UBINGWA WA AZAM NI HISTORIA NYINGINE CECAFA

-
Azam imeandika historia mpya kwa kutwaa ubingwa wa Kombe la Kagame bila ya kufungwa bao lolote, baada ya kuichapa Gor Mahia ya Kenya kwa mabao 2-0 jana kwenye Uwanja wa Taifa, Dar es Salaam.

Mabao ya John Bocco na Kipre Tchetche yalitosha kuifanya Azam kutawazwa kuwa ufalme wapya na kufanikiwa kulibakiza kombe hilo katika ardhi ya Tanzania kwa rekodi ya aina yake ya kutoruhusu bao lolote katika michezo yake sita ya mashindano ya Ligi ya Mabingwa Afrika Mashariki na Kati.

Azam ilianza kwa kushinda 1-0 dhidi ya KCCA, ikaichapa Al Malakia 2-0, ikimaliza hatua ya makundi kwa kuisambaratisha Adama City 5-0, katika robo fainali ikitoa Yanga kwa penalti 5-3, na nusu fainali ikaishinda KCCA 1-0 na fainali 2-0 dhidi ya Gor Mahia.


Kocha Stewart Hall akiwasifu wachezaji wake, hasa safu ya ulinzi kwa kucheza kwa umakini mkubwa muda wote wa mchezo.

“Tulicheza vizuri, ila mabeki walicheza vizuri zaidi na kuwazuia kabisa washambuliaji wao wasifi golini kwetu, kama ilivyokuwa katika michezo yote,” alisema Hall.

Azam ilianza mchezo kwa kasi katika dakika ya kwanza ilipata faulo iliyopigwa na Bocco lakini shuti lake lilitoka nje kidogo ya lango la Gor Mahia.

Azam iliendelea kulishambulia lango la Mahia wakitumia washambuliaji wake Tchetche, Bocco na Ame Ally waliokuwa mwiba kwa mabeki wa Wakenya hao.

Dakika ya 15, Tchetche aliwatoka mabeki wawili wa Gor Mahia na kupitisha krosi iliyomkuta Bocco aliyeusukimia mpira huo wavuni na kuamsha shangwe za mashabiki wa Azam ambao kabla ya bao hilo walionekana kuzidiwa na wenzao wa Mahia wakiongozwa na Raila Odinga. Bocco ndiye aliyefunga Azam bao la ushindi la kuipandisha timu hiyo daraja 2008 (dhidi ya Majimaji, Songea). Alifunga bao la kuipa ubingwa wa Ligi Kuu Bara kwa mara ya kwanza msimu wa 2012/13 (dhidi ya Mbeya City katika ushindi wa 2-1).

Pia, aliifungia bao la kwanza Azam FC katika mashindani ya mwaka huu ya Kombe la Kagame, na ndiye aliyefunga bao la kwanza la mchezo wa fainali dhidi ya Gor Mahia jana.

Gor Mahia ilikuwa na bahati ya pekee kumaliza mchezo huo wakiwa na wachezaji wote baada ya nyota wake Haruna Shakavu na Aucho Khalid kuwapiga viwango Himid Mao na Tchetche kwa nyakati tofauti, lakini mwamuzi Louis Hakizimana kutoka Rwanda alishindwa hata kutoa kadi za njano kwa wachezaji hao.

Baada ya matukio hayo Gor Mahia ilirudi mchezo na kuanza kufanya mashambulizi mfululizo langoni mwa Azam, lakini ukutu imara wa kipa Aishi Manula, na mabeki Pascal Wawa, Aggrey Morris ulifanya timu hiyo kwenda mapumziko ikiwa mbele kwa 1-0.

Wawa na Morris hawakumpa nafasi hata kidogo mshambuliaji Michael Olunga, hali iliyowafanya Gor Mahia kuanza kutumia krosi na kupiga mashuti ya mbali ambayo hayakuwa na madhara golini mwa Azam.

Azam ilianza kipindi cha pili kwa kumtoa Musa Farid, Ame Ally na kuwaingiza Erasto Nyoni na Frank Domayo kwa lengo la kuimarisha ulinzi na kutumia mipira mrefu kushambulia.

Tchetche nusura aipatie Azam bao la pili baada ya kupiga shuti lililomgonga begani kipa Oluoch na kurudi uwanjani kabla ya kuokolewa na mabeki wa Gor Mahia.

Azam ilipata bao la pili dakika 63, kwa mpira wa adhabu uliopigwa na Tchetche uliokwenda moja kwa moja wavuni na kumwacha kipa Olouch akijilaumu mwenyewe kwa uamuzi wake kudhani mpira huo unatoka nje.

Awali, KCCA ya Uganda ushindi wa tatu baada ya kuichapa Al Khartoum ya Sudan kwa mabao 2-1.

KCCA ilipata mabao yake kupitia Michael Birungi na Muzamir Mutyaba kabla ya Al Khartoum kupata bao la kufutia machozi kupitia Ousmaila Baba.

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma