojengwa katika eneo la Nzuguni jijini humo.

Ujenzi wa uwanja wa Dodoma umefikia asilimia 20 ambapo kwa sasa unafanyika ufyatuaji wa teknolojia wa majukwaa na kupachika (precast) ambayo inasaidia kwenda haraka na kuwa bora zaidi.

Uwanja wa Dodoma utakuwa na uweza wa kuchukua watazamaji 33,300 na umepangwa kukamilika mwishoni mwa mwaka 2027.

Msigwa ameeleza kufurahishwa na kasi ya ujenzi ya mkandarasi Limonta SPA wa Italia na Mshauri Elekezi Dar Alhandasah wa Misri na amewataka waendelee kuongeza kasi ili kufidia muda uliopotea wakati wa majadiliano ya usanifi wa kabla ya kuanza kwa kazi za ujenzi.

Amewapongeza vijana wa Kitanzania wanaofanya kazi katika mradi huo wakiwemo mafundi na wahandisi ambao kwa idadi ni zaidi ya asilimia 90 na amewahakikishia katika mradi huo sio tu watapata kipato bali watavuna ujuzi ambao utawawezesha kutekeleza miradi mikubwa kama huo bila kutegemea wataalamu kutoka nje ya nchi.

Uwanja Dodoma ukikamilika utaiwezesha Tanzania kuwa na jumla ya viwanja 7 vyenye sifa ya kutumika katika mashindano ya Kimataifa vikiwa na uwezo wa daraja la 3 na 4 (CAF Category 3&4) na hivyo kuiwezesha Tanzania kukidhi vigezo vya kuwa mwenyeji pekee wa mashindano makubwa ya Afrika (AFCON).

Viwanja hivyo ni Benjamin Mkapa na Uhuru (Dar es Salaam), Uwanja wa Arusha, Uwanja wa Dodoma, Uwanja wa Amani (Zanzibar), Fumba (Zanzibar) na Kizimkazi (Zanzibar)






Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

-
Picha
Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma