STAA WETU: BATAROKOTA, ANA VIPAJI VINGI VYA KUJIVUNIA, NDIYE ALIYEITENGENEZA BLOGU HII

-

Na Salum Fikiri Jr, MOROGORO

Nilisafiri hadi mjini Morogoro maeneo ya Kihonda ili nikutane na jamaa mmoja anayafahamika kwa jina la Paschal Linda ama waweza kumuita Batarokota.

Unaweza kujiuliza maswali mara mbili mbili hasa nilipotaja jina la Batarokota ambalo si geni masikioni na machoni kwenu, jina hili lilichomoza mwaka juzi kwenye tuzo za Kill Music Awards 2014 ambazo zilimwezesha msanii Diamond Platinumz kuzoa tuzo saba kwa mkupuo.

Batarokota alikuwemo katika tuzo hizo baada ya kuteuliwa kuingia kwenye kategoli, Batarokota alipata nafasi ya kuingia kwenye tuzo hizo na wimbo wake wa 'Kwejaga nyangisha' ambao ni wa asili na ameuimba kwa lugha ya Kisukuma.

Kwa bahati mbaya Batarokota hakupata tuzo ila aliweza kujitambulisha vema kwenye medani ya muziki kwani wasanii wengi tu hapa nchini wenye majina makubwa hawakuwahi kuingia kwenye tuzo hizo.

Awali Batarokota alikuwa akiimba hip hop na alibahatika kurekodi nyimbo nne ambazo zote ameziweka Youtube hivyo ukizihitaji unaweza kuzipata, wimbo wa 'Sauti ya haki' na 'Vichwa vya gola' ni moja kati ya nyimbo nzuri ambazo zinamweka katika orodha ya wasanii wanaofanya vizuri.

Batarokota anasema aliamua kuimba muziki wa asili baada ya kuombwa na baadhi ya mashabiki wake, "Waliniona nafaa kuimba muziki wa asili, hivyo nikaamua kuimba ili niwafurahishe, mimi ni msukuma mwenyeji wa Mwanza nikaamua kuimba Kisukuma", alisema Batarokota, baba wa watoto wawili Sarah na Linda.

Msanii huyo aliyezaliwa miaka 40 iliyopita jijini Mwanza, ameongeza kuwa muziki upo ndani ya damu yake, anasema alianza kuimba tangia anasoma shule ya msingi, sekondari hadi chuo kikuu cha St Agustino baadaye Nairobi Kenya.

Aliwahi kushinda tuzo akiwa chuoni katika mashindano ya muziki, "Hapo ndipo nilipokutana na watu wangu wa Gola ambao nimefanya nao Collabo iitwayo "Vichwa vya Gola", anasema.

Aidha Batarokota anaelezea taaluma yake nyibgine aliyoisomea chuoni, anasema yeye ni mtaalamu wa kutengeneza Webbsite na tovuti na ndiye aliyeitengeneza tovuti ya Mambo Uwanjani aambayo leo hii imekuwa tovuti bora hapa nchini.

Amewataka Watanzania hasa wafanyabiashara kutosita kuonana naye ili awatengenee tovuti kwa ajili ya kutangaza biashara zao, msanii huyo tayari ameingia tena studio kutengeneza wimbo mwingine wa asili ambao anabashiri utakuwa mkali kuliko ule wa kwanza uliomwingiza tuzo za Kill.

AMSIKITIKIA CHID BENZI

Batarokota ameonyesha masikitiko yake kwa msanii wa hip hop Rashid Makwiro maarufu Chidi Benzi ambaye kwa sasa anasumbuliwa na maradhi yaliyotokana na matumizi ya dawa za kulevua, Batarokota anawaasa wanadamu wenzake kutomcheka Chidi Benzi wala kumdhihaki kwani tatizo alilonalo linaweza kumkuta mtu yeyote.

"Yaliyomkuta Chidi Benzi yanaweza kumtokea mtu yeyote yule kwani hata yeye hakupenda imtokee hivyo", alisema Batarokota ambaye kwa sasa anaishi Morogoro.

UNAFAHAMU KWAMBA NI MCHUNGAJI

Batarokota ana vipaji vingi, moja wapo ni hili la uchungaji, jamaa ni mchungaji lakini si mlokole, yeye ni mchungaji wa makanisa ya Kikatoliki na amekuwa akitoa maneno mema ya kumfurahisha mwenyezi mungu.

TUKUTANE TENA JUMA LIJALO


Msanii Batarokota, akiwa katika ofisi zetu mjini Morogoro,(Picha na Salum Fikiri Jr)

(Picha chini, Batarokota akiwa studio akirekodi wimbo)

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma