Ruka hadi kwenye maudhui makuu

Kenneth Mkapa: Gwiji aliyesahaulika katika soka la Tanzania

Na James Shabay

Katika historia ya soka la Tanzania, yapo majina mengi yaliyopitia viwanjani, lakini ni machache sana yanayostahili kuitwa magwiji.

Miongoni mwa majina hayo ni Kenneth Mkapa, mchezaji wa zamani wa Young Africans Sports Club (Yanga SC) na Taifa Stars, ambaye mchango wake hauwezi kufutwa na muda.

Mkapa alikuwa mchezaji mwenye nidhamu, akili ya mchezo, na uwezo mkubwa wa kuongoza wenzake uwanjani.

Akiwa na jezi ya Yanga SC, alitoa kila alichonacho kwa ajili ya nembo ya klabu, akijenga taswira ya mchezaji anayeheshimu jezi na mashabiki.

Vilevile, alipovaa jezi ya Taifa Stars, aliwakilisha taifa kwa moyo wa kizalendo, akipambana kwa hali na mali kuitangaza Tanzania kimataifa.

Hata hivyo, pamoja na mchango huo mkubwa, bado kuna swali linalobaki vichwani mwa wadau wengi wa soka: kwa nini gwiji kama Kenneth Mkapa hapewi heshima kubwa inayostahili katika mpira wetu?.

Mkapa amepozi


Ni nadra kumuona akitajwa kwenye mijadala mikubwa ya kihistoria ya soka letu, hafikiwi mara kwa mara katika hafla rasmi, na simulizi za mafanikio yake hazipewi uzito unaolingana na mchango wake.

Umuhimu wa Kenneth Mkapa hauishii tu kwenye kile alichofanya akiwa mchezaji. Hata baada ya kustaafu soka, bado amebaki kuwa kioo cha kuigwa kwa wachezaji chipukizi mfano wa nidhamu, unyenyekevu na mapenzi ya kweli kwa mchezo.

Ni aina ya watu ambao uzoefu wao ungeweza kutumika zaidi katika kuijenga kesho ya soka letu, endapo wangetambuliwa na kuhusishwa ipasavyo.

Soka hukua kwa kuheshimu historia yake. Kuwapa thamani magwiji wetu siyo hisani, bali ni wajibu. Kenneth Mkapa anastahili heshima kubwa zaidi, kutambuliwa waziwazi, na kuenziwa kama sehemu muhimu ya safari ya soka la Tanzania.

Kwa kufanya hivyo, tunawaheshimu waliotutangulia na wakati huo huo tunawaonesha vijana wetu kuwa jitihada, nidhamu na uzalendo vina thamani ya kudumu.

Kenneth Mkapa wa kwanza aliyembele

Lebo:

Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma