Ruka hadi kwenye maudhui makuu

Kagera Sugar yaizuia Simba kukaa kileleni

Na Paskal Beatus. Bukoba

Timu ya Kagera Sugar ya Bukoba mkoani Kagera, jioni ya leo imeizuia kabisa Simba SC ya Dar es Salaam kurejea kileleni mwa msimamo wa Ligi Kuu ya Vodacom Tanzania Bara baada ya kuilaza mabao 2-1 katika Uwanja wa Kaitaba.

Ikicheza mbele ya mashabiki wake, Kagera Sugar walicheza kandanda safi na kuwazidi maarifa Simba waliokuwa na sapota kubwa kutoka kwa mashabiki wake wa Kanda ya ziwa walioungana kuipa nguvu timu yao ili iweze kuzoa pointi tatu kila mchezo.

Kagera Sugar inayonolewa na Mecky Mexime ilianza kupata bao kipindi cha kwanza lililofungwa na nyota wa zamani wa Simba, Mbaraka Yusuph Abeid ambaye pia ni mchezaji wa Taifa Stars.

hadi mapumziko Kagera ilikuwa mbele kwa bao hilo, kipindi cha pili Kagera walirudi na kasi ile ile na kufanikiwa kuongeza bao la pili lililofungwa tena na mchezaji mwingine wa zamani wa Simba Edward Christopher "Eddo", Simba walipata goli la kufuta machozi lililofungwa na Muzamiru Yassin

Kwa kipigo hicho sasa kinaifanya Simba ibaki katika nafasi ya pili na pointi zake 55 ikicheza mechi 25 wakati Yanga ambayo jana iliifunga Azam FC bao 1-0 inaongoza ligi hiyo ikiwa na pointi 56 mechi 25, Kagera sasa ni ya tatu ikiwa na pointi 46 ikiishusha Azam FC yenye pointi 44

Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma