Ruka hadi kwenye maudhui makuu

KOCHA YANGA AWACHIMBA MKWARA NYOTA WAPYA

Benchi la ufundi la Yanga limewataka wachezaji wapya wa timu hiyo kuonysha uwezo wao mazoezini ili kumshawishi kocha kuwapa nafasi ya kucheza kwenye kikosi cha kwanza cha timu hiyo badala ya kutegemea mtelemko kwenye kupata namba kwa sababu tu ni wapya.

Kocha msaidizi wa klabu hiyo, Fred Felix 'Minziro' (Pichani) alisema timu imefanya usajili wa wachezaji wapya lakini wachezaji hao hawajahakikishiwa namba ya kwenye kikosi cha kwanza cha timu hiyo.
"Ukiangalia ushindani mkubwa upo kwenye safu ya ushambuliaji kwa sababu Javu (Hussein) ameongezeka," alisema Minziro.
"Lakini hii ni changamoto kwa wachezaji wote wapya na hata wale waliokuwepo msimu uliopita kuhakikisha wanajituma ili kupata nafasi."
Alisema makocha hawataangalia jina la mchezaji bali uwezo wake ambao ndiyo utakaompa namba kwenye kikosi cha kwanza.
Alisema kila mchezaji ana nafasi sawa ya kucheza isipokuwa juhudi na kujituma kwake ndiyo "tiketi" yake ya kupata namba kwenye kikosi cha kwanza.
Kusajaliwa kwa Javu kunafanya kikosi cha Yanga kuwa na wachezaji sita wa nafasi ya ushambuliaji.
Wachezaji hao mbali na Javu ni Said Bahanuzi, Jerry Tegete, Didier Kavumbagu, Mrisho Ngasa ambaye hata hivyo kocha Ernest Brandts anaweza akamtumia kama winga na Hamis Kiiza ambaye inasemekana Yanga imeamua kumuongeza mkataba hatimaye.
Yanga itafungua pazia la ligi kuu ya Bara msimu ujao kwa kucheza na Ashanti United Agosti 24 kwenye Uwanja wa Taifa lakini wiki moja kabla ya mechi hiyo itacheza na Azam kwenye mchezo wa Ngao ya Hisani.

Machapisho maarufu kutoka blogu hii

FIFA yatoa orodha ya vilabu bora duniani, Simba na Yanga zachuana vikali

SHIRIKISHO la Soka Afrika (CAF) limetoa orodha ya viwango vya ubora wa klabu barani, Simba ikiendelea kuwa juu ya klabu nyingine za Tanzania, nafasi ya tano. Orodha hiyo imetoka leo kuelekea droo ya hatua za awali za michuano ya klabu Afrika ambayo kwa mara ya kwanza kihistoria itafanyika nchini katika studio za Azam Tv, Tabata Jijini Dar es Salaam. Yanga ambayo kama Simba itashiriki Ligi ya Mabingwa — yenyewe inashika nafasi ya 12, wakati timu nyingine katika orodha hiyo ni Namungo FC wanaoshika nafasi ya mwisho, ya 75 kwa pamoja na Salitas FC ya Burkina Faso, Ahli Benghazi ya Libya na NAPSA Stars ya Zambia. Kwa msimu ujao mbali na Simba na Yanga kushiriki Ligi ya Mabingwa, Azam FC na Singida Black Stars zitashiriki michuano ya Kombe la Shirikisho Afrika.
Endelea kusoma

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

Beno Ngassa mdogo wa Mrisho Ngassa anayekipiga Tanzania Prisons

Miongoni mwa viungo wa pembeni wanaofanya vizuri ni Benodict Khalfan Ngassa ambaye amekuwa akifanya vizuri. Ngassa ambaye ni mtoto wa mchezaji wa zamani wa Pamba Jiji na Simba SC, Khalfan Ngassa, pia ni mdogo wa kiungo mshambuliaji wa zamani wa Yanga, Simba na Azam, Mrisho Ngassa anatajwa ni mmoja kati ya wachezaji wanaotazamiwa kufanya makubwa siku za usoni. Mambo Uwanjani Blog itawaletea Makala maalum ya kiungo huyo hatari ambaye ndoto zake ni kufuata nyayo za kaka yake Mrisho Ngassa. Beno Ngassa
Endelea kusoma