Staa Wetu:

-

MRISHO KHALFAN NGASA. ANAPOTEA AU ANARUDI?

Na Prince Hoza

NIMEMUONA kwenye mechi zote mbili ambazo timu yake ya Mbeya City ilipocheza na miamba Simba na Yanga, mechi ambazo zilifuatana, ama kweli Mrisho Ngasa alicheza vizuri ingawa kikosi chake kilipoteza michezo yote hiyo.

Mbeya City ikicheza uwanja wa nyumbani wa Sokoine dhidi ya Simba SC iliyosheheni kikosi cha Shilingi Bilioni 1.3 za Kitanzania na kuonyesha ushindani mkubwa lakini Shiza Kichuya aliweza kuwalaza kwa goli lake la utatanishi ambalo inadaiwa lilikuwa la kuotea, katika mchezo huo Simba ilishinda bao 1-0.

Vijana hao wa Mbeya City walisafiri hadi Dar es Salaam kuwafuata mabingwa watetezi wa Ligi Kuu bara, Yanga SC mchezo uliofanyika uwanja wa Uhuru, Mbeya City ilifungwa mabao 5-0 ambayo yamezua mshangao mkubwa kwa mashabiki wa soka, wengi hawakuamini kipigo hicho hasa kwakuwa wanaifahamu fika Mbeya City.

Mbeya City ni moja kati ya timu zilizokuwa zikionyesha ushindani mkubwa hasa zinapokutana na Simba na Yanga, si rahisi rahisi timu hizo za Kariakoo kuondoka na pointi tatu.

Lakini ilikuwa kazi nyepesi vijana wa Jangwani kuvuna kalamu ya mabao, ikumbukwe katika kikosi cha Mbeya City kuna staa mmoja ambaye ni mkubwa sana, na staa huyo ana rekodi zake kwa hapa nchini sidhani kama kuna aliyezifikia ama kuzivunja.

Staa huyo si mwingine ni Mrisho Khalfan Chogi Ngasa, ambaye baba yake mzazi amewahi kuzichezea Pamba FC ya Mwanza, Simba SC ya Dar es Salaam na timu ya taifa, Taifa Stars na ile ya Tanzania bara, anaitwa Khalfan Chogi Ngasa ambaye aling' ara kama kiungo mshambuliaji na jina lake lilikuwa kubwa sana katika miaka ya tisini.

Mtoto wake ambaye ndio huyu Mrisho Ngasa amekuja kuwa staa mkubwa kuliko ilivyokuwa kwa baba yake, Ngasa ni Staa kwa sababu ana rekodi ya kuzichezea klabu zote tatu za Dar es Salaam yaani Yanga SC, Simba SC na Azam FC kwa mafanikio, pia ana rekodi ya kuibuka mfungaji bora wa Ligi ya mabingwa barani Afrika.

Ngasa alikuwa mfungaji bora mwaka 2015 alipokuwa na klabu ya Yanga iliyotolewa kwenye raundi ya pili, Ngasa pia amewahi kuwa mfungaji bora katika michuano ya Chalenji miaka mitatu iliyopita ilipofanyika nchini Kenya, pia amewahi kuwa mfungaji katika Ligi Kuu ya Vodacom Tanzania bara.

Kiungi mshambuliaji huyo anajivunia mafanikio yake alipokuwa anaichezea Yanga SC ambapo alitamba nayo vilivyo na kuipa mataji, mwaka 2010 Ngasa alivunja rekodi ambayo mpaka sasa haijafikiwa hasa pale alipouzwa na Yanga kwa klabu ya Azam FC kwa dau nono la Shilingi Milioni 40 za Kitanzania.

Mpaka sasa hakuna klabu iliyomuuza mchezaji wake kwa klabu nyingine, Ngasa pia anajivunia kuwa Mtanzania wa kwanza kwenda kujaribiwa katika klabu ya West Ham ya Uingereza, Ngasa alipelekwa huko na wakala wake Yusuf Bakhresa.

Ambapo hata hivyo hakufaulu, pia aliwahi kujaribiwa nchini Marekani na timu ya Seatle Sounders inayoshiriki Ligi Kuu ya Marekani, katika majaribio hayo, Ngasa alicheza mchezo maalum wa kirafiki dhidi ya Manchester United iliyokwenda Marekani kufanya ziara, Mtanzania huyo aliweza kujitangaza duniani kutokana na ukubwa ilionao Manchester United.

Ili kudhihirisha Ngasa ni staa kama ilivyo kwa Mbwana Samatta na Thomas Ulimwengu au Simon Msuva, ambao wanacheza soka la kulipwa ughaibuni, naye aliwahi kutakiwa na klabu ya Lov Ham ya Urusi lakini klabu yake ya Yanga ilinzuia, timu hiyo inayoshiriki Ligi Kuu ya Urusi ilitaka kumsajili moja kwa moja bila kumfanyia majaribio.

Ngasa alijiunga na Azam FC ambapo pia alichez vizuri na kuwemo katika kikosi kilichotwaa ubingwa wa Ligi Kuu ya Vodacom Tanzania Bara msimu wa 2013/14, mchezaji huyo aliingia matatizoni na klabu yake hiyo na ikampeleka kwa mkopo Simba SC ambapo pia alicheza vizuri ingawa alidumu msimu mmoja na kurejea Yanga.

Ngasa hakudumu sana Yanga kwani alielekea nchini Afrika Kusini na kujiunga na klabu ya Ligi Kuu ya Free State Stars iliyokuwa ikinolewa na Mmalawi Kinnah Phiri ambaye baadaye alifundisha Mbeya City na kumvuta Ngasa, Nyota huyo alisaini mkataba wa miaka mitano lakini akavunja mkataba na kuelekea Oman kujiunga na timu ya Fanja FC, nayo hakudumu akarejea Tanzania alikojiunga na Mbeya City anayoichezea hadi sasa.

Ngasa aliyezaliwa Mei 5, mwaka 1989 jijini Dar es Salaam ni mwenyeji wa mikoa ya Mwanza anakotoka baba yake na Kagera anakotoka mama yake na kwa bahati nzuri mikoa yote hiyo walikotoka wazazi wake ameweza kuzichezea timu kubwa.

Safari yake ya soka ilianzia mwaka 2004 alipokuwa na kikosi cha timu ya taifa ya vijana chini ya umri wa miaka 17 ya Serengeti Boys ambapo aling' ara na kusajiliwa na Toto Africans ya Mwanza mwaka 2004, msimu uliofuata akajiunga na Kagera Sugar ambako pia aling' ara na kuchukuliwa na Yanga SC msimu uliofuatia.

JE! NGASA ANAPOTEA AU ANARUDI? NI JAMBO LA KUSUBIRI KISHA TUONE

Mrisho Khalfan Ngasa, amapotea au anarudi?

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma