 |
Bao la dakika za lala salama kutoka kwa Wilfried Zaha
liliokoa Manchester United kutoka kwa kichapo cha aibu cha tatu katika
ziara yao ya kipindi cha kabla ya msimu bara Asia mnamo Ijumaa, na
kutoka sare 2-2 na Cerezo Osaka timu aliyochezea Shinji Kagawa katika
Ligi-J.
Kagawa, aliyehamia Old Trafford kutoka Borussia Dortmund mwaka mmoja uliopita, pia alisisimua mashabiki 44,856 waliofurika uwanja wa Nagai kwa kufungia United bao lake la kwanza baao ya kupoteza penalti kwa kupiga mkwaju moja kwa moja hadi mikononi mwa kipa wa Osaka Kim Jin-Hyeon.
Red Devils sasa wameshinda mechi mbili na kushindwa mbili Asia baada ya kupoteza 1-0 mikononi mwa timu ya All Stars wa Ligi ya Thailand wiki mbili zilizopita mjini Bangkok, wakawalemea All Stars wa Ligi A mjini Sydney na tena wakawainamia Yokohama Marinos wa Ligi J Jumane iliyopita.
Straika wa Cerezo Kenyu Sugimoto alifungua ukurasa wa mabao kunako dakika ya 34 kwa kuwachenga walinzi wawili na kutoa kombora kwa guu la kushoto ambalo lilimpita Lindegaard baada ya kunasa pasi iliyokuwa imetolewa na Chris Smalling wa United.
United nusura wasawazishe dakika ya 40 pale Kagawa alipotoa kombora la juu baada ya straika Mholanzi Robin van Persie kumwandalia mpira maridadi alioupata kutoka kwa mpira uliodunda kutoka kwa kombora la Danny Welback mlingoti wa kushoto.
Kagawa alipoteza penalti dakika ya 53 pale Ashley Young alipochezewa visivyo eneo la hatari na difenda wa Cerezo Tatsuya Yamashita.
Lakini Mjapani huyo wa umri wa miaka 24 alijirejeshea hadhi yake kwa kufunga dakika mbili baadaye, kwa kutuma mpira wavuni kupitia katikati ya miguu ya Kim baada ya kupata mpira ulioandaliwa na Ryan Giggs.
Dakika chache baadaye, Kagawa alitolewa uwanjani huku akishangiliwa na mashabiki wake wa zamani, na muda si muda Cerezo wakawashangaza mabingwa hao wa Uingereza kwa bao la pili kupitia mshambuliaji wa umri wa miaka 18 Takumi Minamino dakika ya 63.
Kombora la Minamino kutoka upande wa kushoto nje ya eneo la hatari lilielekea juu ndani ya wavu. Lakini Zaha aliwaliwaza wageni na kuwaokoa kutoka kwa aibu kwa kufunga bao la kusawazisha dakika moja kabla ya mechi kumalizika baada ya kupata mpira ulioandaliwa na Jesse Lingard.
Katika mechi yao ya mwisho ziara yao ya Asia, mabingwa hao wa Uingereza watacheza dhidi Kitchee FC mjini Hong Kong mnamo Jumatatu na kuhitimisha kampeni yao ya kabla ya msimu kwa mechi ya kirafiki dhidi ya AIK Fotboll ya Sweden mjini Stockholm Agosti 6.
United chini ya David Moyers – aliyeteuliwa mrithi wa kocha wa muda mrefu Alex Ferguson mwishoni mwa msimu uliopita – ataanza kampeni yake ya kutetea taji dhidi ya Swansea City ugenini Agosti 17.
Kagawa, aliyehamia Old Trafford kutoka Borussia Dortmund mwaka mmoja uliopita, pia alisisimua mashabiki 44,856 waliofurika uwanja wa Nagai kwa kufungia United bao lake la kwanza baao ya kupoteza penalti kwa kupiga mkwaju moja kwa moja hadi mikononi mwa kipa wa Osaka Kim Jin-Hyeon.
Red Devils sasa wameshinda mechi mbili na kushindwa mbili Asia baada ya kupoteza 1-0 mikononi mwa timu ya All Stars wa Ligi ya Thailand wiki mbili zilizopita mjini Bangkok, wakawalemea All Stars wa Ligi A mjini Sydney na tena wakawainamia Yokohama Marinos wa Ligi J Jumane iliyopita.
Straika wa Cerezo Kenyu Sugimoto alifungua ukurasa wa mabao kunako dakika ya 34 kwa kuwachenga walinzi wawili na kutoa kombora kwa guu la kushoto ambalo lilimpita Lindegaard baada ya kunasa pasi iliyokuwa imetolewa na Chris Smalling wa United.
United nusura wasawazishe dakika ya 40 pale Kagawa alipotoa kombora la juu baada ya straika Mholanzi Robin van Persie kumwandalia mpira maridadi alioupata kutoka kwa mpira uliodunda kutoka kwa kombora la Danny Welback mlingoti wa kushoto.
Kagawa alipoteza penalti dakika ya 53 pale Ashley Young alipochezewa visivyo eneo la hatari na difenda wa Cerezo Tatsuya Yamashita.
Lakini Mjapani huyo wa umri wa miaka 24 alijirejeshea hadhi yake kwa kufunga dakika mbili baadaye, kwa kutuma mpira wavuni kupitia katikati ya miguu ya Kim baada ya kupata mpira ulioandaliwa na Ryan Giggs.
Dakika chache baadaye, Kagawa alitolewa uwanjani huku akishangiliwa na mashabiki wake wa zamani, na muda si muda Cerezo wakawashangaza mabingwa hao wa Uingereza kwa bao la pili kupitia mshambuliaji wa umri wa miaka 18 Takumi Minamino dakika ya 63.
Kombora la Minamino kutoka upande wa kushoto nje ya eneo la hatari lilielekea juu ndani ya wavu. Lakini Zaha aliwaliwaza wageni na kuwaokoa kutoka kwa aibu kwa kufunga bao la kusawazisha dakika moja kabla ya mechi kumalizika baada ya kupata mpira ulioandaliwa na Jesse Lingard.
Katika mechi yao ya mwisho ziara yao ya Asia, mabingwa hao wa Uingereza watacheza dhidi Kitchee FC mjini Hong Kong mnamo Jumatatu na kuhitimisha kampeni yao ya kabla ya msimu kwa mechi ya kirafiki dhidi ya AIK Fotboll ya Sweden mjini Stockholm Agosti 6.
United chini ya David Moyers – aliyeteuliwa mrithi wa kocha wa muda mrefu Alex Ferguson mwishoni mwa msimu uliopita – ataanza kampeni yake ya kutetea taji dhidi ya Swansea City ugenini Agosti 17.