Hadithi ya Seleman Mwalimu kuihama Simba usiku saa 9 na kwenda Yanga

-
-Kwamba Simba walikubaliana na Wydad Ac Usd 120,000 sawa na Milioni 316 kwajili ya mkataba wa mkopo wa mwaka mmoja wa mchezaji Selemani Mwalimu.

Simba walikuwa tayari kutoa hiyo pesa ndio maana mchezaji akaruhusiwa kurudi Tanzania na akafikia kwenye Kambi ya Simba ambako alikuwepo mpaka jana kwenye mazoezi ya Simba pale Zanzibar.

Yanga walivyopata taarifa za Simba kuchelewa kufanya malipo, wakaulizia wakaweka mezani Usd 200,000 (Milioni 527) yaani Usd 80,000 zaidi ya ile pesa waliyokubaliana na Simba...Wydad wakampigia simu Mwalimu kumwambia awaambie Simba kuna timu imeweka 200,000 hivyo Simba waongeze Usd 30,000 tu iwe Usd 150,000 (Milioni 395)

Selemani Mwalimu alivyowaambia viongozi wa Simba, wakamwambia wanawachekecha tu kwasababu Yanga hawana uhitaji wa mshambuliaji tena...

Baadaye Viongozi wakampigia simu Mwalimu kumwambia wamemalizana na Yanga hivyo anatakiwa kurudi Dar, ndipo akaondoka na ndege ya usiku kurudi Dar na alisaini mkataba na Yanga saa 9:45 usiku.

Usd 30,000 ndiyo iliyovunja biashara ya Selemani Mwalimu na Simba Sc...Na hii inatokana na mambo kadhaa ambayo ni uzembe wa viongozi, Tajiri kuchelewa kutoa fedha na ujuaji.

Mwisho tunaweza kuulizana, Je Mwalimu ana thamani hiyo ya Milioni 527 kwa mkataba wa mkopo mwaka mmoja?

Kumbuka hiyo Milioni 527 ni loan fee, hapo hujaweka signing fee Milioni 160, mshahara milioni 15 kwa mwezi pamoja na gari...!

Je, ungekuwa wewe ndiye Mo Dewji ungetoa hiyo Milioni 867 kwajili ya Selemani Mwalimu ambaye Kocha Barker alikua anaamua kumtumia Mpanzu kama False No 10 huku yeye akiwa benchi? Yaani uweke milioni 867 benchi?

Nafikiri Simba bado wanaweza kurudi sokoni kutafuta striker mwingine mwenye uwezo mkubwa tu kwa gharama ya kawaida...Pale JKT Tanzania kuna Paul Peter @kasunda51 ana uwezo mkubwa tu na hata wakimchukua @william_edgar11 anaweza kuwasaidia sana pale eneo la mwisho.

#MWISO: Yanga wanafanya kazi kwa umoja sana na wanajitoa mno ndio maana walikuwa tayari kupanda dau kwa zaidi ya milioni 200


Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Kocha Simba anataka wachezaji wapya watano

-
Picha
Kocha mkuu wa Simba Steve Barker,amewambia viongozi wake kuwa january hii anahitaji wachezaji wapya watano. Steve Barker,anataka Left-back,Kiungo namba 8,kiungo namba 10,winga wa kulia na beki mmoja wa kati. Lakini pia kocha huyo amesisitiza kuwa wachezaji wawili kati ya hao watano watatoka South Africa (Kiungo namba 8 na winga).
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma