KISPOTI

-

ALICHOFANYA JUMA NYOSO ANGEKUWA SIMBA SC INGEKUWA POA.

Na Prince Hoza

JUMATATU ya wiki iliyopita beki wa Kagera Sugar Juma Said Nyoso alimpiga shabiki wa Simba Sc mpaka kuzimia, Nyoso alifanya hivyo baada ya shabiki huyo kumpulizia vuvuzela masikioni mwake.

Tayari Nyoso alikuwa na hasira kufuatia timu yake ya Kagera Sugar kuchapwa mabao 2-0 na Simba katika mchezo wa Ligi Kuu ya Vodacom Tanzania Bara uwanja wa Kaitaba mjini Bukoba.

Inasemekana shabiki huyo alianza kumuandamana Nyoso tangu dakika 90 za mchezo, na baada ya mpira kumalizika shabiki huyo aliingia uwanjani akiwa na vuvuzela lake na kumkaribia Nyoso kisha kumpulizia masikioni mwake kama sehemu ya kuwasilisha furaha yake.

Ikumbukwe msimu uliopita mashabiki wa Simba walitoka vichwa chini katika uwanja huo baada ya timu yao kulala kwa mabao 2-1 katika mchezo wa Ligi Kuu Bara dhidi ya Kagera Sugar, hivyo furaha ya kupitiliza waliyokuwa nayo wapenzi na mashabiki wa Simba ilizidi mipaka baada ya timu yao kulipiza kisasi na kumfanya shabiki huyo kumkera Nyoso.

Ni kweli kitendo alichokifanya shabiki huyo cha kushangilia timu yake si kibaya na wala si cha kukera, mashabiki wa vilabu vikubwa hapa nchini Simba na Yanga huwa wanapenda furaha muda wote.

Hawapendi kuhuzunika pale timu yao inapocheza, tumeshuhudia msimu uliopita mashabiki wa Simba walipong' oa viti vya uwanja wa Taifa Dar es Salaam wakipinga mwamuzi Martin Saanya kumtoa kwa kadi nyekundu mchezaji wao Jonas Mkude.

Hivyo kitendo cha shabiki huyo kushangilia sana timu si dhambi, lakini shabiki huyo alianza kumshambulia kwa matusi Juma Nyoso muda wote wa mchezo haukuwa uungwana na hasa beki huyo alipocheza vizuri kipindi cha kwanza.

Nyoso aliumudu vema mchezo huo akifanikiwa kuwadhibiti washambuliaji wa Simba wasilete madhara langoni kwa Kagera Sugar, hadi mapumziko timu hizo zilikuwa hazijafungana, inasemekana shabiki huyo hakufurahishwa na uchezaji wa kibabe wa Juma Nyoso kwa washambuliaji wa Simba mpaka kushindwa kufunga katika ingww ya kwanza.

Lakini kipindi cha pili Simba ilikuja na kasi mpya na kufanikiwa kufunga mabao hayo mawili, kwa furaha ya shabiki huyo akaamua kumsogelea Nyoso na kumpulizia vuvuzela masikioni mwake.

Nyoso akiwa na hasira za kufungwa kisha kutukanwa na pia kupuliziwa vuvuzela masikioni na ikiwa yeye si mtu wa matani akaamua kumtwanga shabiki huyo mpaka kupelekea kuzimia, Nyoso naye akakamatwa na polisi kwa kitendo hicho.

Baada ya kukamatwa na polisi, mengi yamezungumzwa kuhusu Nyoso, kila mmoja amesema lake, wapo waliomshutumu Nyoso kwa shambulio hilo lakini pia wapo waliomsifu, ila waliomshutumu ni wengi kuliko waliomsifu.

Kwa bahati mbaya sana Nyoso anaichezea Kagera Sugar ya Misenyi, Bukoba mkoani Kagera, timu hiyo hain a mashabiki wengi kama ilivyo Simba Sc na ndio maana ilikuwa rahisi kumuandama Nyoso hadi kufikia hatua ya kumlaza rumande, sijawahi kusikia mchezaji wa Simba au Yanga akilazwa rumande kwa kupiga shabiki au kutukana.

Nahisi tukio lile angelifanya Nyoso wa Simba Sc sidhani kama angekamatwa ama kushutumiwa, mbona hawakukamatwa wale mashabiki wahuni waliong' oa viti uwanja wa Taifa msimu uliopita.

Kwa Nyoso wa Kagera Sugar imekuwa rahisi kuchukuliwa hatua kiasi kwamba hata Shirikisho la mpira wa miguu nchini, (TFF) nalo linajiandaa kumpa adhabu ya kumfungia mechi tatu na faini ya shilingi laki tano.

Lakini Nyoso huyu huyu aliwahi kumtomasa makalioni Amir Maftah wa Yanga, wakati huo Nyoso alikuwa anaichezea Simba Sc na hakuna mtu aliyetoa maoni, Maftah baada ya kufanyiwa udhalilishaji huo aliamua kurusha ngumi, refa alimuona na kumtoa kwa kadi nyekundu ambayo ilikuja kumgharimu na kuonekana msaliti kisha kutemwa na timu yake msimu uliofuata.

Katika mchezo huo wa watani, Simba iliifunga Yanga mabao 4-3 mchezo ukiwa wa Ligi Kuu Bara, Maftah alionekana msaliti kwa kufanya kosa la makusudi, lakini kiukweli alidhalilishwa na Nyoso.

Umefika wakati sasa kila mmoja amheahimu mwenzake, tuache ushabiki wa kishamba kwa kuingia uwanjani na kuwafanyia dhihaja wachezaji, leo hii Nyoso yuko Kagera Sugar kesho atakuwa Simba sijui utafanyaje hapo.

Ni kweli Nyoso amekosea kwa kujichukulia sheria mwenyewe lakini kosa hilo hilo angelifanya akiwa na Simba kwa vyovyote angesifiwa na kuungwa mkono, au shabiki yule wa Simba angempiga Nyoso ingekuwa poa tu

Tukutane Ijumaa ijayo kwenye makala yangu nyingine ya Staa wetu

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma