Ruka hadi kwenye maudhui makuu

PSG YAICHAKAZA BAYER LEVERKUSEN

Zlatan Ibrahimovic aifungia PSG dhidi ya Bayer Leverkusen
Zlatan Ibrahimovic alifunga mabao mawili na kuisaidia Paris St-Germain kusajili ushindi mkubwa wa mabao 4-0 dhidi ya Bayer Leverkusen katika mchuano wa ligi ya mabingwa barani Ulaya.

Blaise Matuidi ndiye aliyefungua mvua hiyo ya mabao alipotikisa wavu kunako dakika ya tatu ya ya kipindi cha kwanza na kumwacha kipa Bernd Leno amezubaa.


Ibrahimovic alifunga mkwaju wa adhabu na kuipa PSG bao la pili kunako dakika ya 39 .
Dakika tatu baadaye Ibrahimovic alifunga bao lake la pili kupitia mkwaju wa penalti, Spahic alipomzuia Ezequiel Lavezzi na refarii akaiadhibu Leverkusen.

Wafungaji bora Ligi ya Mabingwa 2013-14
  • Zlatan Ibrahimovic (PSG) 10
  • Cristiano Ronaldo (Real Madrid) 9
  • Lionel Messi (Barcelona) 7
  • Sergio Aguero (Man City) 6
  • Alvaro Negredo (Man City) 5
Mechi hiyo ilibakia kuwa ya nipe nikupe hadi muda wa lala salama ya kipindi cha pili hadi pale Yohan Cabaye alipocheka na wavu punde baada ya Emir Spahic kuonyeshwa kadi nyekundu kwa kucheza visivyo.
Kutokana na mabao hayo mawili Ibrahimovic,sasa amempiku mchezaji bora duniani Cristiano Ronaldo kwenye orodha ya mfungaji bora katika msimu huu wa mwaka 2013-2014 wa ligi yenye kitita kikubwa zaidi barani ulaya akiwa na jumla ya mabao kumi.

Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma