STAA WETU:

-
ABBAS PIRA: MTANZANIA ANAYECHEZA SOKA ENGLAND, MAYANGA AMTUPIA MACHO.
Na Prince Hoza.
INAWEZEKANA mafanikio ya Mtanzania Mbwana Ally Samatta yamekuwa kichocheo cha Watanzania wengine wanaocheza nje ya nchi kurejea nyumbani huku wakiwa na shauku kubwa ya kutaka kukipiga kwenye timu yao ya taifa.
Tatizo hapa ni profile zao kutokuwa wazi hususani wale waliondoka Tanzania wakiwa vijana wadogo, Abbas Pira ni Mtanzania mzaliwa wa barabara ya tatu jijini Tanga, Mtoto wa tajiri anayemiliki visima vya mafuta jijini humo, Gulam Pira.
Abbas Pira ni mchezaji wa zamani wa Coastal Union msimu wa 2002/03 na 2004 akiwa chini ya aliyekuwa kocha mkuu wakati huo marehemu Zakaria Kinanda "Sacchi".
Pira aliondoka Tanzania msimu wa mwaka 2006 akiwa na umri wa miaka 17 na kwenda nchini Uingereza kwa ajili ya masomo ya juu, Akiwa London, Uingereza Abbas Pira, aliendelea kucheza soka kwenye mitaa mbalimbali ya jiji hilo.
Akiwa huko alicheza vilabu kama Hillington FC, FC Wibledon pamoja na Kilbum FC, baadaye Pira alijiunga na kituo cha kukuza vipaji cha Football CV Academy kilichopo kwenye mji wa Northmpton kisha baadaye kwenda kufanya majaribio katika klabu za Chelsea, Birmingham City na MK Dons.
Abbas Pira ni mlinda mlango ambaye alianzia harakati zake za kucheza soka katika timu ya Mzambarauni Stars kabla ajasajiliwa na Coastal Union ambao walianza naye kwa kufanya mazoezi.
Mwaka 2005/06 alienda Uingereza ambako alianza kucheza soka katika vilabu kadhaa, Akiwa Football CV Academy, Pira amesema alicheza pamoja na nahodha msaidizi wa Manchester United Chriss Smalling ambapo anadai alicheza vizuri mpaka akapelekwa kujaribiwa Chelsea.
Alifanya majaribio pale Chelsea kwenye Uwanja wa Stamford Bridge halafu akaenda Birmingham City, Meyton Orient, Coalcheste FC na baada ya hapo alipata ofa ya kwenda MK Dons lakini kulitokea tatizo kwenye kibali cha kazi kwa sababu Tanzania haikuwa ndani ya timu 70 bora kwenye viwango vya FIFA.
Kupata kazi ya mpira Uingereza lazima Tanzania iwe katika nafasi ya 70 kwenye timu bora FIFA.
Pia Abbas Pira amesomea ukocha ambapo amepata leseni C ya UEFA inayomfanya aweze kufundisha timu yoyote ile duniani ya Under-17, Pira pia amekuwa mchambuzi katika vituo kadhaa vya redio hapa nchini.
Anasema amewahi kupigiwa simu na Rais wa Jamhuri ya Muungano wa Tanzania, Dk John Pombe Magufuli akimsifia kwa aina yake ya uzungumzaji wake anapochambua, kipa huyo mwenye umbo kubwa anayevutiwa na Zinedine Zidane "Zizzou"  na kipa Fabian Barthez, amesema milango imefunguka kwa wachezaji wa Tanzania kucheza soka la kulipwa Ulaya na kwingineko.
Amewasifu Mbwana Samatta, Farid Mussa, Thomas Ulimwengu, Elius Maguli na Simon Msuva kwa kujitoa kwao na kutafuta changamoto nyingine Ughaibuni, amedai bado nafasi zipo kwa wachezaji wa Tanzania kwenda kucheza soka la kulipwa.
Kuhusu kuitwa Taifa Stars. Pira amesema anatamani japo siku moja angalau aitwe kwenye timu ya taifa ii aweze kuibeba vema nchi yake, anasema hivi karibuni alipokea ujumbe kutoka kwa kocha wa Taifa Stars, Salum Mayanga ukimtaka atume profile yake ili iwe rahisi kujumuhishwa kwenye kikosi hicho.
Anaamini uwezo mkubwa anao hivyo atalitetea vema taifa kake, Abbas Pira aliwahi kushawishiwa ajiunge na Simba SC msimu uliopita lakini wakashindwana kwenye dau, yeye alitaka asajiliwe kwa shilingi Milioni 100 za Kitanzania lakini Wekundu hao wa Msimbazi hawakuwa tayari kutoa fedha hizo hivyo alishindwa kujiunga nao.
Abbas Pira kwa sasa anachezea timu ya Wrexham FC inayoshiriki Ligi Daraja la tatu Uingereza na yuko mbioni kwenda nchini Ubelgiji kufanya majaribio katika timu ya Standard Liege inayoshiriki Ligi Kuu ya nchi hiyo
Abbas Pira akiwa langoni 
Abbas Pira (Katikati aliyevaa kofia) akiwa na David Pasko (Kushoto) na kulia ni Prince Hoza ambaye ndiye mwandishi wa makala hii

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma