Ruka hadi kwenye maudhui makuu

YANGA YAIFUATA SIMBA ZENJI

Wakati Simba imechagua Zanzibar kuwa kambi yake, kikosi cha cha mabingwa wa Ligi Kuu ya Soka Tanzania Bara, Yanga, nacho kinatarajiwa kwenda kujichimbia mjini humo kwa ajili ya kuweka kambi kujiandaa na msimu mpya wa ligi hiyo itakayoanzia Septemba 12, mwaka huu.

Katibu Mkuu wa Yanga, Jonas Tiboroha, alisema jana kuwa wameamua kwenda visiwani humo ili kujiimarisha kabla ya kuanza kwa msimu mpya wa ligi.

Tiboroha alisema kwamba kambi hiyo itakuwa ya siku saba na lengo ni kuwafanya wachezaji waliobakia nchini kujijenga na kuwa imara tayari kukabiliana na ushindani wa mechi za ligi hiyo.

"Tunataka wachezaji wenzao ambao wako na timu za taifa wakirudi wote wawe fiti kwa ajili ya kushindana ligi itakapoanza," alisema Tiboroha.


Aliongeza kwamba timu ikiwa Zanzibar itafanya mazoezi mara mbili kwa siku na mara baada ya walioko kwenye timu za taifa kurejea ndipo watacheza mechi moja ya kirafiki kabla ya ligi haijaanza.

"Ni ushauri wa benchi la ufundi wanataka wachezaji waliobakia nao wapate mazoezi yanayolingana na wenzao, tumejipanga zaidi na lengo ni kuhakikisha tunakuwa na kikosi imara kuanzia mechi ya kwanza," Tiboroha aliongeza.

Yanga itaanza kutetea ubingwa wake Jumapili ya Septemba 13 mwaka huu kwa kuikaribisha Coastal Union kutoka Tanga mchezo utakaofanyika kwenye Uwanja wa Taifa jijini, Dar es Salaam.

Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma