NGUMI AFRIKA KUMKUTANISHA MTAGWA NA BFT

-
Shirikisho la ngumi za ridhaa nchini (BFT) linatarajia kutumia  muda wa mashindano ya ngumi ya nchi za Afrika yatakayofanyika nchini Mauritius kuanzia Septemba mosi hadi 7 kumuona bondia Petro Mtagwa ambaye anataumikia kifungo nchini humo.


Mtagwa alihukumiwa kifungo cha miaka 15 gerezani hivi karibuni nchini humo kutokana na hatia ya kuingiza dawa za kulevya wakati alipokwenda nchini humo katika mashindano ya kujipima nguvu.

Akizungumza jana, Katibu Mkuu wa BFT, Makore Mashaga (Pichani) alisema tayari shirikisho limethibitisha ushiriki wake katika mashidano hayo ya kutafuta nafasi ya kushiriki kwenye michezo ya Jumuiya Madola.

Mashaga alisema wao kama shirikisho watatumia nafasi hiyo, kama sheria za nchi hiyo zitawaruhusu, kumuona na kuzungumza naye Mtagwa gerezani, wakati wakiwa katika mashindano hayo yanayoshirikisha timu za mataifa ya Afrika.

Alifafanua kuwa katika safari yao watakuwa na jumla ya mabondia 10, kocha wa timu, kiongozi wa shirikisho na kiongozi kutoka serikalini atakayeteuliwa kuongozana na timu hiyo.
Alisema pia wanatoa nafasi ya ziada kwa wadau wanaotaka kwenda na timu hiyo kwa ajili ya kwenda kuishangilia wakati wa mashindano.

Alisema kutokana na hilo wadau wote wa ngumi na wale wenye mapenzi mema na mchezo wa ngumi wanapaswa kujitokeza mapema ili kupewa taratibu za kwenda nchini humo.

Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

-
Picha
Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma