Pedro Goncalves awakomalia wachezaji wa Yanga kushinda kila mechi

-
Kocha Mkuu wa Yanga, Pedro Gonçalves, amesema wachezaji wake wanapaswa kujituma kikamilifu bila kujali wanakutana na timu gani, iwe Al Ahly SC au TMA, katika kuelekea mchezo wa Kombe la Shirikisho la CRDB.

Akizungumza na waandishi wa habari kuelekea mchezo huo wa kesho, Gonçalves amesema Yanga inaelekea kwenye mashindano yenye hadhi kubwa, hivyo wanahitaji kushinda ili kufuzu hatua inayofuata.

Amesema wachezaji wanapaswa kucheza kwa bidii na umakini, akibainisha kuwa kushindwa kuzingatia hilo kunaweza kuwaweka katika hali ngumu, kwani wapinzani wao hawana cha kupoteza.

“Tunajua tukipoteza kesho tutakuwa tumepoteza nafasi ya ubingwa, lakini tukitekeleza kila jambo ipasavyo tuna nafasi nzuri ya kutwaa ubingwa tena,” amesema Gonçalves.

Aidha, amesema TMA wanafahamu kuwa mchezo huo ni jukwaa muhimu la kuonesha uwezo wao, hivyo Yanga haitawabeza wapinzani wao licha ya kwamba waliitoa timu ya Ligi Kuu.

Kwa upande wake, mchezaji wa Yanga, Allan Okello, amesema wapinzani wao hawana cha kupoteza, hivyo ni muhimu kwa Yanga kucheza kwa umakini na heshima.

Amesema kushindwa kwa Yanga kunaweza kuwa habari kubwa, hivyo wachezaji wanapaswa kubaki kwenye malengo na kutoidharau timu yoyote.

“Mpira unahitaji heshima kwa kila mpinzani. Nguvu tunayotumia dhidi ya timu za Ligi Kuu inapaswa kutumika pia ili kuonesha utofauti,” amesema Okello.


Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

-
Picha
Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma