Ligi inachezwa msimu huu, zawadi msimu ujao

-
Na Prince Hoza

INASHANGAZA sana zawadi za washindi wa Ligi Kuu Tanzania bara msimu huu wa 2023/2024 kupewa msimu ujao wa 2024/2025.

Bodi ya Ligi pamoja Shirikisho la soka nchini, TFF limetangaza jana kwamba litatoa tuzo za washindi wa msimu huu wa Ligi Kuu bara.

Bodi ya Ligi wamepanga kutoa tuzo hizo siku ya fainali ya Ngao ya Jamii msimu ujao, ikumbukwe Ngao ya Jamii ni ya kuashiria kuanza kwa msimu mpya.

Malalamiko yamekuwa mengi juu ya maamuzi hayo ya kuwapa tuzo washindi wa msimu huu siku ya Ngao ya Jamii, wadau wanashangazwa sana uamuzi huo wakiamini TFF na Bodi ya Ligi haiwatendei haki wanaostahili kutunukiwa.

Stephanie Aziz Ki mfungaji bora wa Ligi Kuu Tanzania bara aliyepachika mabao 21 alistahili kupewa tuzo yake baada ya kumalizika ligi hiyo.

Kumchelewesha sio sawa, ni uonevu juu yake, Aziz Ki ni raia wa Burkina Faso kwa vyovyote anarejea kwao hasa kwa sababu msimu umemalizika na mkataba wake na Yanga umeisha.

Haijajulikana kama Aziz Ki ataendekea kuichezea Yanga, kwani zipo tetesi kwamba anahitajika na timu zaidi ya moja, kama ataondoka itakuwa ngumu kumuona anakuja kufuata tuzo yake hivyo ni sawa na kutomtendea haki.

Aziz Ki alifanya kazi kubwa kushindania kiatu kwani alikutana na upinzani mkali kutoka kwa Feisal Salum "Feitoto" ambaye ikiwa imebaki mechi moja ligi kumalizika wote wawili walifungana kwa magoli 18.

Mwishoni mwa ligi Aziz Ki aliibuka mfungaji bora kwa kufunga mabao matatu na kufikisha magoli 21, lakini pia mlinda mlango Let Matampi raia wa DR Congo ambaye anaweza kutajwa kama golikipa bora msimu huu alistahili kupewa tuzo yake baada ya ligi kumalizika

Kumpa tuzo yake msimu ujao si haki, ifahamike wazi kwamba msimu unapomalizika timu zinafanya maboresho ya vikosi vyao hivyo kuna klabu zitalazimika kuwasajili wachezaji wengine.

Hivyo wapo nyota wa timu nyingine watahamia kwingine hivyo tuzo yake itabidi ichukuliwe na mtu wa upande mwingine, ni ngumu kwa mchezaji kama Matampi achukue tuzo akiwa anaichezea Simba au Yanga ilihali aliipatia akiwa Coastal Union.

Sawa na Aziz Ki achukue tuzo akiwa Simba wakati aliipata akiwa Yanga, kuna namna Bodi ya Ligi wanatakiwa kuwatendea haki wadau waliostahili kupewa tuzo zao wakati muafaka, kuvhelewesha tuzo zao ni uonevu kama uonevu mwingine.

Sijajua ni kwanini Bodi ya Ligi imefanya hivyo, ni ukosefu wa zawadi za washindi au makusudi kwa sababu kuna watu flani walitakiwa kupata lakini wakazikosa.

Kama ni makusudi basi wanatakiwa wasifanye hivyo kwani mpira hauendeshwi kwa matakwa ya mtu bali vitungu vya sheria na kanuni, mwisho nawaomba Bodi ya Ligi na TFF muendelee kujifunza kwa waliopiga hatua.

ALAMSIKI


Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma