YANGA WASHINDWE WENYEWE KWA MC ALGER...

-
Na Prince Hoza

WIKI iliyopita katika chapisho langu la MIKASI niliandika kwa "Simba washindwe wenyewe, Yanga wanahitaji dua", nahisi nilikuwa hivyo.

Lakini wiki hii na hasa leo naandika hivi "Yanga washindwe wenyewe kwa MC Alger hapo Jumamosi katika uwanja wa Mkapa jijini Dar es Salaam.

Wiki iliyopita niliandika Simba washindwe wenyewe kwa sababu walienda kucheza na timu ya Bravos de Maquiz ya Angola mchezo wa marudiano wa kombe la Shirikisho barani Afrika.

Simba walihitaji sare ili wafuzu robo fainali, matokeo ya 1-1 yaliwafanya wafikishe pointi 10 ambapo waliungana na CS Constantine ya Algeria waliokuwa na pointi kama hizo.

Bravos licha kwamba inaweza kufikisha pointi 10 sawa na wenzake wawili Simba na Constantine, lakini inazidiwa magoli na Simba, katika mchezo wa kwanza zilipokutana Simba na Bravos, Simba ilishinda 1-0 katika uwanja wa Mkapa.

Na ndio maana wiki iliyopita kwenye mchezo wa marudiano Simba walitakiwa sare tu ili wasonge mbele, Yanga nao walihitaji dua kwa sababu Yanga wamepewa mtihani mgumu wa kushinda mechi zote mbili ili waweze kufuzu.

Yanga walikuwa na kazi ngumu ya kusafiri hadi Afrika Kaskazini kuifuata Al Hilal ya Sudan ambayo imehamia kwa muda nchini Mauritania, katika mchezo huo wa marudiano wa Ligi ya mabingwa barani Afrika ilitakiwa iibuke na ushindi iwe isiwe.

Endapo Yanga isingepata ushindi kwa Al Hilal inayonolewa na kocha machachari Florent Ibenge raia wa DR Congo isingeweza kuzungumza chochote kuhusu kwenda robo fainali, lakini mwisho wa mchezo waliibuka na ushindi wa bao 1-0 na kufufua matumaini ya kucheza robo fainali.

Mchezo unaofuata utachezwa Jumamosi katika uwanja wa Mkapa jijini Dar es Salaam itacheza na MC Alger ya Algeria, katika mchezo huo Yanga wanatakiwa kushinda kwa idadi yoyote ya mabao hata moja bila inatosha.

Kwa kifupi Yanga washindwe wenyewe kwani Waarabu watacheza ugenini huku Yanga washindwe kutumia vema uwanja wa nyumbani, utofauti wa mechi ya kutaka kuingia robo au fainali ni tofauti na mechi ya fainali.

Yanga waliwahi kufungwa mabao 2-1 na wageni USM Alger ya Algeria mchezo wa fainali ya kwanza iliyofanyika mbele ya mashabiki wake jijini Dar es Salaam, lakini mechi hii ya kutaka kuingia robo fainali ni tofauti na ile ya fainali.

Fainali siku zote haina mwenyewe, lakini mechi ya Jumamosi Yanga washindwe wenyewe, ingawa Waarabu wanatakiwa kuvuna pointi moja tu ili waweze kufuzu robo fainali, lakini sio rahisi kama ilivyo kwa Yanga kupata ushindi wa aina yoyote.

Ushauri wangu kwa Yanga waingie uwanjani kwa taadhali huku wakiisoma vizuri MC Alger, najua Alger wataingia uwanjani kwa lengo moja la kutafuta bao la mapema ili liwadhoofishe Yanga katika mpango wao wa kupata ushindi.

Pia watafute mabao ya mapema aidha moja au mbili, siku hiyo wacheze mpira wa kasi na kufanya mashambulizi ya mara kwa mara ili kuwachosha, MC Alger wanategemea mipira iliyokufa kwani wana wapigaji faulo wazuri na pia wanajua kutumia mipira ya vichwa.

Lakini Yanga sio waoga kucheza na Waarabu, kwani wameshacheza na CR Belouizdad ya Algeria na kuwafunga 4-0 uwanja wa Mkapa wakati walipotakiwa kushinda idadi hiyo ya magoli baada ya kufungwa 3-0 kwenye mchezo wa kwanza.

Mwisho mechi ya Jumamosi ni mechi ya Yanga hivyo wajue kuutumia uwanja vema na waibuke na ushindi kwa njia yoyote, Simba wameweza kupata sare na kufuzu robo fainali, na Yanga nao washindwe wenyewe kufuzu robo fainali kwa matokeo ya ushindi kwenye ardhi ya nyumbani.

ALAMSIKI
 

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma