Ruka hadi kwenye maudhui makuu

SIMBA YAWAFUATA BOBAN NA NYOSSO TANGA

SIMBA SC inasafiri hadi Tanga kwa ajili ya mfululizo wa mechi za kujiandaa na msimu, itakapomenyana na wenyeji Coastal Union kwenye Uwanja wa Mkwakwani kesho jioni.

Hiyo itakuwa ziara ya nne kwa Simba SC katika kipindi hiki cha majira ya joto, baada ya awali kwenda Katavi, Shinyanga na Mara.
Wekundu hao wa Msimbazi, chini ya kocha wao mpya, Alhaj Abdallah Athumani Seif ‘King Kibaden’ wamekwishacheza mechi tano na kati ya hizo wameshinda tatu, sare moja na kufungwa moja.

Waliifunga Rhino Rangers iliyopanda Ligi Kuu mabao 3-1 na baadaye Kombaini ya Katavi 2-1, Kahama United 1-0 kabla ya kutoka sare ya 1-1 na Polisi Mara na kisha kufungwa 2-1 na URA ya Uganda mjini Dar es Salaam.
Kwa Coastal, tangu waanze maandalizi ya msimu wamecheza mechi moja na URA Jumatano na kuibuka na ushindi wa 1-0, Uwanja wa Mkwakwani.
Mchezo wa kesho unatarajiwa kuwa mzuri- kwani utakuwa wa kwanza kwa Coastal kucheza na Simba tangu iwasajili wachezaji waliotupiwa virago Msimbazi, Juma Nyosso na Haruna Moshi ‘Boban’ (Pichani juu). 

Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma