LIGI KUU BARA YAANZA KWA KISHINDO, MABAO 19 YAFUNGWA

-

Mabao 19, yametumbukizwa wavuni wakati wa mechi za ufunguzi wa msimu mpya wa Ligi Kuu Tanzania Bara uliohusisha timu 14  mwishoni mwa wiki.

Idadi hiyo ya mabao ni kubwa zaidi ukilinganisha na ile iliyopatikana katika mechi za ufunguzi msimu uliyopita, ambapo mabao 10 pekee yalifungwa.
Katika ufunguzi huo, kiungo wa Mtibwa Sugar, Juma Luzio alijiandikia rekodi yake binafsi baada ya kuwa mchezaji wa kwanza kufunga bao la kwanza na la mapema zaidi msimu huu.
Luzio alifunga bao lake hilo dakika ya pili ya mchezo kati ya Mtibwa na Azam FC uliopigwa kwenye Uwanja wa Manungu, Morogoro na kumalizika kwa sare ya bao 1-1.
Mshambuliaji wa Yanga, Jerryson Tegete na kiungo wa Simba, Jonas Mkude waliuanza msimu mpya kwa kishindo baada ya kila mmoja kupachika mabao mawili, idadi ambayo ndiyo ya juu zaidi kwa mchezaji mmoja mmoja katika mechi hizo za ufunguzi.
Tegete alionyesha makali hayo wakati Yanga ilipoisambaratisha Ashanti United kwa jumla ya mabao 5-1, wakati Mkude aliisaidia Simbakulazimisha sare ya mabao 2-2 na Rhino FC ya Tabora.
Mabeki waliojifunga wakiwa katika harakati za kuokoa hatari langoni mwao ni Laurian Mpalile wa Prisons ya Mbeya katika mechi dhidi ya Ruvu Shooting wakati timu yake ilipolala mabao 3-0, na Yusuph Machogote wa Oljoro JKT wakati timu yake ilipochapwa na Coastal Union mabao 2-0.
Pia, waamuzi walitoa kadi mbili nyekundu na mikwaju mitatu ya penalti katika baadhi ya mechi hizo za ufunguzi.
Nyota waliokumbana na rungu la kulimwa kadi nyekundu ni Malegesi Mwangwa wa Kagera Sugar na Emmanuel Kichiba wa Ashanti United.
Kwa upande wa penalti, Aggrey Morris wa Azam FC na Jonas Mkude wa Simba walizifungia timu zao penalti huku zikitoka sare wakati beki Stanley Nkomola wa JKT Ruvu akikosa mkwaju wake, baada ya kupaisha juu ya lango la Mgambo JKT iliyokubali kichapo cha mabao 2-0 nyumbani.
Hata hivyo, katika viwanja saba vilivyokuwa vikiwaka moto, Uwanja wa Sokoine Mbeya ndiyo pekee mashabiki wake walishindwa kushuhudia bao baada ya Kagera Sugar kuwalazimisha suluhu ya 0-0 wenyeji Mbeya City.

Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

-
Picha
Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

STAA WETU: JEREMIA JUMA MTOTO WA JUMA MGUNDA ALIYEIKACHA SIMBA NA KUENDELEA NA UASKARI

-
Picha
Na E xipedito Mataruma, MBEYA SIMBA SC imeshindwa kupata saini ya mshambuliaji wa Prisons ya Mbeya Jeremia Juma Mgunda mtoto wa mshambuliaji wa zamani wa Coastal Union ya Tanga Juma Mgunda. Jeremia Juma mmoja kati ya washambuliaji hatari waliobuka msimu uliopita, alifanikiwa kupachika mabao 14 akiwa nyuma ya Mzimbabwe Donald Ngoma wa Yanga. Mchezaji huyo ambaye amepanda kwa kasi msimu uliopita yupo tayari kutua Simba lakini kikwazo ni dau dogo linalotaka kutolewa na klabu hiyo ya Simba. Akizungumza na mtandao huo mshambuliaji huyo wa timu ya Prisons amesema yupo tayari kuichezea Simba msimu ujao lakini sio kwa kiasi kidogo cha pesa ambacho wanataka kumpa. Mshambuliaji huyo aliyefunga mabao 14 msimu uliopita na kuisaidia timu yake kumaliza nafasi ya nne kwenye msimamo wa ligi ameiambia Mambo Uwanjani kama Simba wamepanga kumpa shilingi Mil 20 hayupo tayari na ni vyema akabakia Prisons ili aendelee kubaki kwenye ajira yake ya uaskari Magereza. "Bado naendelea kuzungumza na vio...
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

-
Picha
Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma