MAKALA: JUSTUCE MAJABVI: Kutoka Bundesliga hadi VPL

-

SI kazi rahisi kumnyang'anya namba Jonas Mkude mtoto wa 'Don Town', alishindwa Mrundi Pierre Kwizera aliyekuwa akicheza soka la kulipwa Ivory Coast, Mkude alimwachia nafasi wakati yeye akijiuguza majeraha yake ya goti, lakini alirejea kwenye nafasi yake baada ya Kwizera kushindwa kumshawishi kocha wa Simba wakati huo Mzambia Patrick Phiri.

Kwizera hakumridhisha kabisa kocha wa Simba Patrick Phiri ambaye aliamua kuachana naye na kuendelea kumtumia Mkude, Mkude anamudu kucheza namba sita na kwa kipindi kirefu hajatokea wa kumzidi.

Mwanzoni mwa msimu huu uongozi wa Simba uliamua kumsajili Mzimbabwe Justuce Majabvi aliyekuwa kicheza soka la kulipwa nchini Vietnam katika timu ya Vicem Hai Phong FC inayoshiriki ligi kuu nchini humo.

Ujio wake umechagizwa na kocha mkuu wa Simba Muingereza Dlan Kerr ambaye naye alikuwa akiifundisha timu hiyo, Kerr anamfahamu vizuri Majabvi na ndiyo maana akapendekeza asajiliwe haraka, lakini kocha huyo hakutambua kama Simba inaye kiungo matata Jonas Mkude.

Mkude si kiungo wa masihara, anajua nini anachokifanya, Majabvi naye si mchezaji wa kitoto kama wengi walivyodhana, ni mmoja kati ya wachezaji wa daraja la juu Zimbabwe, isipokuwa umri wake unaelekea kumtupa.


Anacheza namba sita kama Mkude, ingawa anaweza pia kucheza namba tano maarufu kama sentahafu, anacheza vizuri na kama ukibahatiksa kumtazama unaweza kuvutiwa naye, nyota huyo aliyewahi kucheza timu ya taifa ya Zimbabwe alizaliwa Machi 26, 1984 huko Harare.

Majabvi akimdhibti mchezaji wa timu pinzani, ligi ya Austria

Timu yake ya kwanza ilikuwa Lancashire Steel FC aliyoanza kuichezea mwaka 2002 hadi 2005 alipojiunga na Dynamo FC pia ya Zimbabwe, aliichezea timu hiyo kuanzia mwaka 2006 hadi 2008, msimu uliofuata wa 2009 alijiunga na Lask Linz ya Austria ambayo alidumu nayo hadi mwaka 2011.

Sifa za Majabvi zilianzia Zimbabwe ambapo alipokuwa anaichezea Dynamo aliiwezesha kufika nusu fainali ya ligi ya mabingwa Afrika, pia alipokuwa Austria katika klabu ya Lask Linz aliiwezesha timu yake kumaliza nafasi ya tatu katika ligi kuu ya nchini humo maarufu kama Bundesliga.

Majabvi aliihama Lask Linz na kujiunga na Khatoo Khan Hoa FC ya Vietnam kuanzia mwaka 2012 ambapo hakukaa sana kabla ya kujiunga na Vicem Hai Phong FC pia ya Vietnam aliyojiunga nayo mwaka 2013 hadi 2014, na mwaka huu amejiunga na Simba ya Tanzania.

Tayari Majabvi ameshaifungia goli moja Simba wakati ilipoifunga Mgambo Shooting 2-0 jijini Tanga, Majabvi anacheza vizuri kiasi kwamba kocha Dylan Kerr ameamua kumbadili namba Mkude na kumchezesha sentahafu au namba saba ili mradi kiungo huyo Mzimbabwe asimame katikati, Majabvi alimfunika vilivyo kiungo wa Yanga Mzimbabwe Thabani Kamusoko wakati miamba ya soka nchini Simba na Yanga zilipomenyana Septemba 26 mwaka huu, Huyo ndiyo Justuce Majabvi Mzimbabwe aliyetesa ligi ya Bundesliga na sasa anakipiga VPL

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio
Endelea kusoma