ILI KULETA HAMASA KUIONA STARS, MASHABIKI WANGEINGIA BURE

-
Na Prince Hoza Matua

HAMASA ni kitu muhimu sana katika kuhakikisha jambo lako linaenda vizuri, timu ya taifa ya Tanzania, Taifa Stars imepoteza mvuto wake ambao umefanya mashabiki kutokwenda viwanjani kuona mechi zao.

Ni kweli sasa hivi kuna wimbi la mashabiki kutokwenda viwanjani iwe inacheza timu ya taifa, hata mechi nyingine za ligi au kirafiki, lakini pia mashabiki siku hizi hawaudhurii hata mechi za Simba ama Yanga.

Mechi ambayo haikauki watu ni Simba na Yanga, lakini timu ya taifa, imepoteza kabisa mvuto wake, siyo Tanzania pekee iliyopoteza mvuto hata mataifa mengine vile vile nayo hawapati maudhurio viwanjani.

Nikija kwa upande wa Tanzania, nchi niliyozaliwa ambapo wananchi wake wanapenda mpira, miaka ya karibuni mashabiki wa Tanzania wanajaa kwa wingi viwanjani kiasi kwamba Shirikisho la soka Afrika, CAF na FIFA zinaichagua Tanzania kuwa nchi yenye mashabiki wa soka.

Ila Cha kushangaza siku za karibuni idadi ya mashabiki nchini imezidi kupungua viwanjani, na timu ya taifa, Taifa Stars inakosa watazamaji, kitendo cha kukosa watazamaji kinashangaza sana isitoshe gharama za kiingilio ziko chini.

Timu ya taifa inayonolewa na Miguel Gamondi raia wa Argentina, ambayo katika AFCON za 2025 zilizofanyika Ivory Coast, ilifika hatua ya 16 bora ikiwa ni historia kwa nchi kufanya hivyo.

Watanzania walikuwa wanaenda kwa wingi viwanjani kuiona timu ya taifa, Taifa Stars, ikicheza na ilikuwa inafungwa, lakini hawakauki viwanjani kuiona timu hiyo, lakini sasa timu inafanya vizuri tena ikicheza na mataifa makubwa kama Nigeria, Morocco na nyinginezo hamasa kwa mashabiki imepotea.

Sasa kwa kuona hivyo na nikiwa kama mwandishi nimeona nitoe ushauri kwa Shirikisho la soka nchini, TFF kufikiria kuingiza mashabiki bure, kuna ulazima wa kuingiza mashabiki bure mechi hizi za kufuzu AFCON 2027 ambazo zitafanyikia Tanzania.

Najua Tanzania ni miongoni mwa nchi mwenyeji zikiwemo Kenya na Uganda, hata ilitokea timu yetu imepoteza mechi zote mbili dhidi ya Guinea Bissau na Madagascar bado tutashiriki fainali hizo kwakuwa mwenyeji.

Mechi hizo tutakazocheza nyumbani ni vema mashabiki waingie bure Ili kurudisha hamasa.
ALAMSIKI 


Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Kocha Simba anataka wachezaji wapya watano

-
Picha
Kocha mkuu wa Simba Steve Barker,amewambia viongozi wake kuwa january hii anahitaji wachezaji wapya watano. Steve Barker,anataka Left-back,Kiungo namba 8,kiungo namba 10,winga wa kulia na beki mmoja wa kati. Lakini pia kocha huyo amesisitiza kuwa wachezaji wawili kati ya hao watano watatoka South Africa (Kiungo namba 8 na winga).
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma