Kispoti

-

Yanga na nyie jengeni utaratibu wa kuwatibia wachezaji wenu nje ya nchi.

Na Prince Hoza

YANGA SC juzi imepata ushindi mwembamba wa bao 1-0 dhidi ya Saint Louis ya Shelisheli mchezo wa Raundi ya awali Ligi ya mabingwa barani Afrika katika uwanja wa Taifa mjini Dar es Salaam.

Kwa maana hiyo Yanga inahitaji kujilinda zaidi ugenini zitakaporudiana ili isiruhusu kipigo cha mabao 2-0 kwani ikipata kipigo hicho itakuwa imeondoshwa mashindanoni, tatizo kubwa kwa upande wa Yanga lilionekana kwenye sehemu ya ufungaji.

Yanga ilishindwa kupenya ukuta wa Saint Louis, hadi mapumziko timu hizo zilienda zikiwa hazijafungana, Yanga iliongoza kwa kumiliki mpira ikishambulia mara kwa mara, mabeki wa Saint Louis walikuwa imara kuzuia hatari zote.

Wachezaji karibu wote wa Saint Louis walirudi nyuma kuzuia wasifungwe mabao mengi, kwa upande wa Yanga tatizo lilionekana kwenye sehemu ya ushambuliaji kwani hawakuwa na mtu mwenye uwezo wa kuingia na mpira katikati ya msitu wa mabeki wa Saint Louis.

Obrey Chirwa na Pius Buswita hawakuwa na mbinu mbadala za kupenya ukuta wa Louis, goli pekee walilolipata lilitokana na miujiza tu ya mpira wa kona ya Geofrey Mwashiuya iliyounganishwa na Juma Mahadhi dakika ya 66 ambao wote waliingia kwa pamoja.

Yanga inapitia msoto huu kwa sababu washambuliaji wake tegemeo Amissi Jocelyin Tambwe raia wa Burundi, Donald Ngoma raia wa Zimbabwe na Thabani Scara Kamusoko kuwa majeruhi, nyota hao wa kigeni ndio tegemeo kwa upachikaji wa mabao.

Ngoma akiwa kwenye ubora wake kabla hajakumbwa na majeraha alikuwa na uwezo mkubwa wa kuingia na mpira hata kukiwa na msitu wa mabeki, kukosekana kwake kumeweza kuiathili Yanga hasa kwenye eneo la ushambuliaji.

Mzimbabwe huyo alianza kuandamwa na majeraha tangu mwanzoni mwa msimu uliopita ambapo aliishia kucheza mzunguko wa kwanza na kumalizia msimu benchi, na msimu huu vilevile, Ngoma ameanza kucheza mzunguko wa kwanza na amecheza mechi chache.

Obrey Chirwa, Pius Buswita na Ibrahim Ajibu ndio wamekuwa tegemeo la Yanga kwenye safu ya ushambuliaji na wameshindwa kuwafurahisha mashabiki wa Yanga kama ilivyokuwa kwa Ngoma na Tambwe.

Tambwe naye anaandamwa na majeraha aliyoyapata kwenye kipindi cha maandalizi ya kuelekea msimu huu, na hadi sasa bado hajawa fiti kwa asilimia 100, kiungo mshambuliaji Mzimbabwe, Thabani Kamusoko ambaye aliiweka Yanga kwenye matawi ya juu, Kamusoko amepatwa na majeraha mwanzoni mwa msimu huu ambayo yanamtesa.

Jinsi majeruhi hao wanavyopatiwa matibabu yao hapa nchini hayaonyeshi dalili za kurejea uwanjani na ufiti wao wa awali, Yanga jumla ina majeruhi karibu 11 ambao wanaonekana kuigharimu timu hiyo, majeruhi hao ni Youthe Rostand, Juma Abdul, Haji Mwinyi, Andrew Vincent "Dante", Pato Ngonyani, Yohana Nkomola, Thabani Kamusoko, Amissi Tambwe, Donald Ngoma na Ibrahim Ajibu.

Pengo la Tambwe, Ngoma na Kamusoko bado linaonekana ingawa Papy Kabamba Tahishimbi amekuwa akiimudu, ila Tshishimbi aliletwa Yanga kwa ajili ya kuziba pengo la Frank Domayo aliyeihama Yanga na kutimkia Azam Fc miaka minne iliyopita.

Katika miaka minne pengo la Domayo lilionekana kuiathili Yanga na imewachukua muda kuziba mpaka Tshishimbi alipoletwa kuziba, lakini kitendo cha Tshishimbi kwenda kucheza namba ya Kamusoko eneo la namba sita linaonekana kuathilika.

Frank Domayo alikuwa majeruhi wa muda na klabu ya Azam ilipomsajili ikaamua kumpeleka nchini Afrika Kusini kwa ajili ya kufanyiwa vipimo na tiba, ikabainika kiungo huyo fundi alikuwa akicheza Yanga na majeraha yake.

Sijawahi kusikia hata mara moja uongozi wa Yanga ukizungumzia kuwapeleka wachezaji wake walio kwenye majeruhi nje ya nchi kwa matibabu, haya yote yanatokana na wao na ndio maana mashabiki wa Yanga wanakosa raha.

Leo hii kama Donald Ngona, Amissi Tambwe na Thabani Kamusoko wangekuwa wameshapatiwa matibabu nje ya nchi, iwe India au Afrika Kusini huenda wangeisaidia timu yao kuiua Saint Louis, Simba wao wamekuwa na utaratibu mzuri wa kuwapeleka nje ya nchi wachezaji wake wenye majeraha hata Azam nao wana utaratibu wa kuwapeleka nje majeruhi wake.

Simba imempeleka nchini India, kipa wake wa pili, Said Mohamed Nduda, Yanga na nyie jengeni utaratibu wa kuwapeleka nje ya nchi wachezaji wenu wanaoandamwa na majeruhi hasa wale tegemeo ili wawasaidie kutetea taji la VPL na kufanya vema kimataifa, KWA LEO NAISHIA HAPA, TUKUTANE JUMA LIJALO

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma