Kigwangala aliamsha tena Simba

-
Aliyekuwa Waziri na Mwanachama wa Simba SC, Dr. Hamisi Kigwangalla, ameibua mtafaruku mpya Msimbazi baada ya kuweka wazi nia yake ya kuvunja kile alichokiita "utawala wa mtu mmoja".

Huku akitangaza kuwa yuko tayari kuweka fedha taslimu (cash) mezani kununua hisa za mwekezaji mkuu wa sasa, Mohammed 'Mo' Dewji.

Kigwangalla ameyasema hayo huku akijibu shinikizo la baadhi ya wanasimba wanaomtaka agombee nafasi ya Uwenyekiti wa Simba SC kwenye uchaguzi ujao.

Sina Hamu na Siasa za Mpira, Tatizo ni Mfumo"

Akieleza sababu za kukataa kuingia kwenye kinyang'anyiro cha Uwenyekiti kwa sasa, Dr. Kigwangalla amebainisha kuwa tatizo la Simba silo uongozi wa mtu mmoja, bali ni muundo mbovu wa uendeshaji (governance) na umiliki wa klabu (ownership).

"Kwanza, sijioni nikijikita kwenye siasa za mpira wa miguu wa klabu kubwa kama Simba. Pili, naamini tatizo la Simba si mtu mmoja. Tatizo kubwa ni mfumo wa uongozi na umiliki," alisema Kigwangalla.

Mpango wa Kuondoa 'Veto Power' ya Mo Dewji: 👇🏼

Kigwangalla amesisitiza kuwa si afya kwa klabu kubwa kama Simba kuendelea kumilikiwa kwa 49% na mwekezaji mmoja pekee, kwani jambo hilo linampa nguvu kubwa ya maamuzi (veto power) na kuondoa uwajibikaji wa kweli kwa Bodi na Wanachama wanaomiliki 51%.

Ili kuleta mageuzi ya kweli, amependekeza hisa hizo 49% zigawanywe kwa wawekezaji watatu hadi watano:

Mo Dewji (Mwekezaji wa Sasa): Abakiwe na 15% – 20%.

Mwekezaji wa Pili: Achukue 15% – 20%.

Mwekezaji wa Tatu: Achukue salio la hisa zitakazobaki.

NOTE: Kama sehemu ya kuonyesha vitendo, Dr. Kigwangalla ametangaza kuwa kampuni yake ya HKGroup iko tayari kuingia mezani na kununua kati ya 9% hadi 15% ya hisa za Simba SC kwa fedha taslimu, endapo thamani ya hisa 49% za klabu hiyo ni TZS 20 Bilioni.

Mbali na kampuni yake, ameweka wazi kuwa ana uwezo wa kumleta mwekezaji mwingine mwenye uwezo wa kununua 15% hadi 20% kwa fedha taslimu mara moja.

Hili si suala la mtu mmoja. Ni suala la Simba ya kesho. Nguvu ya Simba isiwe kwa mtu mmoja; nguvu ya Simba iwe kwenye mfumo na iwe kwa Wanasimba," alihitimisha Kigwangalla.


Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Kocha Simba anataka wachezaji wapya watano

-
Picha
Kocha mkuu wa Simba Steve Barker,amewambia viongozi wake kuwa january hii anahitaji wachezaji wapya watano. Steve Barker,anataka Left-back,Kiungo namba 8,kiungo namba 10,winga wa kulia na beki mmoja wa kati. Lakini pia kocha huyo amesisitiza kuwa wachezaji wawili kati ya hao watano watatoka South Africa (Kiungo namba 8 na winga).
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma