Ibrahim Jaabar avunja ukimya

-
Kiungo wa Simba SC, Ibrahim Jabaar, amevunja ukimya na kuonyesha ukomavu wa hali ya juu kufuatia kadi nyekundu aliyoonyeshwa katika mchezo wa Ligi Kuu ya NBC dhidi ya Pamba Jiji FC jijini Mwanza.

Kupitia ukurasa wake wa Instagram (Insta Story), nyota huyo ameonyesha uwajibikaji kwa kuandika ujumbe mfupi uliosomeka: "Hakuna visingizio, nawajibika kwa hili", akikubali kosa lililoiweka timu yake kwenye presha ya kucheza pungufu kipindi chote cha pili.

​Kauli hiyo ya Jabaar inakuja muda mfupi baada ya Msemaji wa Simba SC, Ahmed Ally, kuweka wazi kuwa benchi la ufundi na uongozi utakaa na wachezaji kukemea rafu zisizo na ulazima zinazopelekea kadi nyekundu. Mwitikio huu wa Jabaar umepokelewa kwa hisia chanya na mashabiki wengi wa Msimbazi, wakimsifu kwa kuonyesha nidhamu, ukweli na ujasiri wa kukubali kosa badala ya kutafuta visingizio.

​Unazungumziaje kitendo hiki cha Ibrahim Jabaar kukubali kosa na kuwajibika waziwazi kufuatia kadi hiyo nyekundu? Dondosha maoni yako!


Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Kocha Simba anataka wachezaji wapya watano

-
Picha
Kocha mkuu wa Simba Steve Barker,amewambia viongozi wake kuwa january hii anahitaji wachezaji wapya watano. Steve Barker,anataka Left-back,Kiungo namba 8,kiungo namba 10,winga wa kulia na beki mmoja wa kati. Lakini pia kocha huyo amesisitiza kuwa wachezaji wawili kati ya hao watano watatoka South Africa (Kiungo namba 8 na winga).
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma