Baada ya kushindwa kufuzu, Vipers yatimua kocha

-
Uongozi wa Vipers SC umemfuta kazi kocha Denis Lavagne, baada ya mabingwa hao wa Uganda kushindwa kufuzu hatua ya makundi ya Ligi ya Mabingwa Afrika (CAFCL).

Vipers SC imetolewa kwenye michuano hiyo kwa matokeo ya jumla ya raundi ya kwanza hatua ya awali ya Ligi ya Mabingwa Afrika dhidi ya FC Nouadhibou ya Mauritania, ambapo katika mchezo wa mkondo wa kwanza uliopigwa nyumbani (St. Mary's Stadium, Kitende) timu hizo zilitoka sare ya 1-1, na mchezo wa mkondo wa pili ugenini ulimalizika kwa sare ya 0-0.

Kutokana na matokeo hayo, FC Nouadhibou imesonga mbele kwa faida ya goli la ugenini.

Kocha huyo raia wa Ufaransa amesitishiwa mkataba wake ikiwa ni miezi michache tu tangu aajiriwe mwezi Juni mwaka huu.

Sababu nyingine inayotajwa kuchangia uamuzi huo ni mwenendo usioridhisha wa timu hiyo kwenye michezo ya Ligi Kuu ya Uganda, ambapo kwa sasa inashika nafasi ya tano ikiwa na alama 11 baada ya kucheza michezo sita.


Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

-
Picha
Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma