Na Prince Hoza, DAR ES SALAAM
SHIRIKISHO la mpira wa miguu nchini TFF limeikatalia Baraza la vyama Afrika mashariki CECAFA kuwa mwenyeji wa michuano ya kombe la Kagame iliyopangwa kufanyika Dar es Salaam.
Rais wa Shirikisho hilo Jamal Malinzi amesema TFF haiwezi kukubali Tanzania iwe mwenyeji wa michuano hiyo kwavile imebanwa na ratiba ya michuano ya kimataifa, Tanzania itakuwa mwenyeji wa michuano ya CAF ambapo klabu ya Yanga itakuwa ikishiriki.
Yanga imeingia hatua ya makundi kombe la Shirikisho barani Afrika hivyo haitaweza kushiriki michuano ya Kagame iliyopangwa kuanza Julai mwaka huu wakati Yanga itakuwa kwenye Shirikisho.
Kwa maana hiyo Yanga haitashiriki Kagame kwakuwa itakuwa sambamba na kombe la Shirikisho, Malinzi amedai kama Yanga haishiriki Kagame haitakuwa na maana kwani Yanga ina mashabiki wengi wanaoingia uwanjani hivyo kuna uwezekano kutopatikana kwa mapato, TFF imelitaka CECAFA kutafuta nchi nyingine kuandaa fainali hizo
