MADUDU YA WAAMUZI WA TANZANIA, TFF ICHUKUE WA NJE

-
Na Prince Hoza Matua

KWANZA namshukuru mwenyezi Mungu kwa kunipa uzima ambao unanifanya leo niandike makala maalum ya MIKASI ambayo kila siku ya Alhamisi inawajia, lakini pia namshukuru kwa kuniwezesha kuuona mwaka wangu mpya.

Ikumbukwe Machi 31 majuzi ya wiki hii nimeadhimisha siku ya kuzaliwa (Happy Birthday) ambapo mimi na familia yangu tulikuwa na furaha ya kutimiza siku za kuzaliwa ya mpendwa wao (Prince Hoza).

Naenda kwenye mada kama ilivyo kawaida yangu kuwaletea mjadala ambao unawahusu wasomaji wangu kutoka pande mbalimbali ulimwenguni.

Mjadala wangu unahusu waamuzi, hasa wale wanaochezesha michuano ya Ligi Kuu bara, kombe la CRDB, Ngao ya Jamii, kombe la Mapinduzi na kombe la Muungano.

Lakini pia waamuzi wetu ni mahususi kwa kuchezesha mechi za kirafiki za timu zetu kubwa zinazoshiriki mashindano makubwa ya nchi na pia ligi ya Championship.

Nikielekea zaidi kwenye Ligi Kuu bara, ushindani wa ligi ni mkubwa na safari hii timu zote kubwa za Yanga SC, Simba SC, Azam FC na Singida Black Stars zinakutana na ushindani mkali.

Ila kitu kinachonipa wasiwasi ni kwamba waamuzi wanaopewa jukumu la kuchezesha mechi mbalimbali za ligi hiyo wanashindwa kusimamia vema Sheria 17 za FIFA.

Zipo baadhi ya mechi za Ligi Kuu bara maamuzi yake hayakuwa sahihi, tumeona hatua mbalimbali zikichukuliwa na Bodi ya Ligi kupitia kamati yake ya masaa 72 ambapo waamuzi wamekuwa wakitozwa faini na kufungiwa.

Wapo waamuzi wanaofungiwa miezi 6 mpaka miezi 12 na wengine wakishushwa daraja na kufutwa kabisa, suala la waamuzi limekuwa tatizo kubwa kiasi kwamba kero imezoeleka huku timu zikiumia.

Ushauri wangu kwa wasimamizi wa mpira wa hapa nchini, TFF kuanza hatua ya kutumia waamuzi wa nje ya nchi, msimu uliopita TFF iliamua kuchukua waamuzi kutoka nchini Misri kuchezesha mpambano wa watani wa jadi kati ya Simba SC na Yanga SC.

Mchezo huo ulifanyika katika uwanja wa Mkapa jijini Dar es Salaam ambapo Yanga SC iliibuka na ushindi wa mabao 2-0, kila mtazamaji aliyeshuhudia mchezo huo aliridhishwa na maamuzi mazuri ya waamuzi wa mchezo huo.

Waamuzi wetu wa Tanzania bado hawajiamini wanapopewa filimbi ama vibendera Ili kuamua mchezo husika, sijui wanaogopa lawama za mashabiki hasa wa hizi timu kubwa zenye mashabiki wenye hisia kali.

Wapo baadhi ya waamuzi wa Tanzania ambao kidogo wamejipatia sifa kemkem lakini nao wanapopewa nafasi ya kuamua mechi za mahasimu ujikuta wanaingia mchecheto na kutoa maamuzi ambayo ni mshangao kwa wengine.

Waamuzi wetu wamejawa na hofu, nadhani tatizo lipo kwa timu kubwa ambazo zenyewe hazitaki kupoteza mchezo, mashabiki wa timu hizo hawataki kuona timu zao zikifungwa ama kutoka sare, lawama zote huwabebesha waamuzi na hapo ndipo huwafanya kuwa waoga.

Ni vema Rais Wallace Karia na kamati tendaji yake ya TFF ifikirie kwa kina kutumia waamuzi wa kutoka nje ya mipaka yake wenye beji ya CAF ambao wanasifa ya kuchezesha michuano mbalimbali ya Afrika.
.........................................
Kolamu ya MIKASI Inaletwa kwenu kwa hisani ya Angaxa House, wauzaji, wapangishaji nyumba, viwanja nk wanaopatikana jijini Dar es Salaam kwa simu namba 0652-626627.

ALAMSIKI 




Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

-
Picha
Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma