KOCHA SIMBA AZIOGOPA YANGA, AZAM

-
Kocha wa Simba, Dylan Kerr amesema anahitaji mechi tano za kirafiki kabla ya kuanza kwa msimu mpya wa Ligi Kuu Bara, lakini si dhidi ya Yanga na Azam.

Kocha huyo Mwingereza alianza kibarua chake juzi aliliambia gazeti hili kuwa anahitaji mechi hizo za kirafiki dhidi ya timu yoyote inayoshiriki Ligi Kuu, lakini isiwe Azam wala Yanga kwani anajua hao ni wapinzani wake katika mbio za kusaka ubingwa.

Simba iliyoanza mazoezi ya viungo gym wiki iliyopita, juzi ilianza mazoezi ya uwanjani chini ya kocha Kerr na wasaidizi wake, Selemani Matola, Mserbia Dusan Momcilovic kocha wa viungo na kocha wa kipa, Mkenya Abdul Iddi Salim.


“Nahitaji mechi za kirafiki kama tano ili kuwajua vizuri wachezaji wangu na kujua upungufu wa kikosi changu kabla ya kuanza kwa msimu mpya wa ligi.

“Tutacheza na timu yoyote ya Ligi Kuu ikiwa tutafanikiwa kupata timu za kucheza nayo, lakini isiwe Yanga au Azam ambazo najua ni wapinzani wetu, hata kwenye mbio za ubingwa,”alisema.

Pia, Mwingereza huyo ameanza kazi kwa kuwapiga mkwara wachezaji wavivu wa timu hiyo na kuwaambia kuwa hatakuwa na urafiki nao anayejijua ni mvivu hafai katika kikosi chake.

“Napenda wachezaji wanaojituma na sitakuwa rafiki wa mchezaji mvivu, mchezaji wa namna hiyo atapata shida kwangu,” alisema.

Pia, Kerr alisema kikosi chake kinatarajia kuweka kambi ya muda mrefu Lushoto mkoani Tanga kuanzia Jumatatu kwa ajili ya kujiandaa na msimu mpya wa ligi.

Kocha huyo asiye na masihara uwanjani alisema baada ya kambi hiyo ya Lushoto watakwenda Zanzibar kuweka kambi ya muda tayari kwa Ligi Kuu Bara inayoanza Agosti.

“Tunatarajia kwenda Lushoto kuweka kambi huko, ni sehemu ya baridi, nimefanya hivyo kwa sababu timu inahitaji kufanya mazoezi magumu na kama unafanya mazoezi ya aina hiyo kukaa sehemu hiyo ni nzuri,” alisema kocha huyo.

Kerr amejiunga na Simba hivi karibuni akichukua mikoba ya Mserbia Goran Kopunovic aliyeinoa Simba msimu uliopita, lakini alishindana dau na uongozi wa klabu hiyo na kuamua kuondoka.

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma