Ruka hadi kwenye maudhui makuu

Tanzania njia nyeupe robo fainali kombe la CHAN

TANZANIA imeendeleza wimbi la ushindi katika Fainali za Ubingwa wa Mataifa ya Afrika (CHAN) baada ya ushindi wa bao 1-0 dhidi ya Mauritania katika mchezo wa Kundi B usiku wa leo Uwanja wa Benjamin Mkapa Jijini Dar es Salaam.

Pongezi kwa mfungaji wa bao hilo pekee, beki wa kulia wa Simba SC, Shomari Salum Kapombe dakika ya 89 akimalizia krosi ya winga wa kushoto wa Azam FC, Iddi Suleiman Ali ‘Nado’.

Kwa ushindi huo Taifa Stars inafikisha pointi sita kufuatia ushindi wa 2-0 kwenye mchezo wa kwanza dhidi ya Burkina Faso Jumamosi hapo hapo Uwanja wa Mkapa.
Mchezo mwingine wa Kundi B leo Burkina Faso imeshinda 4-2 dhidi ya Jamhuri ya Afrika ya Kati (CAR) hapo hapo Uwanja wa Mkapa.

Mabao ya Burkina Faso yamefungwa na Nasser Ouatarra dakika ya 11, Guiro  dakika ya 61 kwa penalti, Malo dakika ya 78 kwa penalti pia na Baguian  dakika ya 84, wakati ya CAR yamefungwa na Tchibinda  dakika ya 15 na Zoumara  dakika ya 90+5.

Burkina Faso inasogea nafasi ya pili nyuma ya Taifa Stars na mbele ya Madagascar na Mauritania zenye pointi moja kila moja na CAR inaendelea kushika mkia ikiwa haina pointi.


Machapisho maarufu kutoka blogu hii

HISTORIA YA TIMU YA MASHUJAA YA KIGOMA, KUMBE NI SHEA YA JESHI NA WANANCHI

Timu inaitwa Mashujaa Lake Tanganyika FC ( Mashujaa FC ) ilianza rasmi kampeni yake ya kupanda Ligi Kuu tarehe 29/9/2018 na imepanda Ligi Kuu 25/06/2023 miaka mitano ya kupambana kwenye Ligi Daraja la kwanza Championship. Timu hii inaendeshwa kwa ushirikiano wa pande mbili kati ya Jeshi la Wananchi wa Tanzania (JWTZ) na Halmashauri ya Manispaa ya Kigoma Ujiji kwa niaba ya Wananchi wa Kigoma. Muelewe hapa maana wengi wanasema ni timu ya Jeshi asilimia 100% Nembo ya timu ni Sokwe Dume, Shujaa wa Hifadhi za Gombe na Mahale zilizopo mkoani Kigoma. Rangi ya kwanza ya jezi ya timu (first kit) ni hiyo hapo chini na kwenye nembo ya timu ni rangi za tunda la michikichi (mawese ). Hii kama njano ni mawese yaliyoganda na huo wekundu ni mawese ya moto. Ukishika tunda la Mse juu utaona wekundu na ukikata katikati utaona njano. Nyeupe ni ‘nazi’ ya Mse hizi ni alama za utajiri wa Kigoma Jezi nyingine ni blue inayowakilisha Ziwa Tanganyika na Jezi nyingine ni Nyeupe
Endelea kusoma

MAKALA: SIMBA NI TIMU YA KWANZA TANZANIA KUINGIA NUSU FAINALI AFRIKA

Na Prince Hoza AFISA Habari wa klabu ya Yanga SC Ally Shabani Kamwe alidiriki kuudanganya umma wa wapenzi wa soka hapa nchini kwamba hakuna timu yoyote hapa Tanzania kuwahi kuingia hatua ya nusu fainali ya vilabu Afrika. Kamwe alisema timu yake ya Yanga itakuwa timu ya kwanza nchini kuingia nusu fainali ya Afrika, Yanga ilikuwa inakaribia kabisa kutinga nusu fainali ya kombe la Shirikisho barani Afrika. Yanga ilianza vizuri ikiwa ugenini baada ya kuilaza mabao 2-0 timu ya Rivers United ya Nigeria, hivyo ilikuwa inasubiria mchezo wa marudiano uliofanyika uwanja wa kumbukumbu ya Benjamin Mkapa jijini Dar es Salaam. Kwa vyovyote Yanga walikuwa na uhakika wa kutinga nusu fainali kwani walihitaji sare yoyote ama ushindi wa aina yoyote. Hapo ndipo Afisa Habari wa Yanga, Ally Kamwe aliamua kupiga vijembe kwa watani zake Simba SC na kuipotosha jamii kwa kudai kwamba Yanga itakuwa timu ya kwanza Tanzania kuingia nusu fainali ya Afrika. Kamwe ameifuta hadi rekodi ya Simba kuwa timu ya kwanza Tan...
Endelea kusoma

Mabululu ni wa Simba SC

Simba wameweka donge nono kunasa saini ya mshambuliaji Agostinho Cristovan Paciencio Mabululu anayekipiga Al Tripoli ya Libya Ili ajiunge na Wekundu hao wa Msimhazi. Simba wamefanya mazungumzo ya moja kwa moja na wakala wa Mabululu na mchezaji mwenyewe na wako tayari kulipa kiasi cha juu zaidi kunasa saini ya mshambuliaji huyo hatari zaidi Simba wanahitaji kumalizana na mshambuliaji huyo badala ya kumaliza fainali ya kombe la Shirikisho, tayari Crecentius Magori yuko nyuma ya mpango huo kuhakikisha Simba ijayo inatisha. Mbali na Mabululu, Simba pia inahitaji Saini ya kiungo mshambuliaji wa Azam FC Feisal Salum "Feitoto" ambaye pia amewahi kuichezea Yanga SC
Endelea kusoma