0752 711688
ANAITWA Julius George Mgomela (Pichani) ila maskani kwake Tabata Kisukuru humfahamu kwa jina la G-boy ambalo analitumia kwenye shughuri zake za muziki.
Tayari G-boy amerekodi nyimbo mbili ambapo moja inaitwa 'Pesa mke wangu'na nyingine inaitwa Promise, nyimbo zote hizo amemshirikisha PNC na amefanyia katika studio za Iringa Record chini ya prodyuza Tudi Thomas.
G-boy ambaye ni mwenyeji wa mkoa wa Kigoma amelalamikia ukata wa fedha ambapo amedai anaomba mdhamini ajitokeze ili aweze kuendeleza kipaji chake.
'Tatizo linalinisumbua ni ukata, sina pesa hivyo inanifanya nishindwe kupanga kazi zangu vizuri', alisema, Aidha G-boy anaelezea ukata wa fedha unamnyima fulsa ya kushirikiana na wasanii wakubwa kama vile Diamond Platinum.
G-boy amesema muziki unalipa hivyo endapo atapata menejiment atafanya mambo makubwa, G-boy anafanya muziki wa hiphop na Rnb na amepitia changamoto mbalimbali.
Akitoa maoni yake kwa upande wa serikali, G-boy amesema kuwa serikali imeshindwa kutoa hakimiliki kwa wasanii chipukizi na kupelekea kuibwa kwa kazi zao kiloa kukicha na wasanii wakubwa.
Aidha pia amelaani vitendo wanavyofanyiwa na baadhi ya maprodyuza ambao wamekuwa na tabia ya kuwacheleweshea kazi zao kwa vile ni 'Underground' na kuwathamini wasanii wakubwa.
'Mimi imeshenitokea wakati naenda studio kutengeneza wimbo wangu mmoja (Siyo huu wa sasa) nilipofika studio hiyo nikaambiwa nilipie gharama zao nikafanya hivyo, lakini sikufanikiwa kurekodi zaidi nikapigwa kalenda miezi nane', alisema na kuongeza.
'Baada ya kupigwa kalenda ikanilazimu nitumie unabe wangu wa kitaani (anacheka) ambapo nilimfosi prodyuza anitengenezee ngoma yangu au anirudishie fedha zangu', aliendelea G-boy.
'Kilio changu kwa maprodyuza waache dharau kwani na sisi tunahitaji kufika kwenye mafanikio kama waliyokuwa nayo hao wasanii maarufu, naamini nikitendewa haki nitafanya vizuri kwani uwezo ninao tena mkubwa', alimaliza.
Kwa sasa G-boy anajifua vikali kujiandaa na shoo mbalimbali zilizo mbele yake huku akiendelea kulilia wadhamini ili waweze kumsaidia mambo muhimu ikiwemo kumlipia gharama za studio na mavazi.