MAKALA: SIMBA ILIPOTEA MABOYA KWA ANGBAN, IMRUDISHE TU IVO MAPUNDA

-

YALIKUWA maamuzi ya kukurupuka na yasiyokuwa ya kitaaluma kumtema kipa mahiri Ivo Philip Mapunda kwa kisingizio kisicho na maana yoyote, ilikuwa rahisi Simba kumpa mkataba kipa Vincent Angban raia wa Ivory Coast, pia ilikuwa ngumu kumpa mkataba mpya Ivo Mapunda.

Bado kikosi cha Simba kinamuhitaji kipa kama Ivo Mapunda, Simba inaonekana ina mapungufu langoni kwake, mechi zote ilizocheza za ligi kuu bara, amedakaPeter Manyika Jr.

Manyika Ndiye yule aliyepigiwa hesabu za kutolewa kwa mkopo, ndiye yule aliyepotezewa na mashabiki na baadhi ya viongozi kutokana na dharau zake alizozionyesha msimu uliopita, lakini Muingereza Dylan Kerr aliamua kumtumia katika mechi tano za mwanzo ligi kuu ya Vodacom Tanzania bara na kuonyesha kiwango.


KWANINI PETER MANYIKA JR

Dylan Kerr aliamua kumtumia Peter Manyika Jr kwenye mechi zake za mwanzo mznguko wa kwanza ligi kuu bara baada ya kumuona katika michezo ya kirafiki iliyofanyika Zanzibar.

Simba iliweka kambi yake Visiwani Zanzibar hivyo ilicheza mechi kadhaa za kirafiki, lakini kocha huyo hakuwa na malengo ya kumtumia Manyika Jr hasa akiamini mlinda mlango Vincent Angban ndiye chaguo la kwanza.

Angban alisajiliwa na Simba baada ya kucheza vizuri kwenye mchezo wa kirafiki wa kimataifa na SC Villa ya Uganda uliofanyika uwanja wa Taifa Dar es Salaam, Simba ikishinda 1-0.

Mchezo ulikuwa wa kuhitimisha sherehe za klabu hiyo zinazofanyika Agosti 8 kila mwaka maarufu 'Simba Day', baada ya kipa huyo kucheza vizuri alipewa mkataba wa miaka miwili na kuwa kipa wa kwanza wa timu hiyo badala ya Ivo Mapunda ambaye baadaye aliachwa.


Simba iliamua kumtema Mapunda kutokana na proglamu ya kocha ambaye alitaka awe na kipa mmoja mwenye uwezo mkubwa na wengine vijana, tayari Simba ilikuwa na makipa vijana watatu ambao ni Peter Manyika Jr, David Kissu na Dennis Richard.

CHANZO CHA KUKAA BENCHI ANGBAN HIKI HAPA

Kuachwa kwa Mapunda kulizua sintofahamu nyingi hasa ikiaminika kuwa kipa huyo alikuwa tegemeo kwenye kikosi hicho msimu uliopita, Kerr alimtumia Angban katika mchezo wa kirafiki dhidi ya JKU uliofanyika uwanja wa Amaan Zanzibar.

Simba ilifungwa mabao 2-0, lakini magoli yote ya JKU ni uzembe wa kipa Angban ambaye aliwahi kufanya majaribio Chlesea ya England, Kerr aliamua kumpumzisha na kumwingiza Peter Manyika Jr ambaye alicheza vizuri bila kuruhusu goli.

Muingereza huyo aliyewahi kuichezea Sheffeild Wednesday ya England aliendelea kumtumia Manyika katika mechi zote zilizosalia huko visiwani Zanzibar, Manyika hakuruhusu bao hivyo aliridhishwa moja kwa moja na kiwango chake.

Manyika alianza kukaa golini katika mchezo wa kwanza wa ligi kuu bara dhidi ya African Sports uwanja wa Mkwakwani Tanga, Simba ikishinda 1-0, Manyika alicheza vizuri na kuendelea kumfurahisha Muingereza huyo, pia alicheza vizuri kwenye mchezo mwingine dhidi ya Mgambo JKT, Simba ikishinda 2-0.

Manyika aliruhusu goli lake la kwanza kufungwa msimu huu, Simba ikiifunga Kagera Sugar 3-1 uwanja wa Taifa Dar es Salaam, akaendelea kukaa golini na kuzidi kumweka benchi kipa wa kimataifa Vincent Angban kwenye mchezo wa watani wa jadi Simba na Yanga uliofanyika uwanja huo huo wa Taifa.

Katika mchezo huo Simba ilifungwa mabao 2-0 na kuwaacha vichwa chini mashabiki wa Wekundu hao wa Msimbazi, pia Manyika aliendelea kukaa golini kwenyemchezo mwingine wa tano dhidi ya Stand United ya Shinyanga, Simba ikishinda 1-0 uwanja wa Taifa.

UMUHIMU WA IVO MAPUNDA

Ivo Mapunda (pichani) akiwa anawasalimia wachezaji wa Yanga wakati timu hizo zilipokutana mwaka juzi

Bado kipa Ivo Mapunda mwenye umri wa miaka 31 ni muhimu kwenye kikosi cha Simba, Mapunda alikuwa kipa wa kwanza katika kikosi hicho msimu uliopita huku Peter Manyika Jr akisota benchi, Mapunda anastahili kurejeshwa Simba kutokana na msaada wake mkubwa aliokuwa akiutoa msimu uliopita.

Haiwezekani kipa aliyesajiliwa kwa mamilioni ya shilingi tena wa kimataifa anaanzia benchi mbele ya chipukizi Manyika Jr, si kwamba nabeza uwezo wake au Manyika, naomba tu Simba imrudishe haraka Mapunda wakati wa usajili wa dirisha dogo.

Siku moja niliwahi kuzungumza naye akaniambia kuachwa kwake kunaweza kuwanufaisha Yanga, na ni kweli baada ya kuachwa kwake, Wanayanga walifurahia, na walijitamba kuwa lazima waifunge Simba wakikutana, hilo limetokea hivi karibuni Simba ikilala 2-0 uwanja wa Taifa.

Yanga walionekana kufurahia, wanajua umuhimu wake katika kikosi hicho cha Simba, akikaa golini washambuliaji wa Yanga wanachachawa wenyewe, wanapaisha tu mashuti yao, wanaogopa taulo lake linalotanda golini, endapo Mapunda atarejeshwa Yanga watakuwa wapole.

Mapunda bado ni muhimu sana katika kikosi hicho kama ilivyo kwa Emmanuel Okwi ambaye pengo lake bado halijazibika

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma