MAMBO UWANJANI

Wachezaji wa Bayern Munich wakishangilia moja ya magoli yao dhidi ya Manchester United Matumaini ya timu ya Manchester United kufanya maajabu katika ligi ya mabingwa barani Ulaya, UEFA yaliyeyuka jana usiku wa Jumatano baada ya kupokea kipigo kutoka kwa mabingwa watetezi wa michuano hiyo, Bayern Munich ya Ujerumani cha magoli 3-1. Hayo yalikuwa ni matokeo ya mchezo wa marudiano baada ya mechi ya kwanza iliyochezwa katika uwanja wa Old Trafford, timu hizo kutoka sare ya magoli 1-1.

Vitendo vya mapenzi ya jinsia moja vinapingwa sana katika mataifa ya Afrika. Serikali ya Tanzania imefutilia mbali usajili wa shirika moja lisilokuwa la kiserikali kwa sababu ya kuhamasisha mapenzi ya jinsia moja katika jamii. Shirika hilo kwa jina Sisi Kwa Sisi lilisajiliwa baada ya kudai kuwa malengo yake yalikuwa ni kusaidia jamii. Tanzania imesema imechukua hatua ya kufutilia mbali usajili wa shirika hilo kwa kukiuka sheria za nchi na kwenda kinyume na malengo ya usajili wake.

ILE video iliyokuwa ikisubiriwa kwa hamu na wapenzi wa muziki wa kizazi kipya y6a msanii Mkali Fizo sasa iko hewani, kwa mujibu wa msanii huyo tayari amemaliza kutengeneza video hiyo na kuiposti katika mitandao ya kijamii.

BAO la dakika ya 88 la Demba Ba limeivusha Chelsea hadi Nusu Fainali ya Ligi ya Mabingwa Ulaya kwa faida ya bao la ugenini baada ya sare ya jumla 3-3, usiku wa jana ikishinda 2-0 Uwanja wa Stamford Bridge, London. Andre Schurrle alitangulia kuifungia Chelsea dakika ya 32, akimalizia pasi ya David Luiz na baada ya hapo PSG wakawabana The Blues hadi dakika za lala salama Ba alipofanya vitu. Kocha Jose Mourinho ambaye timu yake ilifungwa 3-1 katika mchezo wa kwanza mjini Paris, Ufaransa alipagawa kwa furaha baada ya bao la Ba akaenda kushangilia na wachezaji wake kwenye kibendera.

Wakati  Kikosi cha Yanga kikiendelea kukosa huduma za nyota wake wa kikosi cha kwanza, Emmanuel Okwi, Kelvin Yondani, Athuman Iddi 'Chuji', Haruna Niyonzima 'Fabregas' na David Luhende, wapinzani wao Kagera wametamba kufanya vyema katika mechi yao ya leo. Mechi hiyo ya raundi ya 24 ya Ligi Kuu ya Vodacom Tanzania Bara, itapigwa kwenye Uwanja wa Taifa jijini Dar es Salaam, Kagera Sugar wakiwa na kumbukumbu ya kufungwa mabao 2-1 katika mechi yao ya mzunguko wa kwanza iliyochezwa kwenye Uwanja wa Kaitaba mjini Bukoba Oktoba 12, mwaka jana. Kocha wa Kagera Sugar, Jackson Mayanja alisema jana kuwa, kikosi chake kilichoingia jijini Dar es Salaam Jumapili kikitoka kuwashika Simba kwa sare ya bao moja, kimeandaliwa vyema kwa ajili ya mechi ya leo.

KOCHA Ali Bushiri wa timu ya KMKM iliyotwaa kwa ubingwa wa ligi kuu ya Zanzibar Grand Malt msimu wa 2013/2014, ametajwa kuwa kocha bora na kuzawadiwa kitita cha shilingi milioni moja na wadhamini wa ligi hiyo kinywaji cha Grand Malt. Bushiri ameiongoza KMKM kwa misimu mitatu ambapo alimudu kuipa ubingwa mwaka 2012/2013, na huu wa juzi ni wa pili mfululizo kwake. Kocha huyo aliyewahi kuwa msaidizi wa kocha mkuu wa timu ya taifa Tanzania, ‘Taifa Stars’ Mabrazili Marcio Maximo, na kwa pamoja walimudu kuibadilisha timu hiyo licha ya kukosa mataji au kufuzu fainali za mataifa ya Afrika. Kocha Ali Bushiri wa KMKM, akipokea hundi ya shilingi milioni moja alizozawadiwa na wadhamini wa ligi kuu ya soka Zanzibar Grand Malt wakati wa tafrija ya kuwapongeza washindi na wote waliofanikisha ligi msimu wa 2013/2014 iliyofanyika Chuo cha Maendeleo ya Utalii Zanzibar, Maruhubi mwishoni mwa wiki. Anayekabidhi hundi hiyo ni Makamu Mwenyekiti wa Baraza la Taifa la Michezo Zanzibar (BTMZ) Khamis Abdallah...

Straika wa Southampton Jay Rodriguez, ambaye amekuwa mmoja wa waliodhaniwa kwamba wangeorodheshwa kikosi cha Uingereza cha Kombe la Dunia Juni, hatacheza kwa miezi sita baada ya kupata jeraha baya la goti. Rodriguez, 24, anajiunga na winga wa zamani wa Southampton anayechezea Arsenal kwa sasa Theo Walcott katika kukosa nafasi ya kushiriki Kombe la Dunia upande wa Uingereza kutokana na jeraha sawa. "Southampton Football Club inaweza kuthibitisha kwamba, kufuatia jeraha lake Jumamosi wakati wa mechi dhidi ya Manchester City, Jay Rodriguez amegunduliwa kuwa na kano ya goti ya ndani ambayo imejeruhiwa,” Southampton ilisema kupitia taarifa Jumatatu. "Hili litamuweka nje ya uchezaji kwa miezi sita na jambo la kusikitisha ni kwamba hili lina maana kwamba hawezi kuteuliwa kuchezea timu ya taifa ya Uingereza itakayocheza Kombe la Dunia la Fifa nchini Brazil majira ya joto yajayo.”