Ruka hadi kwenye maudhui makuu

YANGA YAPATA USHINDI MWEMBAMBA, NGOMA AUMIA TRNA

Na Ikram Khamees. Dar es Salaam
Yanga SC leo imepata ushindi mwembamba wa bao 1-0 dhidi ya Ndanda FC "Wanakuchele" katika mchezo mkali wa kusisimua uliopigwa jioni ya leo Uwanja wa Uhuru jijini Dar es Salaam.
Kwa ushindi huo Yanga imefikisha pointi nane ikiwa sawa na mahasimu wao Simba, goli pekee la ushindi la mabingwa hao watetezi lilifungwa na Ibrahim Ajibu akiunganisha krosi ya beki Kevin Yondan ambaye alitumia vema mpira wa kona alioanzishiwa na Juma Abdul, hata hivyo mshambuliaji Mzimbabwe Donald Ngoma aliumia na kutolewa nje ambapo nafasi yake ilichukuliwa na Emmanuel Martin.
Ndanda leo wamecheza vizuri na kuipania Yanga ambapo kama si mabeki wa Yanga kuwa wajanja na kudhibiti mashambulizi ya Ndanda huenda mchezo huo ungeamuliwa na sare, Ndanda walikosa mabao ya wazi, kiungo wa Yanga, Mkongoman Papy Kabamba Tshishimbi alionyeshwa kadi ya njano ya tatu mfululizo na atakosekana katika mchezo ujao dhidi ya Mtibwa Sugar
Wachezaji wa Yanga wakimpongeza Ibrahim Ajibu aliyefunga bao la ushindi

Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma