MBEYA CITY YAMPONZA PRINCE HOZA.

-
Na Mwandishi Wetu

Majanga yameanza kumpata aliyekuwa mkurugenzi wa promosheni katika kampuni ya Modern Publishers Prince Hoza (Pichani) ambao pia ni watoaji wa gazeti maarufu la michezo la Mwanasoka ambalo linasomwa na wapenzi na mashabiki wa klabu ya Simba maarufu wekundu wa msimbazi.

Kwa mujibu wa chanzo cha habari hizi kinasema kuwa  Hoza ambaye ni kiongozi upande wa promosheni katika kampuni hiyo inayomilikiwa na mdau na mwanachama maarufu wa Simba SC Majuto Mbiligenda, taarifa hizo zinadai kuwa ujumbe alioutuma Hoza katika ukurasa wake wa facebook ndio chanzo kilichopelekea kuondoshwa katika kampuni hiyo na kusimamishwa kazi.

Inaemekana kuwa Hoza aliandika katika ukurasa wake wa facebook kuwa yeye si shabiki wa Simba na ameamua kujiunga na Mbeya City inayotokea mkoani Mbeya, Hoza aliamua kufanya hivyo kutokana na mgogoro unaoendelea kufukuta katika klabu hiyo iliyopelekea kusimamishwa kwa mwenyekiti wa klabu hiyo Alhaj Ismail Aden Rage.

Chanzo kilichosababishwa Hoza afutwe kazi yake ni kuonyesha ushabiki wa waziwazi kwa Mbeya City badala ya Simba ambao ndio wanaomfanya awepo katika kampuni hiyo, Hoza alikuwa mkurugenzi wa promosheni zote ambapo alijipatia umaarufu mkubwa alipoendesha chemsha bongo ya shinda jezi ya Simba ambayo ilipata wafuasi wengi kupitia gazeti la Mwanasoka.


Licha ya kujishughurisha promosheni, Hoza alikuwa mwandishi wa makala katika gazeti hilo ambapo alipata kuvuma na kolamu yake ya Darubini yangu, kwa sasa ameondolewa katika kolamu hiyo huku baadhi ya wasomaji wakihoji kulikoni kusimamishwa kwa mdau huyo mkubwa.

Hata hivyo mwandishi wetu aliamua kuwasiliana na mkurugenzi wa kampuni hiyo Majuto Mbiligenda ili kuthibitisha ukweli ambapo alikiri kuwa wameamua kuachana na Hoza kutokana na mambo mbalimbali ingawa hakutaka kuweka wazi, Naye Hoza alitafutwa ili athibitishe ukweli wenyewe simu yake ya mkononi iliita pasipo kupokelewa.

Lakini Mtandao huu unafahamu kuwa Hoza ameponzwa na ujumbe alioutuma kupitia ukurasa wake wa facebook, hata hivyo jitihada za kumpata zinaendelea ingawa inadaiwa kuwa Hoza yuko safarini nje ya Dar es Salaam.


Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma