Israel Mwenda hajatambulishwa Yanga!

-

Watu wanajiuliza Israel Patrick Mwenda yuwapi? Mbona hakutambulishwa miongoni mwa wachezaji takribani 35 sasa ambao Mabingwa wa nchi wamewatangaza?

Kwanza Israel Patrick Mwenda ni mchezaji wa Yanga mwenye mkataba wa miaka 2, yani mkataba wake utaisha msimu wa 2027-2028.

Pili, inadaiwa yapata miezi miwili sasa Israel alituhumiwa kupokea pesa na kutaka “Kuuza” mechi kutoka kwa timu moja ya Dar es Salaam.

Tatu, alipokea barua kutoka klabuni ikimuelekeza kusimama kazi ili kupisha tuhuma hizo nzito dhidi yake, kitu ambacho alikitii na ameendelea kutii.

Nne, tangu atuhumiwe hajaingiziwa mshahara wake kwa miezi hiyo 2.

Tano, klabu imemuandikia kumtaka arejee kambini na ikimuulizia kwanini haendi kambini.

Sita, mchezaji anasema kwakuwa alituhumiwa “Kuuza” ni vyema akaandikiwa barua inayomsafisha na tuhuma zile nzito manake jamii inazifahamu. Hajaandikiwa barua ambayo inasema nini matokeo ya uchunguzi na yeye amekutwa na hatia au hapana, kama hana hatia ni vyema klabu ikamuomba msamaha na kumtaka arejee kambini, sio kama ilivyo sasa ambapo ana andikiwa barua tu kumuulizia alipo na kwanini haingii kambini.

Saba, mchezaji anasema bila ya barua inayomuelezea hatima ya zile tuhuma hawezi kurudi, wenzie, wafanyakazi na mashabiki watamchukuliaje, atawaangaliaje?

Nane, msimamo wa klabu mpaka sasa unaonekana ni kutomlipa mshahara kwakuwa hayupo kazini.

Kwa mujibu wa mtoa habari jana Rais wa klabu ameongea na Baba wa mchezaji na amekiri tuhuma kwa mchezaji, uchunguzi haujamkuta na hatia, kweli hajalipwa mishahara miezi 2, hawawezi kumlipa mfanyakazi ambaye hayupo kazini, arudi kazini alipwe.

Kama alituhumiwa na kusimamishwa kazi alipaswa kulipwa mshahara wake wote kwa mujibu wa sheria za kazi, kutomlipa mshahara ni makosa, anaishije huyu ana familia na kazi yake soka?

Kama aliandikiwa barua ya tuhuma na kusimamishwa, kama hajakutwa na hatia, kwanini asiandikiwe barua ya kusema hatima ya uchunguzi na kumuomba msamaha ikimtaka arudi kundini ili kuweka rekodi zake sawasawa kama mfanyakazi. Picha ya mwanzo, huo ndiyo mtazamo wa wengi kwa Israel Patrick Mwenda kwa sasa


Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Kocha Simba anataka wachezaji wapya watano

-
Picha
Kocha mkuu wa Simba Steve Barker,amewambia viongozi wake kuwa january hii anahitaji wachezaji wapya watano. Steve Barker,anataka Left-back,Kiungo namba 8,kiungo namba 10,winga wa kulia na beki mmoja wa kati. Lakini pia kocha huyo amesisitiza kuwa wachezaji wawili kati ya hao watano watatoka South Africa (Kiungo namba 8 na winga).
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma