AMISSI TAMBWE NAYE ATAKA KUONDOKA SIMBA

-
Mfungaji bora wa msimu uliopita wa Ligi Kuu Bara,  Mrundi, Amissi Tambwe, ameutaka uongozi wa klabu hiyo kumpa barua ya kuondoka klabuni hapo kama umemchoka na siyo kumsingizia mambo ya ajabu ambayo hajafanya na wala hatarajii kuyafanya.

Tambwe ambaye alijiunga na Simba msimu uliopita akitokea Vital’O ya Burundi na kufanikiwa kuibuka mfungaji bora wa Ligi Kuu Tanzania Bara kwa kufunga mabao 19, hivi sasa hana amani tena katika kikosi cha timu hiyo.

Hali hiyo inatokana na hivi karibuni baadhi ya viongozi wa Simba kumtaja kuwa anaihujumu timu hiyo akishirikiana na baadhi ya wachezaji wenzake.


Tambwe amesema kuwa kama wamemchoka ni bora wakampatia barua ya kuachana na klabu hiyo na siyo kumchafulia jina.
Alisema amechoshwa na tuhuma hizo ambazo zinamfanya atumie muda mwingi kuzitafakari japokuwa hazina ukweli wowote na kushindwa kufikiria mambo ya msingi yatakayomwezesha kufanya vizuri katika mechi zijazo za timu hiyo.

“Sasa ndiyo naamini yale niliyokuwa naambiwa na wachezaji wenzangu wa Burundi waliowahi kuzitumikia timu za Tanzania kuwa hata ufanye mema mangapi ipo siku utadharaulika na utaonekana mtu usiyefaa kabisa.

“Mema yote na kujitolea kwangu uwanjani nilikofanya msimu uliopita ili kuhakikisha tunafanya vizuri leo hii naonekana sifai, eti naihujumu Simba kwa sababu tu sifungi, hakika naumia sana.

“Katika soka kuna mambo mengi ambayo yanaweza kumkuta mchezaji, kutofunga kwangu siyo kwamba nafanya makusudi nimekuwa nikijitahidi sana kutafuta nafasi lakini mambo yanakuwa magumu kwa sababu timu nyingi zimejiandaa vizuri na wachezaji wengi msimu huu wapo makini sana na mimi ndiyo maana hali hiyo imetokea hivyo sipaswi kulaumiwa.

“Kama wanaona nafanya makusudi basi wanipe barua ya kuachana na mimi na siyo wasinichafulie jina langu kwa kunisingizia mambo ambayo sijafanya,” alisema Tambwe ambaye msimu huu amefunga bao moja katika mechi nne alizocheza.

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma