PAUL NONGA KUSTAAFU SOKA MBELE YA YANGA

-

Wakati ligi ikitaraji kufika ukomo June 9, 2023 kwa upande wa mshambuliaji Paul Nonga wa Mbeya City amesema atahitimisha safari yake ya kusakata kabumbu katika mechi ya mzunguko wa 29 ya ligi kuu wakati timu yake ya Mbeya City FC @officialmbeyacityfc itakapoikaribisha Young Africans sports club June 6,2023.

Nje ya soka Nonga ambae jina la utani huitwa 'Baba Paroko' tofauti na kucheza mpira kitaaluma yeye ana taaluma ya kupasua miamba migodini (Blaster).

Nonga amesema amelazimika kupumzika rasmi kucheza kutokana na kuandamwa na majeraha ya muda mrefu, licha ya kupumzika bado ataendelea kuutumikia mpira wa miguu kwa upande mwingine kama kocha msaidizi wa timu yake ya Mbeya City FC kwa sasa.

Ikumbukwe Nonga ana leseni C ya ukocha ya CAF Klabu alizopita ni Yanga SC, Mwadui FC, Lipuli FC, Gwambina FC, JKT Oljoro na Mbeya City FC ambayo anaitumikia kwa mara ya pili hapo.

Pongezi kwake miaka karibia 13 ya soka sio haba kwake.


Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

-
Picha
SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

Kocha Simba anataka wachezaji wapya watano

-
Picha
Kocha mkuu wa Simba Steve Barker,amewambia viongozi wake kuwa january hii anahitaji wachezaji wapya watano. Steve Barker,anataka Left-back,Kiungo namba 8,kiungo namba 10,winga wa kulia na beki mmoja wa kati. Lakini pia kocha huyo amesisitiza kuwa wachezaji wawili kati ya hao watano watatoka South Africa (Kiungo namba 8 na winga).
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma