MATOLA AWALILIA OKWI, YONDANI, KASEJA SIMBA, ADAI PENGO LAO BADO LINAWATESA

-
Kocha  msaidizi wa timu ya Simba, Selemani Matola, amesema kuwa mabadiliko yaliyofanywa katika benchi la ufundi la timu hiyo ndiyo yalisababisha kikosi hicho kupotea kwenye mbio za kusaka ubingwa wa msimu huu wa Ligi Kuu ya Soka Tanzania Bara ambayo inatarajiwa kumalizika Aprili 19 mwaka huu.

Msimu uliopita Simba ilimaliza ligi ikiwa na Mfaransa Patrick Liewig, ambaye alitimuliwa na nafasi yake kuchukuliwa na mshambuliaji wa zamani wa timu hiyo, Abdallah Kibaden 'King' ambaye naye aliondolewa na mikoba yake ikarithiwa na Mcroatia Zdravko Logarusic.

Akizungumza jana, Matola, alisema kuwa mabadiliko hayo yaliifanya timu ianze mchakato wa kusaka kikosi cha kwanza wakati ligi ikiwa tayari imeanza.


Matola alisema kuwa kila mwalimu huwa na sera zake na vile vile kuondoka kwa nyota wakongwe (Juma Kaseja, Juma Nyoso, Haruna Moshi 'Boban', Kelvin Yondani na Emmanuel Okwi) kuliwafanya wachezaji waliobakia "kutojiamini" kuitumikia klabu hiyo hadi pale walipoona mashabiki na viongozi wameanza kuridhishwa na viwango vyao.

"Ila bado tunatakiwa kuheshimu na kuthamini vipaji vyetu, kama ile timu yangu iliyochukua ubingwa kwa BancABC ingeendelea kutunzwa, sasa hivi tungekuwa tunazungumzia mambo mengine," alisema nahodha huyo wa zamani wa Simba.

Aliongeza kuwa kila mchezaji sasa anapaswa kujituma na kuhakikisha Simba inalinda heshima kwa kupata matokeo mazuri kwenye mechi zilizobaki.

"Ligi ni ngumu na inakuwa ngumu zaidi pale tunapocheza dhidi ya timu ndogo, enzi zetu haikuwa hivi, sasa hivi timu ndogo zimezidi kukaba na kuonyesha uwezo wao dhidi ya timu za Dar es Salaam," Matola aliongeza.

Aliwataka wanachama na mashabiki wa Simba kuwa pamoja na kuanza kujenga kikosi cha msimu ujao.

Alieleza pia haoni sababu ya kusajili wachezaji wa kigeni wakati rasilimali kutoka katika timu ya vijana ipo na inachotakiwa kufanya na kuwapa maandalizi sahihi na kuacha kuandaa timu pale inapokaribia mashindano.

Msimu uliopita Simba ilimaliza ikiwa ya tatu katika msimamo wa ligi nyuma ya mabingwa Yanga na Azam na hivyo ilikosa nafasi ya kushiriki mashindano ya kimataifa mwaka huu.

Hali hiyo huenda pia ikajirudia mwakani ingawa lolote linaweza kutokea katika soka

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma