HARUNA NIYONZIMA AISHANGAA YANGA

-
Kiungo wa kimataifa wa timu ya Yanga ya Tanzania Bara, Haruna Niyonzima, amesema kitendo cha timu yake kutoshiriki mashindano ya Klabu Bingwa Afrika Mashariki na Kati (Kombe la Kagame) kwenye ardhi ya kwao, Rwanda kimemuumiza sana.

Yanga iliondolewa kushiriki mashindano ya Kombe la Kagame baada ya kutaka kuleta kikosi cha pili chini ya kocha msaidizi, Mbrazil, Leonardo Neiva, hivyo nafasi yao kuchukuliwa na Azam.

Akizungumza kwa njia ya simu kutoka Dar es Salaam, Niyonzima, alisema alitamani sana kushiriki mashindano hayo na anaamini Yanga ingechukua kombe la michuano hiyo.


Niyonzima alisema hatua hiyo bado itaendelea kumsumbua akili yake, lakini anaheshimu maamuzi yaliyofanywa na viongozi wake.

"Imeniumiza sana, nilikuwa nimejiandaa sana kuitumikia timu yangu, lakini sisi Wanyarwanda huwa tunasema jikune pale mkono unapofika na usipofika omba msaada," alisema Niyonzima.

Nahodha huyo wa timu ya Taifa ya Rwanda (Amavubi), alisema pia atahakikisha anatoa mchango wake kwa Yanga katika kiwango cha juu ili waweze kurejesha ubingwa wa Ligi Kuu ya Tanzania Bara ambao waliupoteza msimu uliopita.

"Nilicheza Kagame Cup nyumbani mwaka 2010 nikiwa na APR na kuchukua ubingwa, mwaka huu nilijua ningeweka rekodi nyingine nikiwa na Yanga, lakini Mungu hakupanga, sijui kama naweza tena kupata nafasi hiyo kwa sababu maisha yanasonga mbele nami sijui nitakuwa wapi tena miaka inayokuja," alihitimisha.

Agosti 2, mwaka huu kwenye Uwanja wa Amahoro, kiungo huyo aliiongoza vyema Amavubi kuiondoa Congo Brazaville na kutinga hatua ya makundi ya mashindano ya Kombe la Mataifa ya Afrika (AFCON).

Alisema tayari alikuwa na mashabiki wengi ambao walijiandaa kuishangilia Yanga kwa sababu yake lakini mipango na ndoto hizo zimeyeyuka.

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma