Ruka hadi kwenye maudhui makuu

Beki wa zamani Simba, Yanga afariki dunia

BEKI wa zamani wa kushoto wa Kimataifa wa Tanzania, Alphonce Modest Pambamotosapi (55) amefariki dunia jioni ya leo majira ya Saa 1:40 usiku nyumbani kwao, Mtaa wa Kisangani mjini Kigoma.

Akizungumza na Bin Zubeiry Sports – Online kwa simu usiku huu kutoka Kigoma, baba mzazi wa Alphonce – Mzee Modest Pambamotosapi amesema kwamba taratibu za mazishi zitafanywa kesho na siku ya mazishi yake itatajwa.

Alphonce amefariki baada ya kuugua kwa muda mrefu, maradhi ambayo yalikatisha Maisha yake ya soka katika klabu ya Mtibwa Sugar. 
Mzee Modest amesema kijana wake ameacha watoto watatu ambao yeye anawafahamu na wote wanajitegemea kwa sasa - Tabu na Kelvin wapo Dar es Salaam na mdogo wao, Rachel ambaye yupo Arusha.

Modest aliibukia Pamba FC ya Mwanza mwaka 1993 ambayo ilimtoa SUA ya Morogoro ikiwa Ligi Daraja la Pili, sasa Championship, baada ya awali kuchezea timu za Halmashauri na NBC za kwao, Kigoma.

Alijiunga na Simba SC mwaka 1995 ambako alicheza hadi mwaka 1998 akajiiunga na Yanga kwa mkopo kwa ajili ya hatua ya makundi ya Ligi ya Mabingwa Afrika – lakini baada ya michuano hiyo akatimkia Botswana ambako alichezea timu ya Jeshi la nchini hiyo, BDF.

Mwaka 2001 alirejea nchini na kujiunga na Mtibwa Sugar ambayo aliichezea hadi mwaka 2006 alipolazimika kustaafu baada ya kuanza kusumbuliwa na maradhi.
Modest amekuwa sehemu ya kikosi cha timu ya taifa ya Tanzania tangu mwaka 1994 akijivunia kushinda mataji ta Kombe la CECAFA Challenge mwaka 1994 nchini Kenya na Kombe la CECAFA Castle mwaka 2001 Jijini Mwanza. 
Mungu ampumzishe kwa Amani. Amin. 
 

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Ngao ya Jamii sasa ni Simba na Yanga

Shirikisho la mpira wa miguu Tanzania TFF limebadilisha kanuni za mashindano za Ngao ya Jamii kutoka timu nne na sasa utaratibu utakuwa kama zamani. Bingwa wa Ligi Kuu bara atacheza na mshindi wa kombe la CRDB Cup "CRDB Federation Cup, na endapo kama bingwa wa ligi na CRDB atakuwa ni mmoja basi mshindi wa pili kwenye Ligi Kuu ya NBC atacheza mchezo wa ufunguzi wa ligi yaani Ngao ya Jamii.  Hivyo ni rasmi ufunguzi wa wa ligi kuu mchezo  wa "Ngao ya Jamii msimu huu 2025-2026 ni Yanga na Simba watakutana.
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma