MAKALA: Mashabiki wa soka nchini wajifunze kushangilia

-
Na Prince Hoza

SIKU kumekuwa na tabia mbaya hasa kutoka kwa mashabiki wa soka hapa nchini kujifanya wakosoaji badala ya kusimama kwenye maeneo yao ya ushangiliaji. 

Mashabiki wa soka hasa wa hapa nchini, wamekuwa wakisifika kwa kupenda sana mchezo huo na kuisaidia nchi kuonekana ina mashabiki wengi wanaoufuatilia zaidi mchezo huo. 

Lakini bahati mbaya, mashabiki wa soka wa hapa nchini wanaishia kujitokeza kwa wingi viwanjani na hata kwenye vibanda umiza, yote kuzisapoti timu zetu lakini hawajui kushangilia kama inavyotakiwa na zaidi wamejikita kwenye kukosoa. 



Yaani mashabiki wa soka nchini wamegeuka wachambuzi na badala yake wamekuwa wakikosoa timu zao, wapo mashabiki wamejifanya wakosoaji wa timu ya taifa, Taifa Stars, hasa wakimkosoa kocha mkuu wa timu hiyo katika uteuzi wake alioufanya hivi karibuni. 

Pia wapo wengine wakimkosoa kocha wa timu ya Simba SC, Robert Olveira "Robertinho", na wengine wanamkosoa kocha wa timu ya Yanga SC Nasreddine Nabi, kwa kifupi mashabiki wamekuwa wakosoaji kwa kila namna. 

Wakati wao wakijifanya wakosoaji ikiwa nao wana jukumu kubwa kuhakikisha timu zao zinafanya vizuri ikiwemo kushinda mataji, mashabiki nao wanahesabika kama wachezaji wa 12 na wanashiriki sawa kusababisha timu inapata matokeo. 

Tumejifunza kwa mashabiki wa nchi za Afrika kaskazini, ambao timu zao zimetuacha mbali sana, mashabiki wa huko wakiingia uwanjani kusapoti timu zao, bila kujali timu zao zimefungana au laah!, lakini wanashangilia kuanzia kipindi cha mwanzo hadi mwisho. 

Mashabiki wa wenzetu hawaangalii mpaka lipatikane goli ndio waanze kushangilia kama wanavyofanya mashabiki wetu, mashabiki wanajua kabisa wao wanabeba jukumu zito la kuwapa hamasa wachezaji. 

Inanishangaza sana mashabiki wetu wakienda uwanjani aidha wa timu ya Simba wanamsubiri Clatous Chama au Saido Ntibanzokiza wafanye mambo yao ndiyo waanze kushangilia, mbaya zaidi mashabiki wetu hugeuka mabubu kama timu yao haijapata goli na muda wote huwa kimya. 

Mashabiki wetu wanasubiri goli na chenga nyingi na pasi hapo utawaona wakishangilia kwa nguvu, lakini wanachofanya siyo sawa na wanatakiwa kujifunza kwa wenzetu waliopiga hatua. 



Hata kwa upande wa mashabiki wa Yanga nao wanasubiri liingie goli waanze kushangilia, mashabiki wa Yanga utawakuta jukwaani wamekaa kimya,  mashabiki hao wanamsubiri Fiston Mayele afunge ili wamuone anavyotetema. 

Wananisikitisha sana, hawajui kuwapa hamasa wachezaji wao, wenzetu waliopiga hatua, wakiingia uwanjani moja kwa moja wanaanza kushangilia timu yao ili kuwatia hamasa wachezaji hao. 

Hata kama timu yao imefungwa goli la kwanza au la pili, wao kazi yao ni kushangilia ili kuwatia hamasa waweze kusawazisha mabao, timu hata kama imefungwa wao wanaendelea kuwapa hamasa wachezaji wao.

Lakini mashabiki wetu timu ikifungwa wanakaa kimya na baadaye kukosoa wakati kazi ya kukosoa wenyewe wachambuzi. 

ALAMSIKI

Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Kocha Simba anataka wachezaji wapya watano

-
Picha
Kocha mkuu wa Simba Steve Barker,amewambia viongozi wake kuwa january hii anahitaji wachezaji wapya watano. Steve Barker,anataka Left-back,Kiungo namba 8,kiungo namba 10,winga wa kulia na beki mmoja wa kati. Lakini pia kocha huyo amesisitiza kuwa wachezaji wawili kati ya hao watano watatoka South Africa (Kiungo namba 8 na winga).
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma